يا أستاذ تنبولي أنا كان عندي 131 موديل 82 - و هبلت شوية في الإستهلاك... جبتلهة كربرتور جديد على الزيرو اوريجنال و الدنيا بقت فلة العربية 1600 و استهلاكها 1 لتر = 15 كيلو في الطوالي :)) - ممكن حضرتك تعمل الاحسن و هو انك تروح لميكانيكي ممتاز و هو يشوف لو العربية إنجكشن الفواني تتنضف و فلتر البنزين يتغير و معه فلتر الهوى... لو كربرتور يتنضف و يتزبط أو لو حتى محتاج تغيير يا ريت حضرتك متستخسرش فيه... ده جزء حساس من منظومة الحرق في العربية و بيأثر تأثر مباشر على العزم و السحب و أساسي يا جميل إستهلاك البنزين! و متنسش إن عربية حضرتك خدمات برضه... احنا دلوقتي داخلين في 15 سنة أشغال شقة في شوارعنا الجميلة. لو تقدر تعملها صيانة شاملة يكون أحسن... سيور و زيوت و فلاتر و بوجيهات، و لو كل شهر تصلح حاجة هتكون معك في غضون كام شهر اتومبيل واقف على حيله. لو تقدر تغسل تنك البنزين و تغير الخراطيم بتاعته يكون أفضل عشان بتكون جزئياً إتسدت بالرواسب. و ابقى طمنا عملت إيه؟ أخوك أحمد سامي
المفضلات