الموضوع: stop leak

أنا جربت نوع من انتاج شركة اسمها ابرو والمنتج اسمه SUPER SEAL وده كان بعد أكثر من سنة من علاج مشاكل دورة التبريد من خراطيم مشقوقة وطبب ماتور بايظة وقربة جديدة اصلية واستبدال علبة الريداديتر بأخرى جديدة وكل ده قلل مقدار الماء المفقود من الدورة ولكن كان هناك تسريب لم أكتشفه رغم اننى عملت اختبار ضغط لدورة التبريد والنتيجة ان الميكانيكى قال لى لا يوجد اى تسريب ولكننى كنت اشك ان الماتور قد تكون به بعض الشروخ الصغيرة جدا (فى كتلة الاسطوانات على وجه التحديد) لان البوجيهات لما كنت بفكها كانت حالتها بتبقى كويسة جدا يعنى مفيش ميه او صدأ عليها وبالتالى استبعدت ان الشروخ تكون فى رأس السلندر وكان عندى بخار ميه كثيف وميه ايضا بتخرج من الشكمان لما ادوس بنزين جامد وكل ما الميكانيكى يشوف ده يقولى ده الماتور كدة حرقه كويس جدا ولكن انا ما كنتش مقتنع بكلامه لان انا شايف كمية البخار والميه كبيرة جدا ...
وبالتالى قمت بالدخول على النت والبحث عن المنتجات التى يمكنها علاج هذا الموضوع ووجدت أكثر من منتج أفضلهم كان منتج موجود خارج مصر لونه أصفر مخضر مش فاكر اسمه ايه وموجود له أكثر من فيديو على اليوتيوب ولكن المنتج ده غالبا مش موجود فى مصر وبناء عليه بحثت أكثر على النت ووجدت المنتج المذكور اعلاه وده ممكن تلاقيه فى محلات زيوت العربيات الكبيرة وعلى ما اذكر كان ثمنه من 45 الى 50 جنيه ...
وقمت باستعماله حسب الارشادات الموجودة على العبوة من الخلف (رجاء مراعاة اتباع الارشادات جيدا) وكانت النتيجة جيدة جدا فقد اختفى البخار الكثيف الذى كان يخرج من الشكمان وأصبح العادم طبيعيا اى بلا لون ولم يعد هناك نقص فى مياه القربة.
وبالتوفيق فى الاصلاح ان شاء الله

Products - Automotive - Radiator / Cooling System Fluids - SUPER SEAL | ABRO Industries, Inc