الموضوع: استفسر من اهل الخبرة ...

السلام عليكم ورحمة الله وبركاته

كل عام وانتم بخير, كنت عايز اسأل الخبراء هنا عن شوية حاجات:

انا لسة حروح ان شاء الله اتعلم السواقة جديد, حروح مركز لتعليم القيادة, هل كل المراكز زى بعضها مش فارقة وﻻ فى مراكز كويسة ياريت تفيدونا ؟

مدة التعليم بتبقى اد ايه وهل المركز بيعلم كل حاجة ؟

وهل ينفع بعد ما اخلص تعليم فى المركز اسوق على طول وﻻ ﻻزم اتدرب اﻻول فترة معينة ؟

وبعد ما اتعلم السواقة كنت عايز اجيب عربية, تنصحونى اجيب جديد وﻻ مستعمل ؟

انا كنت شوفت على النت وكنت محتار بين العربيات دى :
سوزوكى التو 59
شيفروليه ﻻنوس 79
هيونداى اى 10 80.5
شيفروليه ﻻنوس فول اوبشن 83
رينو لوجان 87
كيا بيكانتو 90 الف

وكلهم مانويل

هل تنصحونى اجيب مانويل وﻻ اتوماتيك اوﻻ, وهل فرق السعر بين المانويل واﻻتوماتيك يستاهل ؟

وهل فى اى عربيات تانية تنصحونى بيها تكون فى حدود ال 80 الف او اقل ؟

وهل تنصحونى بالجيد وﻻ المستعمل باعتبار انى لسه حتعلم السواقة ؟

وانهى احسن اجيب عربية كبيرة وﻻ هاتشباك ؟

مع العلم ان مشوارى غالبا حيبقى كل يوم حوالى 50 كم رايح و 50 كم جاى

معلش طولت عليكو

وجزاكم الله كل خير
وكل سنة وانتو طيبين وعيد سعيد عليكم

المشاركة الأصلية كتبت بواسطة أحمد محمد

لو نتكلم عن استعمال ستة أشهر إلى سنة فالغرض هو الاستعمال للبهدلة ثم بعد ذلك ترميها وأنت غير باك عليها، يعني تشتريها برخيص وتبيعها ببلاش وما بين ذلك تكسر فيها براحتك.

شكرا لحضرتك على الرد,
وربنا يقدم اللى فيه الخير ان شاء الله