انت فاكرها سايبه ده غبور واشباهه من حيتان التوكيلات ممكن يدفعو رشاوى مليار جنيه عشان يدمرو المشروع ده
رقم العضوية : 147527
تاريخ التسجيل : 20Aug2013
المشاركات : 2,008
النوع : ذكر
الاقامة : Hurghada
السيارة: None
السيارة[2]: Scoda Fantasia 2010 (Sold
دراجة بخارية: None
الحالة :
فيها ايه ؟؟؟ لما ناخد شاسيه عربيه مش بيتم انتاجها خلاص ... و نعمل تصميم شكله حلو ... و نجيب تكنولوجيا محركات يابانيه مثلا او حتي كوريه ... و نظم تعليق ياباني برضه
و نبتدي ننتج اول عربيه مصريه بخامات و ايادي مصريه ... اه اخدين شاسيه قديم ... اه جايبين تصميمات محرك و نظام تعليق مش بتاعنا ... بس كبدايه مش وحش
لو العربيه دي شكلها حلو فعلا و منها سيدان و هاتشباك مثلا ... مواتير صغيره و كبيره ... و اهم حاجه سعرها حنين ... و يكون في انظمه تقسيط تنفع كل الفئات الماديه
صدقوني العربيه هتكسر الدنيا ... و بعدين ايران مش احسن مننا لما عملت العريبه سايبا ... اه هي فعلا سايبا بس اسمها عربيه انتاج محلي و بتتصدر بره كمان
رقم العضوية : 66795
تاريخ التسجيل : 01Apr2010
المشاركات : 2,720
النوع : ذكر
الاقامة : EGYPT-ALEX
السيارة: LAST Tempra&CITROEN ZX
السيارة[2]: Skoda favorit
دراجة بخارية: لا
الحالة :
انت فاكرها سايبه ده غبور واشباهه من حيتان التوكيلات ممكن يدفعو رشاوى مليار جنيه عشان يدمرو المشروع ده
مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر
رقم العضوية : 169251
تاريخ التسجيل : 10Dec2014
المشاركات : 34
النوع : ذكر
الاقامة : الشيخ زايد
السيارة: شيري
السيارة[2]: سينا
الحالة :
ياراجل عايز المصرى ينتج نحن الله يسمحك
رقم العضوية : 47609
تاريخ التسجيل : 19Sep2009
المشاركات : 2,135
النوع : ذكر
الاقامة : cairo
السيارة: no
السيارة[2]: no
دراجة بخارية: no
الحالة :
لا طبعا فى حقوق ملكية على التصميم و المواتير الحكاية مش سايبة ماكنش حد غلب
رقم العضوية : 136267
تاريخ التسجيل : 10Mar2013
المشاركات : 1,993
النوع : ذكر
الاقامة : none
السيارة: none
السيارة[2]: none
الحالة :
ربنا يسامحك يا أستاذ باسم
انت لو صنعت السيارة هتكسب كام؟ 1000 دولار في السيارة مثلا؟
يعني نتعب ونفكر ونصنع ونكسب 1000 دولار فقط
خلي الخواجة يتعب ويفكر ويصمم ويصنع ويسوق ،
واحنا نشتريها منه جاهزة ونكسب فيها 10 أضعاف مكسبه
في شكل جمارك وضريبة مبيعات واشتغالات
شفت ازاي احنا أشطر من الخواجة
وداعا
رقم العضوية : 44546
تاريخ التسجيل : 06Aug2009
المشاركات : 1,155
النوع : ذكر
الاقامة : Egypt
السيارة: كورولا 1995
السيارة[2]: fiat 125
الحالة :
يا راجل
دا غبور حب يعمل خير في الشعب المصري و قرر يستثمر 1.6 مليار دولار في انشأ اول مصنع (مش خط تجميع ) لسيارات هيونداي في مصر (و الكلام دا كان حيخلي مصر فيها عربيات هيونداي اسعارها تبدأ من 40 الف تقريبا ) ... الكلام دا كان في يناير 2015
و لكن طبعا احد الجهات الحكومة تدخل و قدم عرض لهيونداي (الارض مقابل المصنع .... بمعنى ان الحكومة المصرية تقدم الارض و هيونداي تقدم المصنع ) ...و طبعا كان عرض غبي و اترفض (كانوا فاكرين ان هيونداي جاية تدفع ... حاجة غباء )
و طبعا لا غبور قدر يمشي في خطته .... ولا الحكومة قدرت تكسب هيونداي بغباء الافكار
و تراجع غبور مؤقتا و استثمر 150 مليون جنيه في انشأ خط تجميع لالنترا .
و انا معاك طبعا ان فيه توكيلات في مصر مستعدة تعمل المستحيل علشان يفضل المواطن المصري عايش مسحول و الحاجة ام 50 بيدفع فيها 100
خاصة التوكيلات المتسلقة
اللى هي اسمها توكيل لكن مايحصلش مستورد للخليجي
توكيلات لا عمرها حتى فكرت انها مش تجمع لا دي كمان مش بيبقى عندها قطع غيار للمنتجات اللى بتبيعها
خاصة كمان عربيات سمعتها فى مصر ممتازة و بيتحكموا في السوق بقالهم اكثر من 20 سنة و مفيش مرة فكروا حتى انهم يستثمروا بضعة ملايين من مكاسبهم علشان يعملوا خط تجميع يقلل سعر المنتج بدل الاستيراد
نخلينا في اللى يخصنا بعيدا عن غبور و غيره
مفيش مشروع قومي بيفشل ما دام الارادة الشعبية و رغبة حكومية موجودة
لو الحكومة عندها الرغبة و الامكانيات و الية التفيذ .... يبقى لا غبور و لا الف منه يقدروا يقفوا قدام مشروع قومي .
و احنا لو عايزين نتعلم نشوف الصين و الهند و روسيا ايه الخطوات اللى اخدوها علشان يكون عندهم صناعة سيارات قومية ...... خاصة التجربة الروسية (افتوفاز) اللى مرت بمراحل كتير جدا مشابهة للوضع في مصر مع النصر للسيبارات عندنا
الروس قدموا تنازلات اخرها في مايو 2015 رينو اشتريت اغلب افتوفاز (لادا)
في مقابل ان لادا تستفيد بخبرة و تكنولوجية رينو-نيسان
الروس مش بيصرفوا على تطوير سيارات الركوب فاخدوا طريق قصير و سريع
(مبدأ ابيع نفسي علشان اعيش انا و اهلي)
الصين بقى عملت ايه ؟
عملت حاجة اسمها joint venture
يعنى عملت شراكة .... تقريبا كدا مفيش شركة صينية محترمة ملهاش شراكة مع شركة من اعرق شركات السيارات من اول الاروربي مرورا بالامريكي و اليابانى و لا تقف الشراكة مع شركة بعينها
الشركات الصينية ممكن تعمل شراكة مع كذا شركة مع بعض مرة واحدة
الشركات الصينية بتعمل شراكة مع شركات عالمية و شركات محلية (صينية ) و بتعمل اتحادات
الصين عملت حاجة كمان غريبة (انها بتشتري الشركات اللعالمية اللى بتوسك على الافلاس زي فولفو و غيرها )
طيب ايه الهدف من الشراكة و الشراء ؟
الاستفادة من تصاميم و خبرات و تكنولوجيا الشريك في صناعة المحركات و الشاسيه و العفشة و درجات الامان و كل حاجة تقريبا
وجود معامل تطوير مشتركة بين الصين و الدول الصناعية الكبرى (الصين مش بس بتستخدم تكنولوجيا الغرب و الشرق ...لا .... دي كمان بتحاول تصنع تكنولوجيتها الفريدة و هو ما يقلق الشركاء)
(مبدأ شارك الحيتان في رزقك علشان تعرف تعيش )
التجربة الصينية ناجحة جدا .... لان المواطن الصيني يعمل بجد و اجتهاد.... و النتيجة اكثر من خمس السيارات المنتجة فى العالم تصنع في الصين .... و الصين تنتظر الوصول الى ثلث انتاج العالم في 2018 تقريبا)
التجربة الهندية
حبت تعمل منتج هندي خالص و لكنه لم ينجح بالدرجة المتوقعة
و عملت شراكة و نجحت جدا خاصة suzuki-maruti
احنا فعلا محتاجين نعمل شراكة مع شركة يابانية او كورية علشان يبقى عندنا مصنع سيارات حقيقي متطور بينتج منتج يرضي المواطن المصري من كل المناحي يكون عملي اقتصادي .
رقم العضوية : 33348
تاريخ التسجيل : 18Feb2009
المشاركات : 1,869
النوع : ذكر
الاقامة : alexandria
السيارة: ........
السيارة[2]: bmw 318I e46
دراجة بخارية: ........
الحالة :
ا/باسم اولا بالطبع كلنا نتمنى نشوف انتاج سياره مصريه خالصه ولكن هناك بعض الامور اللى لازم ناخدها فى اعتبارنا علشان نعرف الموضوع متوقف ليه :
*مبدأيا لازم نتكلم على الموضوع من وجهه نظر انه يكون مشروع استثمارى ومن وجهه نظر انه يكون مشروع قومى ونشوف كل حاجه ايه عقباتها
-الاول نتكلم فى الموضوع من وجهه نظر كونه مشروع استثمارى ووجهه النظر دى معناها ان الموضوع ربح وخساره فتخيل مستثمر حيعمل مصنع من البدايه تماما او ياخد شركه النصر من الحكومه ويعيد هيكلتها بالاضافه انه يشترى تصميم عربيه ويصنعها من البدايه للنهايه وبالطبع حيستورد قطع جاهزه من بره علشان حتكون ارخص من هنا السؤال تكلفه العربيه دى حتكون منافسه بعد وضع هامش ربح لا يقل عن 50 % من تكلفتها "على الاقل علشان يغطى مصروفاته ويكسب منها ممكن تقول ايوه وانا حصدقك بس تقدر تقوللى ان العربيه دى "حتى لو معموله بكفاءه عاليه جدا" الناس حتثق فيها وتشتريها بدلا من العربيات المستورده او المتجمعه وخللى بالك من ملحوظه ان سعرها بالتكلفه مع هامش الربح العادل حيخليها فى فئه سعريه مش بعيده من عربيات صينى وكورى فى السوق ماشيه من سنين والناس عرفت عيوبها ومميزاتها
احب اقولك ان احنا كشعب طبع اغلبنا اننا بنتحمس لاى منتج مصنوع فى مصر ولكن عند الشراء لنا سلوك عجيب جدا ومنقتنعش بالمنتج المصري الا لو التاجر ضحك علينا واكدلنا انه مستورد او ظبطنا بوجود كلمه مضروبه على المنتج مكتوب عليها"made in اى حاجه غير egypt" وده عيب ممكن نتكلم في اسبابه فى موضوع تانى
وعليه فان المستثمر لما يعمل دراسه للسوق حيكتشف انه مش حيقدر يكسب من الموضوع ده قبل على الاقل 5 سنين خسائر علشان يبدأ المجتمع يثق فى العربيه وتبدأ تحقق انتشار وبالتالى اى مستثمر بيخاف على فلوسه حيقولك انا اعمل خط تجميع فى مصر او اشغل فلوسي فى استيراد عربيات جاهزه وحيحقق "فى الحالتين"صافى ربح مش اقل من 60-70% من راس ماله لو حضرتك مكانه حتختار ايه ؟؟؟؟
-ثانيا نتكلم على الموضوع من وجهه نظر قوميه "وده غالبا اللى ممكن يخللى الموضوع يتحقق ولكن الفكره فين الفكره ان بنفس التكاليف اللى قولناها فوق حتدفعها الدوله "وده صعب حاليا" وكمان حتى لو الدوله حطت هامش ربح اقل من المستثمر فطبيعى حتلاقى التكاليف المتغيره من اجور وغيره اكبر من اللى حيصرفها المستثمر وبالتالى برضه عند التنافس فى السوق حتحتاج الدوله مش اقل من 5 سنين خسائر عقبال مالعربيه تثبت نفسها
حتسئلنى ليه اقول لحضرتك الدوله متقدرش تدفع تكاليف اعاده هيكله المصنع دلوقتى لان تقدر تقول من وجهه نظر الحكومه "وقد تكون على حق" ان بنود الموازنه محققه عجز بدون استثمارات جديده "والاستثمارات دى كمان مش حتحقق ربح فورى دى على الاقل حتحقق خساير 5 سنين قادمه " يعنى تكلفه وخسائر حتتحمل على موازنه محققه عجز تفتكر لو اى حد مكان الحكومه الحاليه "حتى لو اختيار الاستثمار ده حيحقق نفع بعد مده" حياخد قرار انه يفاقم العجز فى مشروع اول لما يخسر حيتقال عليها حكومه سفيهه وبتضيع الفلوس "اظن لأ"
والحاجه التانيه هى تضخم تكاليف الانتاج بسبب الفساد فى القطاع العام الموجود حاليا وبالتالى اظن ان حتى لو المشروع مطروح داخل الحكومه ومع وجود المصنع فى حيازه الانتاج الحربي اظن ان تشغيله حتى لو بيتم الدراسه ليه حيتأجل لحين وضوح اثر القياده الحاليه الاقتصادى على البلد "حتى مع المؤشرات الايجابيه فى المجال الاقتصادى ورفع التصنيفات مؤخرا بس ارض الواقع محتاجه تأثير اكبر" لو ده حصل وده اللى كلنا بنتمناه اظن المصنع حيشتغل وحنلاقى اكتر من دراسه جاهزه للمشروع سواء بمشاركه بخبرات او بالاستعانه بخبرات مصريه
يبقى من الاخر الموضوع استثماريا عن طريق مستثمر مش حيحصل مش علشان بيتحارب بس لعدم الجدوى الاقتصاديه لسلوك مجتمعى غير واثق فى منتج بلده"بالرغم اننا بنصدر حاجات كتير عمرنا منتخيلها "
واستثماريا كمشروع قومى بتميل حكومى مش مستحيل ولكنه غير جائز حاليا لعدم وجود تميل ليه من ايرادات الدوله ولكن فى وقت ما "طال او قصر" حيتم عمل المشروع مش علشان الموضوع مربح ولكن لان الحلم ده موجود من زمان وفكره عدم خصخصه المصنع القائم وبيعه بيؤكد ان الموضوع حد فكر فيه بشكل ما ولقاه جائز التحقيق ولكن القرار الحاسم بالتشغيل غائب اما خوفا او لوجود اولويه الله اعلم
فى النهايه التحليل اللى فات ده رأيي الشخصى وممكن يكون غلط ولكن دى رؤيتى للموضوع بشكل عام
تحياتى.
http://store2.up-00.com/2015-11/1448722430351.jpeg
my new car
رقم العضوية : 150353
تاريخ التسجيل : 21Oct2013
المشاركات : 548
النوع : ذكر
الاقامة : egypt
السيارة: bugattk
السيارة[2]: bugatti
الحالة :
انت عايز مصر تدخل مرحلة الصناعات الثقيله ؟ يعنى ندخل مرحلة الاعتماد على الذات و زيادة الانتاج ؟
انت اكيد ارهابى عميل و جاسوس ملعون و ماسونى حرام عليك البلد هتخرب
فَاتَّبَعُوا أَمْرَ فِرْعَوْنَ ۖ وَمَا أَمْرُ فِرْعَوْنَ بِرَشِيدٍ يَقْدُمُ قَوْمَهُ يَوْمَ الْقِيَامَةِ فَأَوْرَدَهُمُ النَّارَ ۖ وَبِئْسَ الْوِرْدُ الْمَوْرُودُ
المفضلات