الموضوع: مش عارف اعمل ايه فى موقف ترخيص السيارة

السلام عليكم ورحمه الله وبركاته
بعت سيارتى القديمة وقدمت على شراء سيارة تقسيط عن طربق بنك وليس عن طريق توكيل سيارات
المهم
ذهبت للبنك وعرفت تفاصيل التقسيط وطلب منى عرض اسعار السيارة التى ارغب بها
ذهبت لتوكيل السيارة وطلبت منه عرض للسيارة التى اخترتها السيارة ثمنها 79500 جنيه
قال لى التوكيل هدفع 13500 جنيه قبل اعطائى عرض سعر السيارة اللى هيكون ب 66000 الف جنيه
المهم دفعت 13500 جنيه واخذت عرض السعر من التوكيل وذهبت للبنك واعطانى خطاب تعهد من قبل فى سداد قيمه السيارة نقدا وقدرها 66000 جنيه بعد موافاه البنك بالبيانات التالية
صورة من رخصه السيارة باسمى
اصل تعهد البنك الذى على ضوئه سلمنى التوكيل السيارة
اصل فاتورة بيع السيارة
بالفعل اخذت تعهد البنك وسلمته للتوكيل والتوكيل سلمنى السيارة بعد ان وقعت له على قرار بأستلام السيارة
المشكلة هنا حتى الان لم بحضر معى مندوب من توكيل السيارة لفحص السيارة واستخراج رخصه بأسمى فى المرور التابع له
بالامس ذهبت للمرور التابع له عنوانى فى انتظار مندوب توكيل السيارة بعد تربيطات معه حتى لا يتأخر وجلست فى المرور من سبعه صباحا حتى 11 صباحا والبيه مندوب التوكيل موبايلة مغلق وانا بغلى اخذت السيارة وذهب الى التوكيل وانتظرت حتى جاءوا الموظفين واخبرتهم باللى حصل
اخبرونى ان المندوب ذهب الى المستشفى وده ظرف اضرارى ومش عارف الموضوع صح ام خطا ام تسكين لى
المهم اخبرتهم انا عايز ارخص واصبح معى سيارة بدون نمر وانا معرض انى اقف فى كمين مرور وانا ليس معى اوراق السيارة الا قرار بالاستلام فقط فيه بيانات السيارة ومختوم من التوكيل
اخبرونى بيس لديهم مندوب الان للذهاب معى لانهاء اجراءات الترخيص لان مهم لهم ان يأخذوا صور من الرخصه لان من غيرها لن يستلموا ثمن السيارة من البنك
قالوا لى اذا انت عايز ترخص خذ الورق وروح رخص بنفسك بس امضى لنا على ايصال امانه بقيمه السيارة وبعد ماترخص السيارة اخضر لنا صوره من من الرخصه واستلم ايصال الامانه اللى انت مضيت عليه
طبعا انا رفضت واخبرتهم انى منتظر المندوب اللى سوف ترسلوه معى بكره بعده
التوكيل منتظر صوره من الرخصه بأسمى لاستكمال الورق الخاص لاستلام قيمه السيارة من البنك
وانا منتظر مندوب التوكيل الذى معه ورق السيارة لاستكمال استخراج الرخصه
واصبحت الان مستلم السيارة وورقها فى حوزه التوكيل ومش عارف اتحرك بالسيارة بدون ورق
مش عارف اعمل اية دلونى

أنا أصلا مش عارف إزاي التوكيل يقولك روح رخص إنت وإبقى تعالى خد وصل الأمانة اللي إنت كاتبه

ده لازم مندوب من التوكيل يطلع معاك عشان يحضر الترخيص بنفسه عشان يتأكد إن الرخصه هيتحط عليها كلمة حظر بيع لصالح بنك كذا وإن إنت ما ترخصش أكتر من سنة ...

بس على فكره ..عادي جدا ..أقولك بقى على حاجه ..إشتغل في الأزرق ..روح المرور ..ورخص ..ما هو الورق المفروض معاك ..روح المرور ورخص ..وبكده ياريس الرخصه مش هينزل عليها حظر بيع !!!!!!...تصدق بقى ..ورخص تلات سنين كمان ..ولما ترجع إبقى خد الوصل بتاعك منهم ..عارف لو الوكيل ما رديش يديك الوصل ..هو اللي خسران المغفل..لإنك بمنتهى البساطه ممكن تبيع العربية تاني يوم وترمي للبنك فلوسه في وشه ..أنا بتخيل معاك الموقف ...إن التوكيل مش هيرضى يديك الوصل ...ده البنك أصلا لو عرف إن التوكيل بيعمل معاك كده هيخرب بيت التوكيل ..لإنك لو جبت للتوكيل الرخصه مش نازل عليها حظر بيع لصالح بنك كذا ..التوكيل مش هيعرف ياخد فلوسه من البنك ..وعشان كده هو عايز يكتبك وصل أمانه

بس غريبة حكاية إن التوكيل ما يبعتش معاك مندوب !!!!!

ده العربيات القسط بالذات لازم المندوب يروح عشان ينزلك الحظر على الرخصه وعشان ما ترخصش أكتر من سنه ..