| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 6 من 6

  1. #1

    الصورة الرمزية Hossam Mounir

    رقم العضوية : 549

    تاريخ التسجيل : 08May2007

    المشاركات : 209

    النوع : ذكر

    الاقامة : مصر أم الدنيا

    السيارة: Mercedes

    السيارة[2]: BMW

    دراجة بخارية: no

    الحالة : Hossam Mounir غير متواجد حالياً

    افتراضي مغامراتى الغبورية ... المغامرة الثالثة ... - Facebook Twitter whatsapp انشر الموضوع فى :

    hasad">

    كنت قد وعدتكم ... أنه إن شاء الله ... حينما أذهب لتوكيل غبور فى أبو رواش لأجل مشكلة الكاسيت ... أنى سأكتب تقيمي ... هنا كتسجيل حيوى لقضية فى منتهى الأهمية ... وهيا "التوكيلات التجارية فى جمهورية مصر العربية ... - ( أعتقد أن العنوان يصلح كعنوان لكتاب ) - لكنة رسم لمعاناة أعتقد الكثير منا يعانيها ... وهيا علاقة المستهلك بالوكيل الذى أخذ على عاتقة أستيراد أو تجميع أو حتى تغليف ... سلعة معينة بغرض البيع ... وما أعده هذا الوكيل من منافذ بيع ... وشبكات صيانة ... وشبكات موزعيين ... وحملات الدعاية والأعلان ... وما إلى ذلك من الضروريات التى تجعل هناك علاقة وثيقة بين الوكيل والمستهلك ... بغض النظر عن نوع السلعة ... وأن أختلفت هذه الأمور من سلعة إلى أخرى ... وهيا منظومة ليست بالهينة ... أو التى ممكن أن نتغاضى عن المشاكل التى قد تنتج بين المستهلك والوكيل بسببها ... وأهم المشاكل هيا "عيوب الصناعة" التى تلزم الوكيل بإستبدال المنتج أو جزء منه - حسب الحالة – أو صيانة جزء تلف من المنتج نتيجة عيب أستخدام ... وهنا مربط الفرس ... من يحكم هذه العلاقة ... من يقرر هذا العيب أن كان عيب صناعة أو تلف نتيجة أستعمال ... للأسف فى بلدنا الوكيل هو من يقرر ... فهو يلعب دورين دور القاضى ودور منفذ الأحكام ... والمتهم ... أقصد المستهلك ... خسران فى كل الحالات ... لأنة لا يملك اى صلاحية تعيد له حقة - بالطبع أن كان على حق – طيب ليه أنا قلت فى بلدنا لأن فى البلاد المتقدمة هناك أشياء هامة جدأً جداً مش موجودة عندنا منها :
    1- القانون الأول فى حركة البيع عندهم ...الزبون دائماً على حق
    2- هناك جهات أعلى معنية بحقوق المستهلك ... تعرف تجيب حقة لو له حق ...
    3- وفيه سمعة للتاجر بيخاف عليها ... وفيه تنافس قوى مع التجار الأخريين ... لمصلحة المستهلك ...
    4- قوانين رادعة وملزمة ... خاصة بالغش التجارى ... وما إلى ذلك ...

    يبقى أحنا هنا مضحوك علينا مع أننا بندفع فلوس ... ومعانديناش مانع ندفع أكثر فى مقابل المعاملة الحسنة والخدمة المميزة ... بس تقول أيه ... بصوا يا أخونا أنا مبقوق قوى ... ولو أعدت أتكلم فى المواضيع دى مش هخلص ...
    وعلشان ما طويلش على سيادتكم ...

    التوكيل الغبورى فى أبو رواش أفضل 100% من قليوب لا يوجد وجة للمقارنة ... النظام افضل الأستراحة أحسن المعاملة أفضل ...

    أولاً ... لازم اللي يروح يكون حاجز ... وأخذ رقم الحجز بتاعة يأما ما فيش دخول نهائي
    ثانياً ... كل عربية بتدخ بيقولولك على البوابة ... أسم المهندس اللي هيستلم منك العربية
    ثالثاً ... بتدخل تقابل المهندس وتقوله على الهدف من المجئ ... أذا كان صيانة أو خلافة ( عيب فى العربية )
    رابعاً ... يذهب معك المهندس إلى مكان توقف سياراتك ليستلمها ويدون باقى ملاحظاته ...
    خامساً ... سيادتك تتطلطع فى الاستراحة ... اللى أنا شايف أنها مش وحشة ... لحد ما ينادوا على أسمك أو المهندس يكلمك ... علشان تنزل تستلم عربيتك ... أو لو فيه شئ عايزين يناقشوك فيه ( بجد الأستراحة ظريفة أنتريهات مريحة ... أنت فعلاً شايف الورشة كلها ... وشايف كل المراحل اللى بتمر بيها عربيتك ... الكافيتريا فيها كل حاجة بأسعار معقولة جداً ... فيه WIFI ... والناس جايه وعامله حسابها على الأعدة اللى جايب لاب توب ... واللى جايب عصير وسندوتشات ... واللى نايم ومستسلم للنوم ...)

    بالنسبة ليا كان من نصيبى مهندس محترم أسمة م/ محمد عبدالله والحقيقة الراجل تفاعل معايا جداُ ... وخاصة لما قلتلة على اللي حصلي فى قليوب ... وأنا رحت الساعة 1:00 PM تقريباً والراجل على الساعة 4:30PM كلمنى على الموبايل ( اية الحلاوة دى) وأخدني جربنا العربية علشان موضوع الفرامل ... والحقيقة خلوها زى ما كانت بالظبط ... وزبطوها اخر ظبط ... لحد هنا وكلة كويس فين المشكلة بقى ... المشكلة طبعاً فى المخسوف على شبابه الكاسيت ال Original طبعاً الحمد لله يوجد مهندس واحد فقط فى كل غبور متخصص فى هذا النوع ومقرة فى أبو رواش ... وهذا ما قيل لى على لسان م / محمد عبدالله : أن السادة الفنيين حاولوا يصلحوا الزرار ولكنهم عجزوا عن ذلك ... وبالتالي الكاسيت ده هيتغير فى الضمان ... وهيركب واحد بدالة ( شوفتوا الهنا اللى أنا فيه) لأن الموضوع ده عيب صناعة... فهنفكة وهيرجع كوريا وهنركب واحد جديد ... بس المشكلة أن المهندس المسئول مش موجود ... فسيادتك ... هتيجى أى يوم تختارة بدون حجز ولا حاجة ... وهيقوم المهندس المسئول بفك الكاسيت القديم ... وتركيب الجديد بدالة ... ومش هنأخرك ولا حاجة ... هذا ما تم الأتفاق عليه ... وبصراحة لو الموضوع خلص على كدة يبقى حاجة هايلة ... ويبقى كل اللى غرمته المشوار مرتين بس كله يهون فى سبيل الكاسيت ... اللى عرفت منهم أنه غالي (ثمنة حسب ما قيل لي 2000 جنيه) ... وأكيد فى أنتظار أرائكم ... وهبلغكم بالتطورات ...

    أسف للإطالة ... وتحياتى للجميع ...

    م / حسام منير


  2. #2

    الصورة الرمزية محمد المشد

    رقم العضوية : 302

    تاريخ التسجيل : 28Apr2007

    المشاركات : 1,013

    النوع : ذكر

    الاقامة : jeddah/ المعادى

    السيارة: اسبرانزا

    السيارة[2]: ستروين

    الحالة : محمد المشد غير متواجد حالياً

    افتراضي -

    والله فى حالتك الرأى الوحيد ان الامر لايعدو اشخاص فقط ، اذ ان الوكيل هو هو غبور سواء ابو رواش او قليوب المسمى واحد والمالك واحد ولكن المشكلة فى قصصك الثلاثة هو المهندس المسئول وكان من الجايز ان يكون المهندس الذى قابلك اخر مرة سىء مثل معاملة قليوب ، ولكن رزقك الله برجل يعرف عملة ويتقى الله فى الناس ولذا فأنت تذكرة بكل خير 0
    عموما الحمد لله على كل شىء ، ولكن الموضوع مش غبور او ابو الفتوح ولكن الموضوع وزارة التجارة والصناعة فى مصر وقضايا الغش التجارى ، يا اخى العزيز هنا بالسعودية اذا تسلمت سيارة وبها اى عيب يقوموا بتغيرة جديد على حساب الوكيل ولا مناقشة فى هذا الامر واذا لم يقوموا بهذا فأمامك وزارة الصناعة والتجارة والغرف التجارية ، اما عندما فالمجاملات حدث ولا حرج وطبعا الوكلاء مظبطين المسئولين وسلملى على الترماى
    والف مبروك وعقبال الكاسيت بس صمم على تغيرة لانهم ناس لا تأتى إلا بالعين الحمرا
    ومنتظرين اخر كلام


  3. #3

    الصورة الرمزية bassam nagy

    رقم العضوية : 56

    تاريخ التسجيل : 18Apr2007

    المشاركات : 2,957

    النوع : ذكر

    الاقامة : 6اكتوبر

    السيارة: kia spectra 2004

    السيارة[2]: hyundai matrix 2006

    دراجة بخارية: no

    الحالة : bassam nagy غير متواجد حالياً

    افتراضي -

    [quote]
    والناس جايه وعامله حسابها على الأعدة اللى جايب لاب توب ... واللى جايب عصير وسندوتشات ... واللى نايم ومستسلم للنوم ...)
    [/quote
    مركز ابو رواش احسن بكتيير من توكيل قليوب واسكندرية وعيبة انهم بيطولو اوى فى الصيانة او الاصلاح قاعة الاستقبال نظيفة اوى وكويسة اما المهندسيين محترمين جدا كلهم اولهم مهندس محمد عبدالله : ومهندس احمد فريد وهانى كامل وان شاء اللة هايغيروللك الكاسيت اما انا جبت اخرى من الانذار الية مركبة غبور كل شوية يبوظ ومش عارف اذا كان الفيوز ولا الانذار نفسة خامس مرة يبوظ من ساعات ماجبت العربية لو كنت ركبت انذار وولف كان برقبتة شكلى كدة هاروح لعشم نوار فى مدينة نصر اصلهم هما الية مركبينة ربنا معاك ومعانا :? :?


  4. #4

    الصورة الرمزية abdofawzy

    رقم العضوية : 1529

    تاريخ التسجيل : 22Jul2007

    المشاركات : 60

    النوع : ذكر

    الاقامة : Haram

    السيارة: Hyundai

    السيارة[2]: Shahin

    الحالة : abdofawzy غير متواجد حالياً

    افتراضي -

    السلام عليكم
    يا جماعه ليه ما نفكرش كلنا نرسل استيائنا لهيونداي في كوريا؟

    واحد زميلي شاف الزل في الواجا لغايت ما جاب آخره بعت اميل زي الزفت للهيد اوفيس بره تاني يوم لقى مدير الصيانه في مصر بيتصل بيه و بيقدمله كل انواع الأسف والكلام الي احنا عارفينه!
    انا شايف ان مستخدمي هيونداي في المنتدى ده لو نصهم بس بعت ايميلات بتشتكي من الي بيحصل في غبور ممكن الوضع يختلف
    ايه رأيكم في الفكره دي؟ حد من خبراء المنتدى ينظم القصه دي بحيث اننا ما نبعتش مره واحده عشان الشركه بره تعرف انها شكوا جماعيه و مش حاله خاصه!
    انا لسه ماجبتش هيونداي بس فعلا شايف نفس الشكاوي من كل زمايلي و قرايبي الي عندهم هيونداي!


  5. #5

    الصورة الرمزية Karim_Monir

    رقم العضوية : 32

    تاريخ التسجيل : 17Apr2007

    المشاركات : 26,316

    النوع : ذكر

    الاقامة : جسر السويس-القاهرة

    السيارة: BMW E90

    السيارة[2]: Jeep KK 2009

    دراجة بخارية: لا يوجد

    الحالة : Karim_Monir غير متواجد حالياً

    افتراضي -

    مبروك يا باشا علي تظبيط العربية
    ربنا يوفقك وتغير الكاسيت كمان
    اسامة دوس بيسلم عليك
    وبيقولك انت ماتفرجتش بقي علي الجلد الامريكي الاحمر
    تعالي المقابلة الجاية تشوفوة


    جروب ورشة نايل موتورز علي الفيس بوك


    صفحة ورشة نايل موتورز على الفيس بوك


  6. #6

    الصورة الرمزية Hossam Mounir

    رقم العضوية : 549

    تاريخ التسجيل : 08May2007

    المشاركات : 209

    النوع : ذكر

    الاقامة : مصر أم الدنيا

    السيارة: Mercedes

    السيارة[2]: BMW

    دراجة بخارية: no

    الحالة : Hossam Mounir غير متواجد حالياً

    افتراضي -

    hasad">

    وبيقولك انت ماتفرجتش بقي علي الجلد الامريكي الاحمر
    ماشي يا عم على الحته الحمراء ... أكيد حاجة مفرقعة ... عايزة واحد جرئ زيك... خلينى يا عم أنا فى الألوان اللي على أدي .. مالوه الرمادى ... بس تصدق هاموت وأشوف العربية بالفرش الجلد الأحمر ... ربنا يحفظهالك ...

    بالنسبة للكاسيت أخر كلام ...أمبارح ... أخدوا رقم الشاسية بتاع العربية بالتليفون ... علشان يبعاتوا يجيبوا واحد من كوريا مخصوص ... للعبد لله ... ربنا يسهل ويصدقوا ...

    تحياتى للجميع ...

    م/ حسام منير



 

المواضيع المتشابهه

  1. اختبار روح المغامرة ... هل تمتلك روح المغامرة ؟؟
    بواسطة abogogo في المنتدى المنتــــــدى الاجتمــاعى
    مشاركات: 6
    آخر مشاركة: 24-03-2011, 11:46 PM
  2. مغامراتى فى التراويح
    بواسطة azmeralda في المنتدى المنتــــــدى الاجتمــاعى
    مشاركات: 60
    آخر مشاركة: 02-09-2010, 11:14 AM
  3. اول مغامراتى مع اللوجان
    بواسطة abotasneem في المنتدى قسم خاص بالسيارة لـــوجـــــان
    مشاركات: 9
    آخر مشاركة: 07-02-2010, 02:45 AM
  4. مغامراتي الغبورية ... المغامرة الثانية...
    بواسطة Hossam Mounir في المنتدى هيــونــداى
    مشاركات: 19
    آخر مشاركة: 12-11-2009, 11:03 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2