كيفية القضاء على صراصير المطبخ

**ahmadalsattar** · 15-07-2015 03:44 AM

اعانى كثيرا الفترة الحالية من انتشار الصراصير الصغيرة فى المطبخ جربت بودرة فى الصيدلية اسمهى هاى سول ما نفعت روحت لبتاع مبيدات ادانى بودرة بتاعت براغيت رشيتها برضه فشلت .... هل من حل عملى و فعال ...

**unl0veable** · 15-07-2015 06:57 AM

القضاء على الصراصير : كيف يمكن مكافحة والتخلص من الصراصير

**مُصْطٓفٓى** · 15-07-2015 09:28 AM

فيه بودرة للصراصير بتجيب من الآخر
بس اهم حاجة تقفل كل الفتحات اللي ممكن يدخلوا منها في المطبخ والحمام

**A.Saad** · 15-07-2015 10:30 AM

بتوع المبيدات الزراعية
وفيه محل منهم فى شارع الجمهورية بين تقاطع عبد الخالق ثروت وقصر النيل
بيبيعوا مبيد يخفف بالماء
بس تجيب له رشاش وياريت نظارة وقاية
ويترش بعد شيل الاوانى والاغذية ويقفل المطبخ
وتكرر العملية بعد 4 ايام

**Mecha** · 15-07-2015 03:07 PM

المهم ميكونش فيه اي فضلات طعام ,البوتجاز والبنشات تتمسح كل ليله وياريت المطبخ يكون خشب ميلامين -مش خشب عادي- او استنلس,والارضيه تتمسح بالمبه وصابون وكلور كل اسبوع علي الاقل.اي اوعيه غير مغسوله تتحط في الحوض تحت ميه وصابون.

**accord** · 15-07-2015 03:32 PM

في بودرة اسمها بودرة صراصير بتتباع في الصيدليات بتلاتة جنيه هي عبوة بلاستيك بحجم علبة البيروسول تضغط على بطنها تنفش البودرة في وشك او في الجو هاتلك عبوتين ونضف المطبخ كويس من الاواني وحط قماشة مبلولة على فمك وابدأ المهمة الصعبة رش تحت الأحواض والبوتاجاز وتحت وخلف الثلاجة وفي الزخانيق وعلى المواسير واتوصى بالزوايا ومتخليش حتة الا اما تاخد حقها هتلاقي الصراصير بتطير من كل حتة كبير وصغير سيب الوضع ده خمس ساعات على الاقل ونضف بعدها اثار الحرب كويس لان ريحة البودرة دي زي الشطة بالظبط وهتخليك تعطس كتير واستمتع بعدها بمطبخ نظيف خال من الصراصير بستة جنيه بس

**lonedoctor** · 15-07-2015 10:55 PM

اخى الكريم حياك الله
والله عندنا فى السعودية كنا نعانى من هذا الموضوع لغاية ما وجدنا الناس هنا عندها خلطة عجيبة تقضى على الصراصير نهائيا وخاصة صراصير المطبخ ذات الحجم الصغير والاجمل انها خلطة غير سامة مطلقا
تعتمد على بودرة البوريك اسيد تجيب منها مثلا 30 الى 50 جم وتضع عليها نصف المقدار حليب بودر وسكر بودر وترشها فى الاماكن المنتشر فيها الصراصير او تعجنها على هيئة كور صغيرة وتضعها ايضا فى اماكن تواجد الصراصير
الخلطة سامة جدا للصراصير ومنفرة جدا بحيث لا تستطيع البقاء فى اى مكان موجودة فيه
فى خلال اسبوع تنتهى المشكلة تقريبا وعن تجربة
ياريت تعطينا خبرتك بعد استعمالها
تقبل تحياتى

**kaza** · 15-07-2015 11:29 PM

عجينة الصراصير من الصيدلية افضل شيئ وبتنهي وغير سامة لانها حمض بوريك في الاساس وطعمها حلو للصراصير واللي بياكل بتدمر جهازة الهضمي وبالاخص بيكون وصل لمكان تجمع ليهم والباقي بيتغذي علي الملكوم صريع اكلة البوريك وبيموتوا وهلم جرة لحد مابيخلصواخالص

**kaza** · 15-07-2015 11:31 PM

المشاركة الأصلية كتبت بواسطة lonedoctor

اخى الكريم حياك الله
والله عندنا فى السعودية كنا نعانى من هذا الموضوع لغاية ما وجدنا الناس هنا عندها خلطة عجيبة تقضى على الصراصير نهائيا وخاصة صراصير المطبخ ذات الحجم الصغير والاجمل انها خلطة غير سامة مطلقا
تعتمد على بودرة البوريك اسيد تجيب منها مثلا 30 الى 50 جم وتضع عليها نصف المقدار حليب بودر وسكر بودر وترشها فى الاماكن المنتشر فيها الصراصير او تعجنها على هيئة كور صغيرة وتضعها ايضا فى اماكن تواجد الصراصير
الخلطة سامة جدا للصراصير ومنفرة جدا بحيث لا تستطيع البقاء فى اى مكان موجودة فيه
فى خلال اسبوع تنتهى المشكلة تقريبا وعن تجربة
ياريت تعطينا خبرتك بعد استعمالها
تقبل تحياتى

ممتازة فعلا بس غير منفرة بل جاذبة وبتتلف جهاز الصرصار الهضمي وتقضي عليه

-

الموضوع: كيفية القضاء على صراصير المطبخ

LinkBack

أدوات الموضوع

عرض

كيفية القضاء على صراصير المطبخ - انشر الموضوع فى :

-

-

-

-

المواضيع المتشابهه

الحقوني عندي صراصير ف البومة

صراصير ... صراصير ..... صراصيييييير

في مطبخي صراصير

يا ما تحت الاستبن بلاوي (برومة وصدا ) و كيفية القضاء عليهم

الكلمات الدلالية لهذا الموضوع

المفضلات

المفضلات

ضوابط المشاركة