- مستعجل جدا Renault Logan 2016 or Fiat Punto 2015

**3ageeb** · 13-07-2015 05:43 AM

السلام عليكم
يا جماعة دي اول مشاركة ليا في المنتدى هنا فا ارجوكم لو تفيدوني بأقصي سرعة علشان عايذ أخلص اليومين دول من موضوع العربية ده
اولا انا الميزانية بتاعتي 100 الف وده أخري وقسط مش هقدر ادفع كاش علشان محدش يقترح عليا اجيب مستعمل انا عايذ زيرو بالقسط
بعد لف كتير توصلت لان احسن اختيارين في السعر ده هو الرينو لوجان 206 مانيوال الفئة الثانية وفيات بونتو الفئة الاولى مانيوال
هو المشكلة اني عارف ان ناس كتير اوي هترشح اللوجان
لان الاوبشنز اللي فيها اكتر كتير وصالونها أشيك والموتور 1600 سي سي بعزم 90 حصان والبونتو 1200 سي سي بس بعزم 68 حصان اللي هو يعتبر ضعيف بالنسبة للرينو ..
بس انا بفكر في الموضوع اقتصاديا في البنزين وكمان البونتو شكلها الخارجي تحفة وقعدت فيها واستريحت وكمان الفرامل abs عكس اللوجان .. والفيات ايطالي 100% لكن اللوجان تقفيل مغربي ..
انا عارف ان فرق الموتور كبير بس انا قلبي مايل ناحية البونتو بصراحة لما قعدت فيها وحابب جدا انها هاتشباك . بس انا بسافر مرة كل شهر
فا ارجوكم ادوني نصيحتكم علشان انا نفسي اجبها انهاردة قبل بكرة ..
ملحوظة: انا مش بجري بالعربية ومش بيفرق معايا العزم القوي انا كنت متعود على اللانوس وتمام ..
انا بس بيهمني التكيف اوي ودي الحاجة اللي قلقاني اوي اوي من ال 1200 سي سي
مستني ردودكم بفارغ الصبر ان شاء الله

**Mostafa Bedo** · 13-07-2015 06:29 AM

متابع

**جيتزاوي55** · 13-07-2015 08:08 AM

أنا هضم صوتي لصوتك في تحيزك الي حد ما للبونتو , لكن عاوز افصل معاك شوية حاجات , انت اللي يهمك التكييف بس مش هيبقي هو دة الحاجة الرئيسية بس اللي تديلك قرار الشراء لأني اعتقد ان تكييف البونتو هيبقي ممتاز نظرا لتكنولوجيا الميكانيكا وأن فيات أسم مش قليل وحجم العربية نفسة صغير فالصالون ممكن يتم تبريدة بسرعة ودة المطلوب .
لكن في حاجات تانية لازم تأخد بالك منها :
وسع العربية وأعتقد دي الغلبة للوجان , صالون واسع والمسافة بين الكراسي الخلفية والامامية اعتقد أنها اكبر بكتير.
الارتفاع عن الأرض : أنت برضة عارف شوارع مصر وأعتقد اللوجان أعلي , بس الموضوع دة مش هتفرق كتير لو أنت سواقتك كويسة وبتأخد بالك قوي .
اسعار قطع الغيار الدورية اللي بتستخدمها في الصيانة ,يعني تيل الفرامل , الفلاتر بأنواعها كدة يعني , ميهمكش ان المراية ممكن تلاقيها ب 2000 جنية , ربنا ما يقدر لك أن شاء الله وتحتاجها , المهم اتلصيانة الدورية .
في النهاية حاول لو استقريت علي نوع أن شاء الله أنك تأخد من اصحاب الخبرة واللي معاهم العربية شوية تفاصيل عن الموضوع دة .
وخد برضة بالك من نقطة الريسييل لأن أنت بتقول هتجيب كاش يعني مش هيبقي عندك مشكلة تبيع أو مش هتبقي مرتبط ببنك أو تقسيط.
وربنا يوفقك أن شاء الله

**3ageeb** · 13-07-2015 02:09 PM

المشاركة الأصلية كتبت بواسطة جيتزاوي55

أنا هضم صوتي لصوتك في تحيزك الي حد ما للبونتو , لكن عاوز افصل معاك شوية حاجات , انت اللي يهمك التكييف بس مش هيبقي هو دة الحاجة الرئيسية بس اللي تديلك قرار الشراء لأني اعتقد ان تكييف البونتو هيبقي ممتاز نظرا لتكنولوجيا الميكانيكا وأن فيات أسم مش قليل وحجم العربية نفسة صغير فالصالون ممكن يتم تبريدة بسرعة ودة المطلوب .
لكن في حاجات تانية لازم تأخد بالك منها :
وسع العربية وأعتقد دي الغلبة للوجان , صالون واسع والمسافة بين الكراسي الخلفية والامامية اعتقد أنها اكبر بكتير.
الارتفاع عن الأرض : أنت برضة عارف شوارع مصر وأعتقد اللوجان أعلي , بس الموضوع دة مش هتفرق كتير لو أنت سواقتك كويسة وبتأخد بالك قوي .
اسعار قطع الغيار الدورية اللي بتستخدمها في الصيانة ,يعني تيل الفرامل , الفلاتر بأنواعها كدة يعني , ميهمكش ان المراية ممكن تلاقيها ب 2000 جنية , ربنا ما يقدر لك أن شاء الله وتحتاجها , المهم اتلصيانة الدورية .
في النهاية حاول لو استقريت علي نوع أن شاء الله أنك تأخد من اصحاب الخبرة واللي معاهم العربية شوية تفاصيل عن الموضوع دة .
وخد برضة بالك من نقطة الريسييل لأن أنت بتقول هتجيب كاش يعني مش هيبقي عندك مشكلة تبيع أو مش هتبقي مرتبط ببنك أو تقسيط.
وربنا يوفقك أن شاء الله

كلامك مظبوط ومقنع .. بس لا انا فعلا سواقتي هادية وبخلي بالي علي العربية كويس اوي خصوصا في المطبات ..
بس انا هجيب قسط مش كاش
وللاسف انا فعلا مش لاقي حد معاة العربية دي اللي هي ٢٠١٥ علشان كدة بتمني من حضراتكم تساعدوني

**3ageeb** · 13-07-2015 03:42 PM

محدش عايذ يساعدني خالص

**hazemezzz** · 13-07-2015 04:10 PM

غير ميزة مساحة الشنطة فى اللوجان فمفيش وجه مقارنة بين العربيتين البونتو صاج اقوى وامان اعلى و صناعة ايطالى وتقفيل وخامات افضل بكتير و توفير للبنزين غير عادى
ملحوظة : البونتو 1400 سى سى 77 حصان بس اداءها جيد جدا بالنسبة كمان لعربيات اعلى منها فى المواصفات والقوة

**hazemezzz** · 13-07-2015 04:12 PM

انا معايا جراند بونتو 2007 وهابيعها واشترى بونتو 2015 ان شاء الله .. لو عندك اى استفسارات قوللى .. ولو عايز معلومات اكتر عن موديل 2015 ممكن الشباب اللى اشتروها يساعدوك فى صفحة الفيس بوك الخاصة بملاك البونتو فى مصر
https://www.facebook.com/groups/GPEgyptClub/

**scientist9508** · 13-07-2015 06:18 PM

بسم الله الرحمن الرحيم

الأخ الفاضل 3ageeb

ملخص المقارنه بين السيارتين و بإختصار شديد:

1 - التشطيب و التقفيل لصالح البونتو

2 - المتانه و التماسك لصالح البونتو

3 - المحرك القوى لصالح اللوجان و بفارق كبير جدآ

4 - سكون و هدوء المحرك لصالح البونتو و بفارق كبير

5 - الإنتشار لصالح اللوجان و بفارق كبير

6 - سعر إعادة البيع لصالح اللوجان

7 - جودة الوكيل لصالح اللوجان

8 - توافر قطع الغيار لصالح اللوجان

9 - إنتشار مراكز صيانة الوكيل لصالح اللوجان

10 - الوسع لصالح اللوجان

أرجو أن أكون وفقت للصائب الدقيق من الرأى

هداك الله لأرشد أمرك و أقومه

السلام عليكم و رحمة الله و بركاته

**ozy77** · 13-07-2015 10:58 PM

http://www.nilemotors.net/Nile/467731-2015.html

ده موضوع لاحد الاعضاء اللى معاهم بونتو 2015 وبيحكى فيه ع يوم كامل بالبونتو وهو مسافر .... شوف الموضوع وكلم صاحب الموضوع لو عايز تسال ع حاجة

**BlueNova** · 14-07-2015 02:29 AM

العربيتين كويسين واي اختيار فيهم مش هتندم عليه ان اشاء الله والعربيه اللي هتجيبها هتحبها وتنبسط بيها

الفكره اللي هتخليك تقرر انت راجل ركيب وتحب تتكيف من العربيه ؟ :d ولا راجل عملي وعاوز حاجه ليك وللسوق