peguot 508
A7
بيجو508
باسات
رقم العضوية : 177670
تاريخ التسجيل : 19Jul2015
المشاركات : 9
النوع : ذكر
الاقامة : Assuit
السيارة: Octavia fantasia
السيارة[2]: Lancer
الحالة :
السلام عليكم ورحمه الله وبركاته. ..كل عام وانت إخوتى بخير...محتاج المشورة ضرورة انا معايا اوكتافيا فانتازيا 2011. .سياره جيده جدااا .... وانا فى طريقى لشراء سياره زيرو جديده المبلغ اللى مخصصه للسياره الجديده من 250 إلى 300 الف...ومن خلاص البحث ظهرت لى 3 سياسات وانا محتار فيهم فبرجاء الافاده انه أفضل البيجوالبيجو 508 الفئه الثالثه ولا ال الفئه الاخيره a7 ..والباسات الفئه الثانيه وللأسف كل واحده فيها عيوب ...البيجو 508 انا شخصيا مش متل ليها. .بالاضافه لل resale مش كويس.....ومش عارف هل فى مشكله الفيس ولا لا.....اوكتافيا عربيه كويسه وانا مجربها بس حاسس أن السعر الموجود فى السوق مبالغ فيه جدا خاصه انه موتور عادي ومش 1400. ..بس ال resale للعربية دى أفضل الثلاثه....نتيجة الثالثه الباسات دى اخطرهم سمعت كلام الصبح على مشاكل الفيس فى موديل 2014 و 15..ويقال والله اعلم انى صلوا الفيس فى 2016 ومشكلة العربيه دى ال resale. ..ده ملخص لكلام النت....الصراحه انا مش عارف اشترى ايه ؟؟؟ولو انى مايل للباسات. ..هل ممكن يشور عليا اشترى انه فى ال 3 ولو فى recommendation بحاجه مجربه واسمها كويس ياريت يقولى. .ولكم جزيل الشكر
رقم العضوية : 144837
تاريخ التسجيل : 05Jun2013
المشاركات : 643
النوع : ذكر
الاقامة : الاسكندرية
السيارة: Verna 2008
السيارة[2]: Lanos 2000
دراجة بخارية: NO
الحالة :
peguot 508
أبو تريكة خط أحمر
رقم العضوية : 174660
تاريخ التسجيل : 23Apr2015
المشاركات : 417
النوع : ذكر
الاقامة : مدينة نصر
السيارة: باسات 2015
السيارة[2]: ﻻنسر بومة 2008
الحالة :
من واقع تجربتى فى الباسات 2015..احب اوضحلك حسب كﻻم مهندس الصيانة فى التوكيل ان العربية بتحتاج على اﻷقل بنزين 92 بيور ونظرا ﻷن مفيش فى مصر 92 وﻻ 95 بيور- والكﻻم لمهندس الصيانة الى قابلتة النهردة..يفضل وضع بنزين 95 حتى ﻻ تتأثر طبقة البﻻزمة المطلى بيها الموتور.. سبت مركز الخدمة ومونت 92 من بنزينة نضيفة - توتال -وطنية - امارات..العربية بتشتغل معايا ب 92 مش بطال وسحب جيد..سألتة عالفتيس قالى فى الزحمة خليك عالمانوال مود..والمانوال مود بتاعها سلس جدا انت بتلمس الفتيس ب طرف صباعك..تزود الغيارات بس ولما تهدى مش محتاج تنزل بالغيارات .مايناس ..الغيارات بتتسقط لوحدها اوتوماتيك..بالنسبالى السيارة مرضية وواسعة وتوكيلها معقول وبيشيل اى مشكلة فيها حسب تعليمات المصنع لجميع التوكيﻻت بدول العالم .. الباور 122حصان مش كبير بس بتخطى بيه حلو عالطريق السريع..انا عندى مشاركة من حوالى شهرين فيها تفاصيل اكتر بس احب اوضحلك ان العربية دى مشكﻻتها تتلخص فيما يلى معاملة خاصة للفتيس فى الطرق الزحمة.. كماليات ناقصة تم استقطاعها لتنزيل السيارة بسعر منافس مثل مرايات قابلة للطى وسناسر ركن وبلوتوث الهاتف وانوار الليد..الأوبشن الوحيد القابل للتركيب بﻻ مشاكل هو البلوتوث..ولكن انا شايف من غير الضرورى صرف 5000 جنية خصوصا وان توصيل كابل ال aux بيكبر صوت المتصل بيك وينقلهولك من سماعات العربية بشرط انك متكونش فاتح اﻻسبيكر .. كذلك والموبايل مكانة ثابت على المخدع .. صوتك انت والمرافقين بيسمعة المتصل كويس.. وبكرر من غير ما تكون فاتح اﻹسبيكر.. لكن المرايات عشان يكون فيها فولدينج محتاج تغير المرايات بالكامل بمرايات فيها مواتير كذلك الفوانيس بالليدات محتاج تغير الفوانيس والضفيرة الكهربية بالكامل واخيرا سناسر الركن محتاجة فى حالة تركيبها تغيير الكاسيت بكاسيت مخصص ﻻرسال اشارات السناسر فى حالة تركيبها يعنى الخﻻصة اضافة الكماليات الناقصة امر صعب ومكلف جدا.. المميزات عربية واسعة وشيك وجيدة الصنع وموتور قوى وهيكل وشاسية تقال جدا وصاج محترم وتعليق ممتاز وخامات راقية وفئة سنية معينة وطبقات معينة مقتصرة على ركوبها.. وعوامل امان مافيهاش الهوى..وريموت متطور بستة وظائف ونظام بريس آند ستارت.. والخﻻصة انى غير نادم ابدا على اقتنائها ويكفى ان اسرتى مبسوطة و فخورة بوسع صالونها و بشياكتها برة وجوة والله خير حافظ وهو ارحم الراحمين
رقم العضوية : 124866
تاريخ التسجيل : 18May2012
المشاركات : 136
النوع : ذكر
الاقامة : cairo
السيارة: no
السيارة[2]: ford focus mk1
دراجة بخارية: no
الحالة :
1-و لو انه رد بعيد عن السؤال اللي حضرتك طرحته لكن
بص على الفورد فيوجن الجديدة
شكل وهمي من بره و فخمة جدا من جوه
عوامل امان متوفرة و من البيز لاين مش كلها في الهاي لاين زي الباقيين
ماتور قوي (160 حصان) مشابه لماتور البيجو و لو انه اقل استهلاكا للبنزين و اكثر حفاظا على البيئة (1500 ايكو بوست)
ما فيش اي مشاكل من الفتيس (فتيس عادي 6 سرعات بتورك كونفورتر)
ماشيه ببنزين 92 عادي و ما فيش منه مشاكل مع العربية ( مش بتكركر زي الانسجنيا)
توكيل قوي (عبد اللطيف جميل حسن سمعة وكيل فورد في مصر بعد ما كانت في الارض)
سعر مناسب (البيز لاين 245 و في فئات لحد 330)
2- الاوكتافيا ما ينفعش تتقارن بالعربيات دي لانها فئة اقل (تتقارن بالجيتا و الفوكس و ال308)
3- المقارنة بين العربيات اللي حضرتك قولتها يبقى البيجو
4-مش عارف اذا كنت حضرتك مصمم علي السيدان و لا لأ بس لو مش مصمم سوق الكروس اوفر فيه اختيارات كتيرة رائعة
رقم العضوية : 177670
تاريخ التسجيل : 19Jul2015
المشاركات : 9
النوع : ذكر
الاقامة : Assuit
السيارة: Octavia fantasia
السيارة[2]: Lancer
الحالة :
الف شكر يا جماعه استفدت كتير من اراكم وربنا ييسر لى الخير بكرر شكرى
رقم العضوية : 174660
تاريخ التسجيل : 23Apr2015
المشاركات : 417
النوع : ذكر
الاقامة : مدينة نصر
السيارة: باسات 2015
السيارة[2]: ﻻنسر بومة 2008
الحالة :
الشنطة الكبيرة هتريحك..انا لسة واصل من السفر وكل دة كان فى شنطة العربية زائد الغطا الووتر بروف و اتنين اسكوتر ..
رقم العضوية : 177670
تاريخ التسجيل : 19Jul2015
المشاركات : 9
النوع : ذكر
الاقامة : Assuit
السيارة: Octavia fantasia
السيارة[2]: Lancer
الحالة :
حمدا لله على السلامه علاء بيك طيب بالنسبه لارتفاع العربيه والمطبات كويسه ولا محتاجه حرص
رقم العضوية : 174660
تاريخ التسجيل : 23Apr2015
المشاركات : 417
النوع : ذكر
الاقامة : مدينة نصر
السيارة: باسات 2015
السيارة[2]: ﻻنسر بومة 2008
الحالة :
نسيت اقولك ان ارتفاعها حساس .. 12 سم عند اقصى حمولة .. يعنى عاوزة تاخد المطب على اول سرعة بعد الزيرو يا اما حتحك من تحت فى الفيبرة .. لما سألت مهندس التوكيل عن موضوع المصفحة الى مش موجودة زى ال 508 مثﻻ ونفسى اﻻقى حاجة تنفع اركبها قالى الفيبرة التقيلة الى تحت للحماية بس لو خدت بين العجل حاجة عالية و ناشفة ممكن الفيبرة تتكسر وممكن ﻻء.. يعنى لو انتا طريقك فية مطبات كتير و وعالية زى بتاعت البﻻد والقرى على الطرق الزراعية ..فكر كويس قبل ماتشترى ﻻأنها محتاجة حرص .. وقريت انهم حسنوا اﻹرتفاع فى موديل 2016 .. بس الحقيقة كنا واخدين قرار شراء سيارة عائلية جديدة ولما السعر بقى مقارب للأكتافيا فئة تانية حسمنا قرار الشراء لأن مميزات الباسات افضل والموديل الجديد الى هينزل اخر السنة B8 زى القديم B7 فى المحرك والفتيس .. التطوير فى شكل الفوانيس اﻻمامية اكثر كىسيكية واكثر جماﻻ والعرض زاد سنة و شاشة الديسبﻻى الى بين العدادات خدت مساحة اكبر والباور الخارج زاد 3 حصان .. والمعلومة الجديرة بالذكر انهم وقتﻻالشرا بيخيروا بين الجنوط السبيكة الى راكب فيها وبين جنوط رياضى مع فرق سعر 5 تﻻف جنية..واخترت وقتها استلمها بالجنوط العادى الى جاية بية ﻹنهم جايبينة مقاس 16 من براند متخصص فائق الجودة فى سبائك الجنوط .. وموجودة تفاصيلة على موقع VWeg .. اللطيف فى السيارة انها فيها كام حاجة حصرية زى نظام تنبية السائق المرهق ..ومثبت السرعة حدوتة جميلة فى طريقة ضبطة ودقة التحكم فى السرعة الى عاوزها ..الرادار صاد حوالى سبع عربيات قدامى اتخطوا السرعة القصوى والحمد لله كنت فى الأمان بفضا أوبشن ال speed cruiser المحترم و كمان ﻻحظت مصفﻻت اﻷبواب والشنطة مميزة القوية جدا و فيها ميكانيزم بيخلى الأبواب تفتح على مرحلتين مرحلة بزاوية 45درجة ومرحلة بعدها بزاوية 80 درجة يعنى لو بتفتح الباب فى مكان ضيق .. الميكانيزم دة هيحمى حرف الباب انة يتخبط.. وكمان مسند الذراع الأيمن قابل للإرتفاع أربع درجات تختار الدرجة الى تناسبك عشان تريح علية كوعك وانت سايق .. ومتعملش اى مجهود محسوس لو اضطريت تنقل على المانوال مود أو السبورت مود ..التكييف اداؤة مرضى وليه مخارج خلفية زى اوكتافيا تانى فئة.. بس الباور الخارج من المحرك اعلى عشرة حصان عن الأوكتافيا.. وطبعا السيجمينت D مساحة وحوض وخامات أرقى وأفخم من ال C امبارح ركنتها جنب اوكتافيا فنتازيا لقيتها زايدة فى الطول حوالى 25 سم .
رقم العضوية : 177670
تاريخ التسجيل : 19Jul2015
المشاركات : 9
النوع : ذكر
الاقامة : Assuit
السيارة: Octavia fantasia
السيارة[2]: Lancer
الحالة :
شاكر لحضرتك علاء بيك..انا يحتاج العربيه اكتر فى السفر لمسافات بعيده لانى معايا ماتريكس باستخدامها اكتر داخل البلد. ..بس حد قالى انى أحيانا الكومبيوتر بفضل فجاءه والعربيه بتقف فقلت الصراحه. ...معلومات حضرتك عن ال 508 ايه
.الفئه الثانيه؟ ؟؟؟
رقم العضوية : 174660
تاريخ التسجيل : 23Apr2015
المشاركات : 417
النوع : ذكر
الاقامة : مدينة نصر
السيارة: باسات 2015
السيارة[2]: ﻻنسر بومة 2008
الحالة :
تابع مشاركات Eng Marc ﻻنة شارى العربية ومجربها وهيا عموما سمعتها فى مصر كويسة .. بس انا بصفة شخصية لما بقيم الأمور بشوف الدنيا برة ماشية ازاى مباخدش اﻹتجاة المحلى مقياس فى اختياراتى.. ثم انى عامل زيك معايا ﻻنسر بومة بتخدم على العربية الكبيرة لمشاوير داخل البلد والخليج معظمة كدة الى معاة المانى للراحة اثناء السفريات بيجيب جنبة فئة أصغر كورى او يابانى للمشاوير البسيطة والنادى والمدارس..
المفضلات