عايز اروح مول العرب من طريق الاوتوستراد القادم من حلوان

**MEMOAHMED14** · 13-07-2015 11:23 AM

اروح ازاى مول العرب بالعربية .. انا جاى من حلوان طريق الاوتوستراد .. ارجو الرد بالتفصيل

**Magoda** · 13-07-2015 11:38 AM

صباح الفل ياكبير
حضرتك جاى من حلوان هتعدى على صقر قريش تطلع الدائرى اتجاه المنيب وفضل ماشى يامعلم لحد مهتلاقى نزلة على يمينك نزلة اسكندرية الزراعى هتنزلها وتفضل ماشى لحد مهتلاقى نزلة المحور هتنزل هتفضل ماشى لحد مهتلاقى مول العرب على يمينك ده طريق 1
فى طريق تانى نفس الكلام ونت على دائرى بدل متنزل نزلة اسكندرية الزراعى هتكمل فى طريقك متنزلش خليك مع الدائرى لأخره الطريق هيلف معاك يمين اجبارى هتلاقى دريم بارك على يمينك هتفضل ماشى مع الطريق لحد مهتلاقى يافطة جهاز المدينة هتدخل يمين وهتفضل ماشى هتلاقيه على الشمال
لو فى اى استفسار
تحياتى

**Magoda** · 13-07-2015 11:41 AM

لما تلاقى دريم بارك على يمينك هتمشى حبة حلوين وأسأل على جهاز المدينة هتبقى مكتوبة خش شارعها ده ولما تخش هتلاقى نادى عل شمالك هتكمل طوالى هتلاقى مول دولفين ملكش دعوة بيه كمل طوالى هتلاقى مول العرب على شمالك