شارك و لا النترا زيرو

**arateb** · 07-07-2015 12:46 PM

افيدوني يا جماعه عشان انا تعبت من التفكير بعد البحث انا قدامي حاجه من اتنين
لانسر شارك فتحه سقف ١٥٢
النترا فتحه سقف ١٥٤

انا يهمني الأمان و العزل و قله الأعطال و توافر قطع الغيار

مستني آراء حضراتكم

شكرًا

**hesham fawzy h** · 07-07-2015 01:08 PM

الاتنين كويسين

الفرق ان الالنترا فيها اوبشن اكتر زى اغلبية العربيات الكورى

و سمعت ان الشارك نازل منها موديل جديد السنة الى جايه ان شاء الله .. و معرفش موديل الالنترا الجديد هينزل امتى .. اسال فى الموضوع دة

**د.هشام** · 07-07-2015 02:07 PM

انا بصراحة قبل ماأجيب الشارك كنت بقارنها بالفلوانس والكروز، الانترا كانت برا حساباتي خالص. انا ماسوقتش الالنترا، بس سمعت أن الhandling بتاع العربية على السرعات العالية مش حلو، والمقصود التحكم في العربية والstability, دا غير أن الدريكسيون مابيتقلش على السرعات العالية

**ahmzd** · 07-07-2015 02:51 PM

شارك طبعا بس هي صالونها وشنطتها أصغر من الالنترا شوية !!

**ENG.MaRk** · 07-07-2015 02:59 PM

لو بتسافر كتير و بتمشي علي سرعات عالية هات شارك غير كدة هات النترا

**abo_salah** · 07-07-2015 09:57 PM

الالانترا صالون اوسع وشنطه اكبر وشيك واعاده بيع عالي
الشارك ياباني انا معاك بس الصالون اضيق والشنطه صغيره مقارنه بشنطه الالانترا .....

توكيل غبور انا جربته سنه ونص ماكنش في اي مشاكل معاهم الحمدلله
توكيل لانسر ايه نظامه ؟؟
شوف حضرتك ايه افضل ليك وربنا يكرمك

**soltanfriend** · 07-07-2015 10:57 PM

نصيحة هات الالنترا بجنط و abs ساعتها هاتحمد ربنا كل ما تحط رجلك فيها

**arateb** · 08-07-2015 05:25 AM

شكرًا يا جماعه علي الردود المفيده انا سواقتي داخل القاهره و السفر مره ولا مرتين في السنه انا عجباني الالنترا اوبشن و شكل تابلوه بس الشارك ياباني و ماركه محترمه جدا هو للأسف كله زود أسعار الشارك عشان الدولار و الالنترا فتحه سقف مش لقيها

**ahmzd** · 08-07-2015 06:00 AM

أنا آسف جدا إن كنت تدخلت فيما لا يعنيني، بس إيه سر التمسك بفتحة السقف؟! دي حتى مش عمليّة في مصر، وكمان مش من أساسيات العربية!!

**arateb** · 08-07-2015 09:12 AM

لا يا فندم لا تدخل و لا حاجه حضرتك اسأل براحتك الموضوع أني عندي ولدين و بيحبوا موضوع فتحه السقف عشان بيفتحوها و انا ماشي و يطلعوا دماغهم منها ده السبب الأساسي و شكرًا لمرور حضرتك