الموضوع: عاوز دكتور أنف وأذن فاهم في إصابات الغطاسين

العلاج بحسب الحالة المسببة بالعلاج الدوائي، كمضادات التحسس، ومضادات الاحتقان، وبخاخات الأنف الكورتيزونية الموضعية.

وهناك جانب علاجي مهم، وهو أن يقوم المريض بضغط الهواء قسريا في الأنف، بإغلاق الأنف باليد، وضغط الهواء بزفير قسري لداخل الأنف، حتى يحس بدخول الهواء بعدها إلى الأذن، وبعدها يحدث التحسن الفوري بالسمع، ويزول الإحساس بالضغط فيها، وقد يحتاج الأمر للاستمرار بهذا العلاج وهذه الحركة كل ساعة لعدة أيام حتى تمام الشفاء -بإذن الله-.

المشاركة الأصلية كتبت بواسطة marsguy

السلام عليكم ورحمة الله وبركاته،،،

أنا الأسبوع اللي فات غطست لأول مره في حياتي وخدت كورس غطس لمدة 3 أيام وغطست فيه حوالي 6 غطسات.

المشكله إن وداني الإثنين حاسس إنهم مسدودين تماماً ومش سامع كويس خالص مع إن آخر غطسه كانت يوم السبت اللي فات.

رحت لدكتور يوم الحد بالليل كشف علي بسرعه كده وقال لي إنت عندك شمع كتير هو اللي عامل المسكله دي وكتبلي نقط كده بتلين الشمع ده وقاللي تعالى نعملك غسيل أذن يوم الثلاثاء (إمبارح)

رحت إمبارح فعلاً وعملت غسيل لوداني ونزلت شمع كتير فعلاً بس لسه السمع زي ما هو بالظبط. وقلت للدكتور أنا مش حاسس بأي فرق. قال لي ما تقلقش ده بس عشان ودانك فيها ميه من الغسيل وهاتروح في خلال دقائق. قلتله يعني أستنى بره ولا أمشي؟ قال لا روح عادي.

لحد العصر أهو ولسه وداني مسدوده تماماً

أنا كان حصلي موضوع مشابه بسبب العوم من خمس سنين بس لما غسلت وداني الموضوع إتحسن تماماً في ساعتها.

أنا دلوقت عاوز أروح لدكتور بس يكون فاهم في إصابات الغطاسين مش دكتور أنف وأذن عادي.

حد يعرف دكتور كده في القاهره؟

شكراً

يا باشا ولا يهمك
ده بيحصل عادى فى بدايه الغطس , بتكون طبله الأذن لسه مبقتش مرنه كمان أنت ممكن تكون أتعرضت تيار هوا لما خلصت الغطسه
الموضوع ده حصل معايا و قعد حوالى 10 أيام و وقتها روحت للدكتور و كتبلى يخاخه أوترفين 3 مرات فى اليوم و أقراص كليرست قرص واحد كل يوم لمده أسبوع

أن شاء الله أقصاها 10 أيام أو أسبوعين و الموضوع كله ينتهى و مش حيتكرر تانى
يعنى لو غطست بعد كده مش حيجيلك الموضوع ده

امضغ لبان كتير ده بسبب فروق الضغط وحرك فكك

فيه دكتور متخصص في الامراض اللي بتصيب الغطاسين موجود في مصر الجديده اسمه دكتور هاني خليل، اول يمين من ميدان تيريومف وانت طالع على كوبري الجلاء , هاتلاقيه معلق يافطه مكتوب عليها طب اعماق