الموضوع: العربية مبرجلة وبفصل حساس الماب

اخوانى الاعزاء
انا عربيتى لانوس 1 موديل 99 بقالها 3 سنين معايا شغالة زى الفل بسافر بيها يوميا 300 كم ماعدا الجمعة والاجازات

فجأة في رمضان العربية سخنت ودى اول مرة تحصل ووقف واحد على الطريق لهف منى 300 جنيه موبينة المهم اشتغلت وروحت

بعدها سخنت تانى على الدائري وكانت كتاوت المراوح معلقة وبدات من هنا المشكلة كل يوم المية بتنقص لدرجة انها بتتشرب كلها بعد ساعة تقريبا وانزل وازود ومرة على مرة بقت المية تتحط متقعدش خمس دقايق في العربية وانا سايق وكل خمس دقايق انزل احط مية لحد ما لقيت الشكمان ضرب المية كلها ففهمت انها ضرب جوان من كتر السخونة والمية رحت محملها على ونش

عملت وش السلندر وغيرت طبب المية بالمرة وقولت طقم شنبر كمان بالمرة وبوجيهات وخراطيم المياه

المهم العربية اشتغلت بس هنا المشكلة ان العربية تدور وتبقا مبرجلة ودخان اسود وتبطل ولما الميكانيكى فصل فيشة حساس الماب اشتغلت ومبطلتش بس لو دوست بنزين مرة واحده تتخنق وتبطل لازم اضغط على البنزين بشويش


عاوز اعرف ليه بتبرجل وتبطل ؟ ولما اشيل فيشة الماب تشتغل

اسف على الاطالة بس شرحت اللى حصل جايز يكون السخونة اثرت على حاجة