| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 21

  1. #1

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    Thumbs up البطاريات انواعها و صيانتها و كيفية اختيار البطارية المناسبة للسيارة - Facebook Twitter whatsapp انشر الموضوع فى :

    hasad">

    البطاريات انواعها و صيانتها و كيفية اختيار البطارية المناسبة للسيارة




    هتكلم عن الموضوع بشكل مبسط جداا ليصل للجميع و هحاول قدر الاماكن ابتعاد عن المصطلحات العلمية
    البطارية من اهم الاجزاء في العربية نظرا لوظيفتها في انها تمد المارش بالتيار الكهربي لتشغيل العربية و دائرة الكهربا في العربية تعتبر منظومة متكاملة بتكمل بعضها البطارية بتدي تيار لتشغيل العربية فالعربية تتحرك و البساتم في حركة مستمرة و العربية ماشية و راكب طنبورة بتلف مع حركة العربية و الطنبورة ديه واصل من خلال سير ( سير الدينامو ) بالطنبورة اللي ع الدنيامو فالدينامو بيحول الطاقة الحركية لطاقة كهربية يشحن البطارية و البطارية خارج منها قطبين واحد سالب او الارضي و التاني موجب و ده اللي طالع منه ضفيرة
    العربية و متوصل بالموبينة اللي بتاخد التيار توديه لاسبراتير اللي بينظم خروج التيار من خلال اسلاك البوجيهات للبوجيهات اللي داخلة في غرفة الاحتراق في الموتور فيتولد الانفجار جوة غرفة الاحتراق اللي بدوره بيؤدي الي حركة البساتم اللي بتحرك العربية و نفضل في الدائرة ديه زي ما شوفنا منظومة متوصلة ببعضها لو حاجة مش مظبوطة كل ده بيقف و نظرا لاهمية البطارية و مع ذلك وجود فتي بعض الناس فيما يتعلق بها كالعادة
    فقررت اتكلم بشكل مختصر عن البطاريات انواعها و كيفية اختيار البطارية المناسبة بعيدا عن الفتي و شحنها و المحافظة عليها و هذكر اشهر الماركات عندنا هنا

    - الانواع :
    دايما نسمع عن بطارية سائلة و بطارية و معلومات نسبة كبيرة من الناس ان واحد بتتزود و واحدة جافة فاكرينها زي البطاريات الصغيرة
    لكن حقيقة الامر ان البطاريتين سائلة لكن فيه واحدة بدائرة مفتوحة او اللي بيطلق عليها سائلة و واحدة بدائرة مغلقة و بيطلق عليها جافة او عديمة الصيانة Maintenance free كما يطلق عليها الاجانب لكن الجافة ديه زي بطاريات الموبايلات و الالعاب

    - ملخص مميزات و عيوب كلا منهما :
    البطارية السائلة :
    مميزات : ارخص سعرا - في حالة قرب ميعاد تغييرها بيكون لها اشارات بتدل ع ذلك - في حالة تلف البطارية تقدر تشغل العربية بنظرية ( زق و ارمي :D )
    عيوب : صيانة شهرية - السائل اللي بيفور منها لو نزلت ع الصاج بيؤدي لصدأ و تاكل الصاج

    البطارية الجافة او ذات دائرة مغلقة او عديمة الصيانة زي ما بتتقال ما الاجانب بيطلقوا عليها Maintenance free
    مميزات : لا تحتاج لصيانة - دائرة مغلقة و بالتالي مفيش سائل يؤدي لتأكل الصاج
    العيوب : ارتفاع سعرها عن العادية - عند تلفها بتحتاج تتغير فورا - فيه عاكس موجود في البطارية الناس بتفتكر انها لمبة لكن في حقيقة الامر ديه عدسة بتعكس حالة البطارية لو خضرا تبقي لسه سليمة لو سودا لو صفرا و هكذا لكن في حالة حدوث اي حاجة للعدسة او اتحركت مش هتكون القراءة سليمة
    فلا يعتمد عليها بشكل كبيير

    - الصيانة :
    البطارية ذات دائرة مفتوحة او السائلة بتحتاج لصيانة دائمة في المراكز المعتمدة نظرا لأن السائل في البطارية اللي بيكون مغطي الالواح بحوالي 1-2 بوصه و هو ده القياس الصح بيقل و ده بيؤدي لتلف الالواح لو مفيش صيانة و بقت جافة فتسمع عن مصطلحات ربع ضارب و نص ضارب و هكذا و بالتالي لازم صيانة شهرية للبطارية و دايما يفضل في مراكز الخدمة المعتمدة لماركة البطارية لأن بعض المحلات بتزود سائل غير سليم
    اما البطاريات ذات دائرة مغلقة او الجافة فهي لا تحتاج صيانة يعني بتركبها و تنساها سنة او سنتين ع الاقل و في حالة تلفها بتتغير لازم دايما القطبين او القواطيش يعني يكونوا نضاف مفيش اي املاح عليهم او اي حاجة تأثر ع قوة التيار الخارج من البطارية و بيتم وضع شحم او فازلين ع اقطاب البطارية لضمان عزلها عن اي تفاعلات او املاح تتكون تأثر عليها

    دايما يفضل قياس الشحن كل 6 شهور مثلا فالوقاية خيرا من العلاج لأن لو التيار عالي او منخفض هيأثر

    متنساش اي حاجة متوصلة بالكهربا في العربية شغالة عشان شحن البطارية

    في حالة السفر يفضل تسيب البطارية عند مركز معتمد يشحنها كل 15 يوم او حد يشغل البطارية كل يومين تلاتة 10-20 دقيقة خاصة البطارية السائلة مش الجافة

    لو تم اتباع التعليمات ديه هتحافظ ع البطارية لاطول فترة ممكنة

    طبعا مش هتكلم في تفاصيل الشحن ع التونجر و القياسات و الكثافة عشان محدش يتلخبط مراكز الصيانة عارفين كل الكلام ده و انت يكفي تكون عارف الكلام ده بشكل مبدئي

    - كيفية توصيل البطارية ببطارية سيارة اخري في الطريق :
    الموضوع ده مهم جدااا جدااا جداااا لأن لو اتعمل بشكل غلط ممكن يؤدي لتلف الضفيرة او الدينامو او كومبيوتر العربية نفسه سواء عربيتك او عربية الشخص اللي بيساعدك
    احيانا اي حد ينسي نور او كاسيت شغال فشحن البطارية يفضي
    فلازم يكون دايما زي مقولنا قبل كده ادوات مهمة و منها كابل البطارية و هي عبارة عن سلكين بمقابض للموجب و للسالب
    ...............................................
    ادوات يجب ان تكون في كل سيارة
    http://www.nilemotors.net/Nile/195073-a.html
    ...............................................

    بنوقف اي عربية نقوله عايزين بس ناخد وصلة الخطوات في التوصل كالآتي و ركزوا فيها و يفضل تكتبوها في ورقة تكون معاكم في العربية

    1- اتاكد ان مفيش اي حاجة كهربائية شغالة في العربية
    2- البطارية تكون متوصلة كويس بالقواطيش و لو عليها املاح نضفها فورا
    3- هتوصل الطرف الموجب بالبطارية الفاضية الأول ثم بالطرف الموجب في البطارية السليمة
    4- توصل الطرف السالب في البطارية الفارغة بالبطارية السليمة
    5- تدور العربية اللي فيها البطارية السليمة و تدوس دوسة بنزين خفيفة كأنك بتسخن العربية شوية
    6- تشغل العربية اللي بطاريتها فضيت
    7- اول ما العربية تشتغل تفصل الكابلات عكس ما ركبتها يعني تفك السالب من العربية التانية و بعدين عربيتك و بعدين تفك الموجب من العربية التانية و بعدين عربيتك
    و بكده شحنت بطاريتك عشان العربية تدور و حافظت ع عربيتك و عربية اللي بيساعدك

    - اختيار البطارية المناسبة :
    احنا بنختار البطارية بأمبير زي الستوك اللي نازلة في العربية او حسب دليل العربية اللي جي معاها او حسب قدرة الدينامو
    يعني مثلا لو العربية نازلة ببطارية 40 امبير ميجيش حد يقولك ركب 70 امبير مش هيصة هي و اي فتي زي ما بنشوف كتيير لكن مثلا لو العربية نازلة ببطارية 38 امبير ممكن تركب لها 40 او 45 امبير لأنك مش هتلاقي 38 لكن في حدود قدرة الدينامو فلو مثلا الدينامو بيطلع 55 حضرتك متزودش عن كده و لا تقلل جامد عن كده عشان الاتنين يشتغلوا بكفاءة مع بعض لكن هتسمع للفتي يبقي مترجعش تلوم غير نفسك و اللي هيحصلك
    و خلو بالكم اقروا الامبير ع البطارية كويس عشان زي ما عارفين اغلب الفنيين او الصنايعية ميعرفوش يقروا انجليزي و اخرهم يبصوا للرقم و ساعات بيلخبطوا بين رقم موديل البطارية و الامبير و الامبير هتلاقي وحدة القياس جنب الرقم
    و اخر حاجة تاريخ انتاج البطارية يكون جديد بقدر الاماكن ميعديش عليه سنين يعني و الا هيكون عمرها الافتراضي قصير

    ( هااااااااااااااام جدااااااااااااااا )
    للأسف فيه احيانا صنايعية متخلفين عقليا لازم تاخد بالك لما البطارية تتفك يتفك الطرف السالب الاول مش الموجب و لما تيجي تركب الموجب الاول ثم السالب و تاخد بالك بدل ما يعكس القطبين موجب بسالب و سالب بموجب ساعتها هقولك كل سنة و انت طيب في حاجة من دول ان مكنش كلهم اما ضفيرة العربية او الكومبيوتر او الدينامو لأنك انت الي هتخاف ع عربيتك مش الصنايعي هو اخره هيقولك لا مؤاخذة يا باشا او يشتم في العربية و انها تعبانة بما انك مش فاهم و يحاول يخلع و يبدأ شغل البلطجة بتاعهم اللي عارفينه لما تكلم في حقك و مش هتاخد و لا حق و لا باطل و هتشيل الليلة كلها

    - الماركات
    اشهر الماركات عندنا وهي اللي ارشحها عن تجربة في الجافة
    فارتا الماني ( الأصلي ) - بوش الماني ( الأصلي ) - اي اس ديلكو سعودي - هانكوك كوري - كلورايد
    الناس هتستغرب ليه كتبت اصلي جنب دول لأن للاسف بعض المحلات تحت بير السلم بيبعوا مضروب ع انه اصلي فعشان كده انصحكم دايما تجيبوا من الوكيل او مركز معتمد من الوكيل

    و محدش يسالني ع اسعار لأن الاسعار مختلفة و بتتغير و من مكان لمكان

    و ده كان مختصر سريع عن البطاريات :)


  2. #2

    الصورة الرمزية رامي مصطفى

    رقم العضوية : 148915

    تاريخ التسجيل : 20Sep2013

    المشاركات : 1,350

    النوع : ذكر

    الاقامة : المنصوره-العاشر من رمضان

    السيارة: Terios 2000

    السيارة[2]: lanos2013&tempra 93

    دراجة بخارية: No

    الحالة : رامي مصطفى غير متواجد حالياً

    افتراضي -

    تقرير جميل كالعاده الف شكر لحضرتك
    الف شكرلحضرتك


  3. #3

    الصورة الرمزية Ahmed Tarek 00

    رقم العضوية : 165019

    تاريخ التسجيل : 06Sep2014

    المشاركات : 621

    النوع : ذكر

    الاقامة : المعادي

    السيارة: opel vectra

    السيارة[2]: peugeot 406

    الحالة : Ahmed Tarek 00 غير متواجد حالياً

    افتراضي -

    انهارده بركب كاسيت العربية .. الكهربائي الغبي حرقهولى وعملي قفله ف العربية .. احنا بنتعامل مع ناس عاملين نفسهم صنايعية لكن للأسف على ماتفرج .. الواحد لما يغير البطارية يركبها بنفسه


  4. #4

    الصورة الرمزية فتح الباب

    رقم العضوية : 86423

    تاريخ التسجيل : 20Jan2011

    المشاركات : 1,661

    النوع : ذكر

    الاقامة : بلطيم

    السيارة: ____________

    السيارة[2]: ___________

    دراجة بخارية: 1

    الحالة : فتح الباب غير متواجد حالياً

    افتراضي -

    موضوع مفيد جدا ومهم ايضا وشرح رائع مبسط جدا اشكرك لتسهيل وصول المعلومه بشكل اوضح ٠ تقبل مرورى

    فتح سابقا


  5. #5

    الصورة الرمزية akmm

    رقم العضوية : 117583

    تاريخ التسجيل : 08Dec2011

    المشاركات : 7,814

    النوع : ذكر

    الاقامة : cairo

    السيارة: mercedes

    السيارة[2]: mazda

    دراجة بخارية: no

    الحالة : akmm غير متواجد حالياً

    افتراضي -

    جزاك الله خيرا .............................................


  6. #6

    الصورة الرمزية exelence

    رقم العضوية : 8881

    تاريخ التسجيل : 13Apr2008

    المشاركات : 638

    النوع : ذكر

    الاقامة : Cairo

    السيارة: لا يوجد

    السيارة[2]: volkswagen polo 98

    دراجة بخارية: لا يوجد

    الحالة : exelence غير متواجد حالياً

    افتراضي -

    مواضيع كلها هادفة ايوه كده عاوزين المنتدى يرجع تانى


  7. #7

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    اقتباس المشاركة الأصلية كتبت بواسطة رامي مصطفى مشاهدة المشاركة
    تقرير جميل كالعاده الف شكر لحضرتك
    الف شكرلحضرتك

    اقتباس المشاركة الأصلية كتبت بواسطة فتح الباب مشاهدة المشاركة
    موضوع مفيد جدا ومهم ايضا وشرح رائع مبسط جدا اشكرك لتسهيل وصول المعلومه بشكل اوضح ٠ تقبل مرورى

    اقتباس المشاركة الأصلية كتبت بواسطة akmm مشاهدة المشاركة
    جزاك الله خيرا .............................................

    اقتباس المشاركة الأصلية كتبت بواسطة exelence مشاهدة المشاركة
    مواضيع كلها هادفة ايوه كده عاوزين المنتدى يرجع تانى

    شكرا لكم جميعا
    و المنتدي مش هيشتغل لوحده لازم برده مشاركتكم بالموضوعات و المشاركات


  8. #8

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    اقتباس المشاركة الأصلية كتبت بواسطة Ahmed Tarek 00 مشاهدة المشاركة
    انهارده بركب كاسيت العربية .. الكهربائي الغبي حرقهولى وعملي قفله ف العربية .. احنا بنتعامل مع ناس عاملين نفسهم صنايعية لكن للأسف على ماتفرج .. الواحد لما يغير البطارية يركبها بنفسه
    دول فهلوية مش صنايعية
    اي واحد ربط له سلكتين و لا مسمارين بقي اسطي اد الدنيا و يجي من مدينته يتحفنا هنا


  9. #9

    الصورة الرمزية rotanamasoud

    رقم العضوية : 66795

    تاريخ التسجيل : 01Apr2010

    المشاركات : 2,720

    النوع : ذكر

    الاقامة : EGYPT-ALEX

    السيارة: LAST Tempra&CITROEN ZX

    السيارة[2]: Skoda favorit

    دراجة بخارية: لا

    الحالة : rotanamasoud غير متواجد حالياً

    افتراضي -

    انا عيبى انى من الفتايين ودايما فتوتى انه الافضل تزود عن الامبير الاصلى للاتى
    مفيش دينمو امبير شحنه اقل من 80 خلصنا من موضوع الشحن اللى الدينمو مش حيقدر يشحنه
    عند اضافه اكسسوارت مش موجوده اصلا فبريكه وحدات رفع سنتر انزار زجاج كهرباء(خاصه عدد الصوت اساسى رفع امبير البطاريه)
    مميزات زياده الامبير عن الاصلى
    قدره اطول وقتا لتشغيل اجهزه السياره
    قدره اعلى بكتير لبدء التشغيل المارش ولو فى مشكله دواره المارش حيقدر يعافر اكتر بدون التاثير على البطاريه
    عمر اطول للبطاريه لانها تعمل باحمال اصغر من طاقتها
    امكانيه اضافه اكسسوارات بامان
    وقت اطول فى حاله اعطال بالليل لتشغيل الانتظار والاضواء
    اخيرا انا بحب افتى وده راىى الشخصى واللى يحب يعمل بيه براحته

    مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر


  10. #10

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة rotanamasoud مشاهدة المشاركة
    انا عيبى انى من الفتايين ودايما فتوتى انه الافضل تزود عن الامبير الاصلى للاتى
    مفيش دينمو امبير شحنه اقل من 80 خلصنا من موضوع الشحن اللى الدينمو مش حيقدر يشحنه
    عند اضافه اكسسوارت مش موجوده اصلا فبريكه وحدات رفع سنتر انزار زجاج كهرباء(خاصه عدد الصوت اساسى رفع امبير البطاريه)
    مميزات زياده الامبير عن الاصلى
    قدره اطول وقتا لتشغيل اجهزه السياره
    قدره اعلى بكتير لبدء التشغيل المارش ولو فى مشكله دواره المارش حيقدر يعافر اكتر بدون التاثير على البطاريه
    عمر اطول للبطاريه لانها تعمل باحمال اصغر من طاقتها
    امكانيه اضافه اكسسوارات بامان
    وقت اطول فى حاله اعطال بالليل لتشغيل الانتظار والاضواء
    اخيرا انا بحب افتى وده راىى الشخصى واللى يحب يعمل بيه براحته

    يبقي تسمح لي ارد ع الفتية ديه في 3 كلمات و رقمين و حرف و ايموشن لأن مفيش رد ازيد منه

    في دينامو 45 و دينامو 55




 
صفحة 1 من 3 1 2 3 الأخيرةالأخيرة

المواضيع المتشابهه

  1. برجاء المساعدة فى اختيار السيارة المناسبة
    بواسطة ممدوح سعيد في المنتدى قســـــــــم المقارنــــات
    مشاركات: 1
    آخر مشاركة: 19-04-2015, 11:44 AM
  2. برجاء الافادة بالراشاشات المناسبة للسيارة - MMamdouh
    بواسطة mohdeg في المنتدى دايــو+شيفرولية لانوس
    مشاركات: 7
    آخر مشاركة: 06-08-2013, 11:44 AM
  3. البطارية المناسبة؟؟
    بواسطة kokofepss في المنتدى قسم خاص بالسيارة لـــوجـــــان
    مشاركات: 14
    آخر مشاركة: 03-01-2012, 11:51 AM
  4. مساعدة فى اختيار الكلية المناسبة ان شاء الله
    بواسطة كابوس الليل في المنتدى المنتــــــدى العـــــــــــام للسيــارات
    مشاركات: 42
    آخر مشاركة: 20-01-2011, 11:22 AM
  5. ارجو المساعدة فى اختيار السيارة المناسبة لى
    بواسطة princess2008 في المنتدى دايــهاتســو
    مشاركات: 2
    آخر مشاركة: 20-08-2007, 02:15 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2