مساعدة لشراء سيارة فى حدود 25 الى 35 الف

**SaYeD Sika** · 10-07-2015 09:05 AM

السلام عليكم
انا معايا حوالى 32 الف ممكن ازودهم ل 35 و محتاج عربية علما بأن اغلب الاستخدام هيكون داخل القاهره مع سفريه لاسكندرية كل شهر تقريبا بس محتاج عربية متروحش كل يوم للميكانيكى لانى مش هكون فاضي للموضوع خالص , فى ناس رشحتلى الشاهين و ناس رشحتلى لادا و ناس تانية رأيها ان حرام يدفع 35 فى لادا و شاهين و ان ابيزا او سيترووين c2 هتكون افضل و شبابى اكثر , ايه رأى حضرتك فى الكلام ده و ياريت لو فى حاجه افضل من الاربعه ترشحوهالى بنسب الافضليه

**SaYeD Sika** · 10-07-2015 09:15 AM

و معلش هتعب حضرتكم معايا ياريت رأيكم فى مرسيدس 200 و 230 موديل 77 الى 79

**mif** · 10-07-2015 12:09 PM

لادا و شاهين عمليين جدا المهم الحالة
لادا ناشفة في كل حاجة و عايز عناية بالعفشة

ابعد عن الاوروبي المستعمل و خاصة الفرنساوي قطع غيار غالية و اغلب المستعمل المعروض للبيع بيبقى حالات وحشة و متلصمة لحد ما زبون ما يلبس
مرسيديس كويسة جدا بس موديل قديم و بلاعة بنزين على حد علمي كويسة جدا في السفر

عايز تريح دماغك ممكن تزود شوية و تشوف حاجة كوري افضل

**SaYeD Sika** · 10-07-2015 12:27 PM

المشاركة الأصلية كتبت بواسطة mif

لادا و شاهين عمليين جدا المهم الحالة
لادا ناشفة في كل حاجة و عايز عناية بالعفشة

ابعد عن الاوروبي المستعمل و خاصة الفرنساوي قطع غيار غالية و اغلب المستعمل المعروض للبيع بيبقى حالات وحشة و متلصمة لحد ما زبون ما يلبس
مرسيديس كويسة جدا بس موديل قديم و بلاعة بنزين على حد علمي كويسة جدا في السفر

عايز تريح دماغك ممكن تزود شوية و تشوف حاجة كوري افضل

للاسف انا اجلت الموضوع من سنتين وقتها كان المبلغ كله 15 و كنت بدور على 128 او 132 بس لقيت ان الفلوس الى دفعتها فى الموصلات الى اغلبها تاكسى تشترى عربيه زيرو فأعتقد الافضل اشترى حاجه دلوقتى و فى المستقبل ان شاء الله اجدد للافضل , بس حضرتك تعتقد ايهما افضل اللادا ولا الشاهين

**Kirolos Edward** · 10-07-2015 01:02 PM

لو هتختار بين لادا و شاهين انا شايف الشاهين اسرع

**SaYeD Sika** · 10-07-2015 01:11 PM

المشاركة الأصلية كتبت بواسطة kirolos edward

لو هتختار بين لادا و شاهين انا شايف الشاهين اسرع

انا امبارح كنت راكب لادا اقل ما يقال عنها كنبه كانت بتعدى 120 فأعتقد ان السرعه لوحدها مش مقيساس ولا ايه رأى حضرتك

**omar118** · 10-07-2015 03:00 PM

سيبك من الشاهين والادا وخليك فى الاسطورة الالمانية جولف 2 عربية رائعة والمبلغ الى معاك يجيب حالة كويسة

**ENG.MaRk** · 10-07-2015 04:00 PM

لو قدرت توصلهم ل40000 ممكن تجيب فيرنا

**tasaka** · 10-07-2015 04:43 PM

هات عربيه كورى احسن من الفيات

**ahmedalaahosny** · 10-07-2015 05:48 PM

الرينج ده ممكن يجيبلك اكسيل تسعيناات مكيفه او سويفت يابانى مكيفه اوتوماتيك او دايو سبيروا اوتوماتيك بس دى قطع غيارها و انت قريب من بورسعيد هتعيش ملك غير كده سيبها على جنب
ممكن مرسيدس 200 او 230 دى محترمه جدا بس بتستهلك بنزين بغباء عشاان 2300 سى سى كربراتير كمان ممكن لو اغلب مشيك طرق زراعيه وحفر ومطبات ارشحلك الشاهين بجد عربيه حماله قسيه جاااامد وبالذات الدوجان اللى هو الموديل التركى منها
ممكن لو عايز عربيه شبابي ابيزا 94 او 98 وجولف 2 او اوبل كورسا بس خلى بالك منها وانت بتشتري لانها عربيات مفحوته شغل مع الشباب والسليم منها مش هتلاقبه بالسهل