صلاحيه الاطارات

**خالد عادل** · 25-07-2015 11:44 AM

الزملاء الاعزاء حاصلت معايا مشكله في العربيه وكنت محتاج مشاركتكم ورايكم فيها :

عربيتي نيسان صني سوير صالون موديل ٢٠١٢ الشكل القديم عامله ١٩٠٠٠ كيلو.
توجهت للسبع قبل رمضان باسبوع لعمل صيانه ٢٠،٠٠٠ وتم عمل الصيانه واستلمت السياره بدون مشاكل اللهم ان نشوفيه في العفشه علي عكس قبل الصيانه وفسرت الموضوع بسبب تدوير العجل وتفاوت الضغط وممكن يكونوا ظبطوا هوا وهي اساسا كان يها نيتروجين فقلت دا السبب ومشيت بيها طول رمضان كدا بدون اي مشاكل تذكر الا نشوفيه العفشه زي ما ذكرت.
قبل العيد باسبوع (يوم الجمعه تحديدا) توجهت لبنزينه وطنيه اللي قبل سيتي ستارز وفضيت العجل من الهوا ومليت نيتروجين وظبطت الضغط العربيه بقيت انعم في المطبات بشكل واضح.. لكن حسيت ولاول مره منذ امتلاكي العربيه بان العربيه خفيفه جدا جدا واحساس بعدم الثبات وشكيت بان الضغط يكون عالي ومحتاج اعاده تظبيط.
يوم السبت رحت بالعربيه الشغل وانا نزل من اخر نزله في كوبري اكتوبر (نزله ميدان الدقي) العربيه انحرفت مني جامد واتنقلت من حاره للحاره التانيه ولولا ستر ربنا ان مكانش حد نازل جنبي كانت حصلت مشكله وطبعا مخدتش في بالي وفسرت الموضوع ان في زيت او جاز مدلوقين في الطريق وهو اللي سبب كده .
طول الاسبوع اللي قبل العيد نفس الاحساس بخفه العربيه وعدم الثبات واحساس الفرامل مختلف .. رحت مكان تاني وقيست ضغط العجل لقيته مظبوط قولت اسافر بيها كده وان شاء الله مفيش مشاكل.
سفرت بيها اسكندريه في العيد طبعا احساس مرعب من عدم الثبات طول الطريق خصوصا عند زياده السرعه واي عربيه صغيره تعدي من جنبي بحس بخلحله الهوا كان اتوبيس كبير معدي من جنبي والاحساس ده كل اللي في العربيه معايا حاسيين بيه وطبعا نفس الاحساس وانا راجع لدرجه اني لو سبت الدركسيون العربيه بتحرف مني جامد في الطريق .
كلمت احد الاصدقاء من اهل الخبره فالي ممكن يكون تيارات الهوا تكون شديده وهي اللي تعمل كده .
وانا راجع عديت علي بريدجستون فرع صلاح سالم قولت اراجع الزاويا والترصيص وضغط العجل الفني طلب مني اطلعها علي الرافعه وقالي بتحس بايه حكيتله الموضوع نزل بص عالعجل وقالي العجل ده صلاحيته منتهيه ؟؟؟
طلبت منه توضيح اكتر قالي العجل انتاج ٢٠١١ ومر عليه اكتر من ٤ سنين وهو ده سبب كل المشاكل وانه مبينصحش بعمل اي شيء من زوايا وترصيص الا بعد تغيير العجل وبصراحه هو محسسنيش اني مجبر اغير عنده او انه بيعمل شغل عليا وفهمني ان ده من بروتكول الشغل عندهم طالما العجل منتهي صلاحيته مش بيشتغل فيه ونصحني بتغييره في اقرب وقت وعدم السفر عليه وقالي انه ممكن يظبط زوايا ويرصص وياخد فلوس بس كل ده هيبقي في الفاضي عشان مشكله انتهاء صلاحيه العجل مع ان العجل جديد وبنقشته بدون تاكل او تششققات ولا خوابير وعمره ما اتفك ولا ريح من ساعه شراء العربيه.
هل الكلام ده منطقي وده سبب المشاكل اللي انا حاسس بيها وهل لو غيرت العجل دلوقتي المشكله هتتحل ولا في حد ليه راي تاني .. وهل لو انا رحت لاي ورشه عاديه كان قالي الكلام ده ولا كان دور عالعيب فعلا وعمله.
اسف لو طولت عليكوا بس كان لازم اشرح الموضوع بالتفصيل عشان يبقي كل شيء واضح.

**Abo_Mazen** · 25-07-2015 11:59 AM

كلام بتاع الزوايا صح ...

بخصوص إن نقشة العجل لسه كويسه وسليمة ..دي ملهاش أي علاقة بالعمر الإفتراضي بتاع العجل

الكاوتش مع الوقت ولما يقدم بيتحلل ..

عاوز تشوف الكاوتش ده على حقيقته

فضي العجلة خالص من الهوا ..وحطها على جنبها ..وخلي حد يقف عليها وهي مفسيه طبعا ..وشوف بقى يا ريس التنميل اللي في الكاوتش عندك

الكاوتش مفيهوش هزار أو تأجيل ..عدى عليه وقته ..يبقى يتغير

غيره إتنين في إتنين ..مش لازم الأربعه مره واحده يعني

**abokoko** · 25-07-2015 01:46 PM

الكاوتش المنتهى خطر و لازم يتغير
لكن
صلاحية الكاوتش من 4 الى خمس سنوات
و متوسط 50 الف كيلو
ايهما اقل

لو سالت الناس العادية اللى مش بتتابع المنتديات
ولو سالت السواقين
ولو سالت الناس الغلابة اللى معاهم عربيات على قدها

هيقولوا لك نغير الكاوتش لما يجيب اخره
يعنى لما النقشة تروح
او لما يبقي عايز يتزود كل كام يوم
او لما يشقق بصورة واضحة جدا

انما احنا اللى بنتابع ونقرا ونسال
بيقي عندنا نوع من الوسوسة
علشان كده بنغير فى الميعاد وقبل الميعاد كمان

رايي
كان لازم يرصص ويظبط زوايا
وحضرتك كنت اصريت على كده

**Abo_Mazen** · 25-07-2015 01:56 PM

المشاركة الأصلية كتبت بواسطة abokoko

الكاوتش المنتهى خطر و لازم يتغير
لكن
صلاحية الكاوتش من 4 الى خمس سنوات
و متوسط 50 الف كيلو
ايهما اقل

لو سالت الناس العادية اللى مش بتتابع المنتديات
ولو سالت السواقين
ولو سالت الناس الغلابة اللى معاهم عربيات على قدها

هيقولوا لك نغير الكاوتش لما يجيب اخره
يعنى لما النقشة تروح
او لما يبقي عايز يتزود كل كام يوم
او لما يشقق بصورة واضحة جدا

انما احنا اللى بنتابع ونقرا ونسال
بيقي عندنا نوع من الوسوسة
علشان كده بنغير فى الميعاد وقبل الميعاد كمان

رايي
كان لازم يرصص ويظبط زوايا
وحضرتك كنت اصريت على كده

يا بيه اللي عامل الموضوع وبيسأل على الكاوتش هنا من النوع اللي بيسافر بالعربية ..كلام حضرتك ده زي ما قلت كده ..نطبقه على الناس الغلابه والسواقين ..يعني اللي مش بيسافروا بعربياتهم كتير ..إنما الراجل ده بيسافر وبيكون معاه ناس كمان ..يعني العربية بتكون محمله ..عشان كده أنا قلتله يغير علطول ..حضرتك عارف إن الكاوتش فعلا من الحاجات اللي مش ممكن تتحمل إحتمالين ..

**خالد عادل** · 25-07-2015 02:02 PM

الغرض من الموضوع ان هل فعلا انتهاء صلاحيه الكاوتش يؤثر علي اتزان وثبات العربيه ويخليني احس بكل المشاكل دي فعلا وسعتها التغيير حتمي ومهم. ولا ده شىء مثالي من توكيل بريدجستون وهم بيشتغلوا بمعايير ثابته وهيخلوني اغير عجل ب٣٠٠٠ جنيه وهتفضل المشكله زي ما هي ويطلع شيء تاني

**abokoko** · 25-07-2015 02:13 PM

انت هتغيير بعد 4 سنوات من تاريخ الانتاج اللى على الفردة او لو فى تشقق فى الكاوتش منمل يعنى

اعتقد صلاحية الكاوتش لا تؤثر على الاتزان والثيات
صلاحية الكاوتش ممكن تؤثر على مسافة الفرملة
ممكن تبقي خطر وتنفجر
ممكن تتزحلق وتفقد الاتزان بسهولة فى الرمال المياه الزيت

ده اللى اعرفه و الله اعلم
وعلشان كده قلت كان لازم تصر على الضبطللزوايا و الترصيص
لحين تغيير الاطارات

**abokoko** · 25-07-2015 02:26 PM

المشاركة الأصلية كتبت بواسطة abo_mazen

يا بيه اللي عامل الموضوع وبيسأل على الكاوتش هنا من النوع اللي بيسافر بالعربية ..كلام حضرتك ده زي ما قلت كده ..نطبقه على الناس الغلابه والسواقين ..يعني اللي مش بيسافروا بعربياتهم كتير ..إنما الراجل ده بيسافر وبيكون معاه ناس كمان ..يعني العربية بتكون محمله ..عشان كده أنا قلتله يغير علطول ..حضرتك عارف إن الكاوتش فعلا من الحاجات اللي مش ممكن تتحمل إحتمالين ..

المشاركة الأصلية كتبت بواسطة abo_mazen

يا بيه اللي عامل الموضوع وبيسأل على الكاوتش هنا من النوع اللي بيسافر بالعربية ..كلام حضرتك ده زي ما قلت كده ..نطبقه على الناس الغلابه والسواقين ..يعني اللي مش بيسافروا بعربياتهم كتير ..إنما الراجل ده بيسافر وبيكون معاه ناس كمان ..يعني العربية بتكون محمله ..عشان كده أنا قلتله يغير علطول ..حضرتك عارف إن الكاوتش فعلا من الحاجات اللي مش ممكن تتحمل إحتمالين ..

كلامى كان لتطمينه وازالة رعب كلام اللى موجود ببردجستون

وانا قلت له اننا اللى بنتابع المنتديات لنغيير قبل الميعاد علشان نتجنب الوسوسه

من وجهة نظرى
مشكلته
عفشة

((((( سفرت بيها اسكندريه في العيد طبعا احساس مرعب من عدم الثبات طول الطريق خصوصا عند زياده السرعه واي عربيه صغيره تعدي من جنبي بحس بخلحله الهوا كان اتوبيس كبير معدي من جنبي والاحساس ده كل اللي في العربيه معايا حاسيين بيه وطبعا نفس الاحساس وانا راجع لدرجه اني لو سبت الدركسيون العربيه بتحرف مني جامد في الطريق . )))
ممكن يكون جلب مقصات او عفشة مش متربطة او ظبط زوايا

فى الحالة دى يحل مشكلة العفشة
وبعدين يغيير الاطارات

**Abo_Mazen** · 25-07-2015 02:28 PM

أنا كان عندي الكاوتش بقاله 9 سنين ..ومكنتش أعرف ..إكتشفت الموضوع ده صدفه لما كنت بلحم فردة كاوتش وبتاع الكاوتش قالي الكاوتش عندك ضايع

على فكره ..النقشة عندي كانت إيه ..بيتحشر فيها حصو من كتر ما هي عميقة

كان عندي رعشة بعد ال 100 ..مش عارفلها سبب ..وكانت عندي حدفه شمال مكانتش عاوزه تروح

غيرت الكاوتش ..الدنيا رااااااااااقت

**abokoko** · 25-07-2015 02:42 PM

افتكرت حاجة
المرة اللى فاتت كنت ناوى اغير 2 بس
لقيت فردة ضاربة سلكة
وكانت هى اللى عاملة حدفة

الفردة ممكن تكون ضاربة سلك على خفيف و متبنش كويس

**خالد عادل** · 25-07-2015 02:46 PM

المحير في الموضوع اني لسه عامل صيانه في التوكيل ولو في حاجه في العفشه كانوا قالولي وبعديها الامور كانت تمام الا ان فضيت العجل ومليته نيتروجين وكذلك في التوكيل محدش قالي حاجه عن موضوع صلاحيه الكاوتش ( ولا ده مش اختصاصهم) .. واذكر اني في اول ما اشتريت العربيه حصل عندي مشكله في الثبات مشابهه بس مش بنفس الدرجه وفي التوكيل قالولي العجل كان محتاج يتبدل جابوا اللي ورا قدام واللي قدام ورا والمشكله ساعتها اتحلت .. فممكن يكون ده ليه علاقه

الموضوع: صلاحيه الاطارات

LinkBack

أدوات الموضوع

عرض

صلاحيه الاطارات - انشر الموضوع فى :

-

-

-

-

-

-

-

-

-

المواضيع المتشابهه

صلاحيه الكاوتش؟

احدث تكنولوجيا في خدمة الاطارات و امان الاطارات

هل الزيت ليه صلاحيه ؟

مده صلاحيه الطفايه

الكلمات الدلالية لهذا الموضوع

المفضلات

المفضلات

ضوابط المشاركة