الموضوع: محتاج أستشارة ضروري جدا في اعادة رش العربية

سلام عليكم يا جميع فانز الهيونداي . هقول طلبي الأول وتقترحوا عليا أعمل اية وبعد كدة هحكي قصة الطلب دة علشان مضيعش وقت حد في القراية
عربيتي هيونداي جيتز وانا بفكر أعيد رش العربية تاني , هيا لسة راشة من 8 شهور تقريبا , أعادة الشر للأسباب المكتوبة في القصة تحت , بس سؤالي هلتنصحوني ارشها ولا لأ علشان هيبقي متعب والكواليتي ممكن متطلعش كويسة , ويا ريت لو حد ممكن يبقي عندة تصور مبدئي للأسعار علما بأني هرش العربية كلها بالقوايم بالسقف , وأنا غالبا ان شاء الله ناوي عليورشة نايل موتورز بعد ترشيحات ناس كتير .

الحكاية بقي :d
انا دلوقتي من حوالي 10 شهور تقريبا ربنا ابتلاني أن شجرة وقعت علي عربيتي, الشجرة مش كبيرة قوي الحمد لله بس وقعت في أماكن حساسة جدا في العربية ف للأسف طبقت جزء صغير من السقف وحملت علي القوايم جامد فعملت فيهم خبطات لازم تتصلح لما رحت عشان أعملهم للأسف مكانش عندي معرفة بسمكري كويس ولا حد بتاع دهان كويس واعتمدت علي نصيحة واحد صاحبي , المهم علشان مطولش عليكم الشخص اللي عمل العربية ألي حد كبير طلع غير محترف وأنا حاولت أتقبل الشغل علشان محرجش صاحبي وقلت خلاص مش مشكلة .
لكن لما رجعت البيت أكتشفت مدي سوء حالة الدهان ان فية منة جزء كبير محبب وجزء في السقف مسيل بس مكانش باين , وان اصلا البية مستخدمش الكود بتاع الدهان ودهن لون تاني افتح شوية ف حول العربية من شامبين ل دهبي صريح .
انا رحت لة ومسكتش وكانت المعاملة الحلوة اللي متأخدش منها حق ولا باطل , ورد ب أنة معلش انا مشغول دلوقثي وانت تجيلي في أي وقت ودي ورشتك وطبعا كلة أكراما لصاحبي ,
نهاية انا استعوضت ربنا في الموضوع كلة علشان محرجش صاحبي أكتر من كدة , وانا اصلا مش عاجبني الدهان ولا تقفيل العربية كدة كدة ف قلت خلاص لو هعملها هعملها برة .
انا عارف أن ناس كتير ممكن تلومني علي فكرة رش السقف والقوايم , لكن العربية فعلا كان شكلها مش هينفع وانا عموما معايا صور للعربية بعد موضوع الشجرة وباين منة الأصابات في حتت بعينها ف مستحيل تبقي مقلوبة وكدة لو في حالة البيع يعني .
الخلاصة أنا دلوقتي عاوز أجدد العربية وأجليها شكلها اظرف ف هل تنصحوا بأعادة الرش , وهل هينفع اصلا ولا لأ نظرا لأن معداش وقت كبير علي الرش اللي فات ؟؟؟

عادي ينفع الرش