الموضوع: أرجو الإفادة ياأهل الخييير العربية بتسخن مع السرعة العالية بس

السلام عليكم ورحمة الله ياأعضاء المنتدى الموقر

بقالي فترة محتار مابين الميكانيكي للكهربائي لبتاع الراداتير علشان عربيتي بتسخن مع السرعات العالية

بس ، لكن طول ما انا ماشي براحة مش بتسخن فروحت للميكانيكي قالي روح نظف الراداتير والسربانتينه

فروحت فكيت الراداتير خالص ونظفته ونظفت السربانتينة من بره كده طبعا مافكيتهاش وغيرت المياه ونزلت

المياه الخضراء القديمة وحطيت مياه خضراء جديدة كل ده عن بتاع الرادياتير طبعا وبعدين سافرت بها شرم

وانا على الطريق برضو وعلى سرعة 140 مؤشر الحرارة لقيته عند الهاي خالص ونفس المشكلة القديمة هي

هي بالضبط لم تحل فشكيت في الترموستات أو طلمبة المياه فروحت للميكانيكي قالي الرادياتير عايز يتنضف

في حين اني لسه منظفه عند بتاع الرادياتير وقالي الراداتير زيرو وكمان السربانتينه كذلك .

فأنا بشك في مياه الراداتير لأن الراجل بتاع الرادتير حطلي مياه خضراء بيقولي سعودي الجركن ب 25 جنيه

وانا كنت قبلها مزود المياه الخضراء بتاعتي بنفس النوع الوحش ده وكان قبل ما أزود المشكلة دي ماكنتش

موجوده .....

فما هي آرائكم هل العيب في المياه ولا في الراداتير ولا في الترموستات ولا في طلمبة المياه

مع العلم إن الميكانيكي قالي الترموستات سليمة وكذلك طلمبة المياه

فبالله عليكم أفيدوني ياااااأهل الخير والخبرة لأن العربية سخنت مني انهارده خااالص لدرجة ان المياه

خلصت خالص من الرادياتير ومن الإربة وأعتذر منكم على الإطالة وعربيتي نوعها نيسان صني 2007

أوتوماتيك

هو مافيش ميكانيكي ياجماعة يقولي العيب فين على طول من غير ما يجرب أو يقول احتمال .
أنا فعلا نزلت الميه كلها وحطيت مية موبيل وبرضو المشكلة زي ماهي فهل الخطوة التانية اني أشتري راداتير ولا أغير الترموستات بس الراداتير اﻷصلي بتاعها بكام هتلاقيه غالي جدا وكمان ممكن مالاقيهوش في شرم الشيخ ﻷني في شرم ومش بنزل القاهرة بالعربية خالص لو نزلت ولا أجيب الصيني أو الماليزي أو أي نوع يعني غير بتاعها . مع إن الراداتير بتاعها شكله جديد جدا جدا ولا مش بالشكل.
جزاكم الله خير والله جميعا على المشاركة ولكن من عنده المشورة فلا يحرمني منها وخاصة أنكم جميعا أهل خبرة وأهل احترام ورأيكم يحترم جميعا