دفع الهوا ضعييف

**el_lol_007** · 28-07-2015 05:03 PM

السلام عليكم و رحمه الله
من فضلكم عندى مشكله مدوخانى
انا عربيتي التكييف بتاعها مشحون و مش بيسرب و تبريده زى الفل المشكله كلها فى الهوا ضعيف و مكتوم
انا معنديش فلتر و التلاجه نضيفة و زى الفل
فكت البلاور و شغلته لوحده الهوا اللى طالع منه قوى جدا جدا جدا
اركبه مكانه الاقي الهوا اندفاعه ضعيف من كل الفتحات و حتى على الرجلين او على الازار ضعيف
لما بحول التكييف من ساقع لسخن الهوا بيقل اكتر ارجعه تانى للبارد يزيد بس برضو مكتوم
و غلبني معاه و يا ريت لو حد يقدر يساعدنى

ملحوظه انا اللى بعمل شغل عربيتي بايدي وعندى معلومات مش بطاله عن التكييف
وشكرا مقدما ليكم جميعا و كل عام و حضراتكم بخير

**mazen56** · 28-07-2015 06:38 PM

في الغالب خراطيم اللي وراء التابلوة اللي موصلة من الثلاجة لفتحات التابلوة مسدودة

**kaza** · 28-07-2015 07:13 PM

شوف مقاومة مروحة البلوور واللي بتتحكم في سرعتة في الغالب هتلاقيها بايظة ومحتاجة تغيير

**mbx4e** · 28-07-2015 09:53 PM

لو كله سليم زي مابتقول راجع دكت الهوا او مجاري الهوا وقلابات البوابات شغاله بشكل سليم ولا لا انت كدا عند مشكله في المكنيزم او في الوحده الداخليه اللي بتتحكم فب سير الهوا ومن ضمنهم البلاور والموتور

**mbx4e** · 28-07-2015 10:02 PM

مجاري الهوا والقلابات سليمه المكنيزم بتاع توجيه الهوا سليم ولا ومحكوم لو سليم يبقى عيب الموتور وش

**engmesk3** · 29-07-2015 10:45 AM

بص يا باشا .. انا برجح ان الهيتر (اللي زي التلاجة بس بتاع السخن وده بيكون مرحلة بعد التلاجة علي طول) الريش بتاعته مقفولة .. او عاوز يتنظف كويس .. انا بفكر عندي اشوفه بس لسه ما اخدتش القرار .. شوف يا باشا ورد علينا

**el_lol_007** · 25-08-2015 12:22 PM

شكرا لحضراتكم جميعا تم حل 80% من المشكله بتغيير كتاوت المروحه اللى فى علبه الفيوزات

**mbx4e** · 28-08-2015 04:00 PM

شكرا للمتابعه وكشف حل المشكله
بس ليه ٨٠٪بس بناء على ايه؟
وانت بتقول جربتها برا الوحده ازاي ركبتها على وصله خارجيه مباشره ولا فكتها وجربتها على توصيلاتها الاساسيه الي كانت راكبه عليها
ممكن تجرب تغيير المقاومه وتشوف في فرق في الاداء؟

**mbx4e** · 28-08-2015 04:03 PM

لو مافيش فرق هاتحتاج تشوف هل في تسريب او عدم احكام في مجاري الهوا ومنظومة التوجيه والتحكم في مسار الهوا غالبت بتبقى على اسلاك او وايرات وتروس بلاستك او تحكم كهربا بالفاكيوم عن طريق سلونيد