الموضوع: اهل اسكندريه .....سمكري أرجوكم

المشاركة الأصلية كتبت بواسطة destaroser

اهل اسكندريه عايز سمكري ضروري
الحمد لله عملت حادثه بسيطه وعندي عضعضه في الباب وخبطه في الرفرف يا ريت لو حد يعرف سمكري شاطر وأيده تتلف في حرير ويكون امين وينجنزني يبقي كتر خيركم

فيه كل اللى انت طالبه بالظبط .. و ان شاء الله خير و تكون مبسوط من الشغل

المشاركة الأصلية كتبت بواسطة tasaka

منعم .. صنايعى محترم .. و عشره على عشره .. و بيدى الشغل حقه و زياده حبتين
بجوار مؤمن اللى فى سيدى بشر على البحر ( ابو هيف ) .. هو فى الشارع الضيق اللى بين خالد ابن الوليد و العيسوى ..

المشاركة الأصلية كتبت بواسطة tasaka

الاسطى منعم سمكرى .. العربيه بتدخل بميعاد و تأخذ حقها فى الشغل يعنى الصنعه هى الاساس موش الفلوس ( ممكن يشتغل فى عربيتين مثلا حسب تنظيم عمله ) .. انا اعرفه من اربعين سنه

صنايعى 10/10 .. مصنعيه موش كتيره و موش ببلاش .. لكن بيفهم و ما بيدمرش العربيه عك .. انا لو عندى عربيه زيرو .. اقدر اوديها و انا مطمئن انه حينصحنى النصيحه المظبوطه او حيعمل اللازم لو فيه حاجه تتعمل

ممكن يدلك على بتاع دوكو لو انت طلبت منه فقط ( من الصنايعيه القدام المحترمين ) .. دلنى على واحد عمللت عنده اكصدامين فقط ( ناس محترمين .. لكن لا استطيع الحكم لانى لم ارش العربيه كامله ) .. الاكصدامات اترشت كويس و السعر وسط

للتوضيح اكثر .. المصنعيه ممكن تكون اعلى من الطبيعى حاجه بسيطه او السعر الطبيعى .

بس ده بالنسبه لى افضل من العك .. و مره كنت مستعجل و عملت شويه توافه عند سمكرى بالصدفه جنب الميكانيكى بتاعى .. و قعد يخبط و يرزع و برجل العربيه .. و رحت لمنعم و ظبط كل حاجه فى ثوانى

ده الفرق بين اللى فاهم صنعته و العكاكين دلوقتى .. و ممكن تطلب حاجه يفهمك غلطها و ايه الاصح لشغل الفابريكه .. و ايه اللى يضر العربيه برغم انه شئ تافه فى نظرى .. و هكذا

. برضه الافضل اتفق معاه قبل الشغل ( انا عاده لا اكلمه فى الفلوس .. يعنى يعمل الشغل و بعدين احاسبه )

و اقرأالموضوع ده .. اللى انا وصفت فيه منعم لاحد الاعضاء
http://www.nilemotors.net/Nile/467596-a.html

المشاركة الأصلية كتبت بواسطة destaroser

الف شكر يا باشا علي سرعه الرد ...إن شاء الله ربنا يدينا العمر واروحله

بالتوفيق .. بس خلى بالك ان دلوقتى دخول العيد .. و كل الصنايعيه بيبقى عندها زحمه

و ان شاء الله خير