طنابير 301 ؟؟؟

**kogak1987** · 18-07-2015 01:56 PM

السلام عليكم و رحمة الله و بركاته ... كنت بعمل صيانة ال30 الف في توكيل العبور جالي المهندس مصطفى النابغة و قالي العربية هتحتاج تغير طنابير بس خليها بعد 6 ألاف كم عشان التيل لسه فيه :d اقوله طيب دي من ايه يقولي لا ده عادي بتحصل ... طيب تحصل ازاي و انا بغير التيل قبل ما يخلص ؟؟ ببص على الطنابير لقيتها فعلا عاملة شفة .. هل ده عادي فعلا ولا ده عيب في طنابير العربية اصلا و اغيرها على حسابي ولا على الضمان ؟؟ مع العلم ان كان معايا لوجان بعتها عاملة 120 الف كم و مكانتش غيرت طنابير اصلا !!

**faroojj** · 19-07-2015 10:03 AM

متابع معاك علشان نشوف أخرتها مع التوكيل

**temo2004** · 19-07-2015 06:38 PM

انا مغير تيل وطنابير قبل ما اكمل 10000 كم غيروهم في الضمان

**Ashraf Fawzy** · 27-07-2015 04:38 AM

وصلت لغاية فين مع التوكيل؟

**bassem.aly** · 11-08-2015 12:55 AM

متابع

**khaled_yehya** · 11-08-2015 09:25 PM

متابع

**kogak1987** · 17-08-2015 01:31 PM

سوري اولا هو توكيل ابو رواش مش العبور .. ثانيا الضمان لحد 30000 بعد كده عمره ما هيغيرلك حاجة في الطنابير بعد الضمان .. حالة الطنابير عندي من صيانة ال20 هي نفس حالتها لحد صيانة ال30 بس مفكرش يقولي غير بعد ال 30 عشان تطلع من الضمان .. ثالثا من اراء ناس كتير اعرفهم معاهم البيجو قالولي عادي اخرك تيل الطنابير كده عادية الشفة دي المهم قلبها نفسه يبقى ناعم و لو قلقان غيرها برة في نوع اسمه فاليو تقريبا تيل و طنابير بيتباع برة محترم و طالما كده كده مفيش ضمان يبقى اعملها برة بس انا مستني بقى الصيانة الجاية مش عايز اغيرهم دلوقتي عشان هروح اعملهم فرح و كهارب و حصان