مشكلة في دبرياج النوبيرا ارجو المساعدة

**meno2000** · 25-07-2015 06:50 PM

السلام عليكم و كل عام و حضراتكم بخير
انا عربيتي نوبيرا 2 موديل 2000 اوروبي
المشكلة ان دواسة الدبرياج بتسقط لتحت لما اسوق كتير و اشغل التكيف المهم رحت لميكانيكي قالي هحشيلك الماستر الامامي ( عند الريداتير ) و خد مني 75 جنيه
بعدها فضلت نفس المشكلة روحتله تاني قالي ممكن تكون مشكلة ديسك او اسطوانه هحل الدبرياج و قولك
المهم معجبنيش كلامه فروحت لميكانيكي تاني قالي لازم تغير الماسترين الامامي و الخلفي ( عند صدر العربية )
فانا مش عارف اصدق مين و اعما ايه علشان اتاكد ان العيب من المساتر و لا من الديسك او الااسطوانه
فياريت تفيدوني ضروري حوار المساتر تكلفته مش كبيرة لكن طقم الدبرياج مصيبة
و شكرا لحسن تعاونكم

**mrdabo** · 25-07-2015 10:25 PM

اتمنى حد يفيدك
بس أن كنت عايز اسئل على النوبيرا الاوروبى فى اختلاف فى قطع الغيار عن النوبيرا المصرى وقطع الغيار متوفره ولا

**meno2000** · 26-07-2015 07:26 PM

ما شاء الله العربية الاوروبي افضل كتير ماتورها 1500 سي سي لكن عزمها احسن من المصري بالاضافة الى التقفيل تكييف تلاجة و تاتش تحكم في التارة و جنوط اصلية معاها و غيره كتير
اما قطع الغيار متوفرة و اللي مش موجود بتجيبه استعمال خارج او بتاع الاوبترا بيركب عليها