الموضوع: طلب تسعير أوبترا فضي 2011 كاملة أوتوماتيك

أولا: مميزات العربية:
1. عداد 58 ألف كيلومتر.
2. معي من الزيرو وأنا أول مالك لها وباسمي.
3. عدد 4 كاوتش ماركة فولدا (صناعة فرنسية) عمرهم أقل من سنة، والاستبن كما هو جديد لم يستخدم.
4. البطارية عمرها سنتين تقريبا وشغالة تمام.

ثانيا: العيوب وبمنتهى الأمانة:
1. لم أعمل لها أي صيانات في التوكيل اللهم إلا أول صيانة (صيانة ال 5000 كيلو) فقط!
2. الطاسات الأربعة اتسرقوا مني مرة واحدة من 7 شهور، وماشي من غير طاسات من ساعتها.
3. لم أغيّر فيها إلا الكواتشات الأربعة والبطارية فقط (لا بوجيهات ولا فلاتر هواء ولا زيت فتيس ولا أي حاجة اللهم إلا زيت الموتور وفلتر الزيت بصورة دورية طبعا).
4. الكارتيرة اليمين اللي فيها فانوس الشبورة اليمين كلها غير موجودة بسبب خبطة ف عمود وتم إهما استبدال الفوج لحد ما وقع القديم بالكارتيرة مع المشي (أو اتسرق، الله أعلم!!).
5. تم استعدال على البارد ورش الأجزاء الخارجية الآتية:
أ) اكصدامين أمامي وخلفي (الأمامي عشان الخبطة والحكات والخرابيش، والخلفي عشان الحكات والخرابيش).
ب) رفرين يمين وشمال ( اليمين خبطة موتوسيكل، والشمال اتفقع من غير ما أعرف من إيه!!).
ج) الكبوت كان فيه خرم لإنه أخد طلقة في أحد الأفراح من واحد ظريف، فتم سد الخرم ورش مكانه.
الخلاصة: العربية كأساسيات لا غبار عليها - من وجهة نظري طبعا - إنما كشكل عام لم أهتم بها كما ينبغي!!

ثالثا: ظروف البيع:
البائع: العبد الفقير إلى الله.
المشتري: صديق يثق في شخصي جدا، وترك لي مهم تقييم العربية!!
السبب: أريد شراء سيارة زيرو بإذن الله، غالبا شارك أو سنترا، ما زلت أفكّر.

أرجو ضرورة الرد بالسعر المنطقي وفي أسرع وقت وبمنتهى الحيادية لو سمحتم.. وجزاكم الله خيرا مقدّما.

المشاركة الأصلية كتبت بواسطة hesham fawzy h

يا احمد بية دة شرف ليا ..

خلص معاة عى 84 كويس .. ولو عايز ينزل عن كدة رخم علييية و قول له عداد كم قليل و هو تلاقيها عجبتة علشان كدة

جزاك الله خيرا استاذ هشام، الشرف ليا أنا والله!