مطلوب المشورة في بيجو ٣٠١ يارجالة البيجو

**matrux** · 02-08-2015 11:24 PM

يارجالة البيجو ايه رأيكو في ال ٣٠١ عشان العربية عجباني اوي بس انا شوفت كذا واحد بيشتكي منها هل فيها عيب ؟؟؟
ياريت تشيروني في الموضوع ده

وشكرا

**hugan** · 02-08-2015 11:25 PM

ابعد عنها
بناء علي تجارب اعضاء

**matrux** · 03-08-2015 03:43 AM

طب يا دكتور مروان حضرتك من ملاك العربية ؟ ياريت تقولى ملاحظاتك عليها
المشكلة ان زى ما استاذ هوجان بيقول ان فية ملاك ليها اشتكو سواء من الفرامل او تيل الفرامل او الفتيس
ومع كدة بشوفها بتنتشر
وفعلا انا عملت مقارنة ما بين قطع غيارها والاكسنت لقيت الفرق مش كبير وفية حاجات اغلى فى البيجو وحاجات ارخص
ياريت تقولى انطباعك الكامل عنها وياترى هى مشيت معاك كام كيلو دلوقتى؟

وشكرا

**Ashraf Fawzy** · 03-08-2015 04:36 AM

كفاية توكيلها و الحوادث اللى اتعرض ليها بعض من ملاك العربية بسبب إهمال التوكيل و تقصيره فى إصلاح المشاكل اللى قابلتهم قبل تعرضهم لحوادث, و ادخل على صفحة بيجو مصر و شوف كمية شكاوى ملاك العربيات البيجو بإختلاف الموديلات سواء 301 أو 508 أو 308 من مشاكل قابلتهم فى الفتيس و فى الفرامل و تيل الفرامل و قطع الغيار و إسلوب تعامل التوكيل معاهم ... ربنا يوفق حضرتك لحسن الإختيار.

**temo2004** · 03-08-2015 10:26 AM

د مروان و استاذ اشرف الاتنين كلامهم مظبوط لان فيه ناس الحمد لله العربية ماشية معاهم كويس حتى التيل اللي بيخلص بسرعة تلاقيه كويس معاهم واعرف ناس كتير كده شخصيا وفيه عدد كبير انا منهم التيل بيخلص على 10000كم التوكيل مرة يبقى كويس مع الناس ومرة لا
اقرا هتلاقي مواضيع كتير لناس عايزة تشتري العربية وبتسأل شوف اراء الناس
انا لما جيت اشتري شوفت كذا واحد معاه العربية وسألتهم مباشرة وقعدت فيها وجربتها
حاول تعمل كده اقرا اراء الناس وشوف ناس معاها العربية وجربها واستخير ربنا وان شاء الله يهديك للي فيه الخير

**matrux** · 03-08-2015 12:03 PM

يعني ده معناه ان العربيه بطيخة لاتطلع حمرا يا قرعه !!؟؟؟
المشكلة اني سألت واحد معرفة معاه العربيه قالي انها ممتازة وركبتها ومشاء الله حاجة محترمة
طب سؤال تاني انا من المنصورة هل فيه مركز صيانة معتمد لبيجو في المنصورة!؟؟؟
وترشحولي البيجو ٣٠١ ولا الهيونداي اكسنت ؟؟

**matrux** · 03-08-2015 12:47 PM

انا قريت موضوعك يا استاذ اشرف
ياتري في الاخر ايه اللي حصل ؟؟؟

**volociximab** · 03-08-2015 06:18 PM

اكسنت لو كنت مكانك

**د.مروان راغب** · 03-08-2015 10:46 PM

اولا انا مشيت بيها حوالى 1000 كم و بالتالى مش كافى للتقييم الكامل لكن مبدئيا سحبها و ثباتها و فراملها و ارتفاعها عن الارض(مع المطبات) ممتازين جدا.
ثانيا:انا بستغرب على دخول الاكسنت فى المقارنة اصلا،الاكسنت افضل موتور فى فئتها اينعم بس باقى العربية لا ترقى للمقارنة بالمنافسين،و مش معنى ان غبور جشع و بيعلى اسعار عربياته دون مبرر منطقى لدرجة ان اللانسر اللى كانت بتتقارن بالالنترا (و غالبا كانت بتكون افضل) النهاردة فى نفس الفئة السعرية بتاعة الاكسنت يبقى فى حاجة غلط و لازم المور توضع فى نصابها الصحيح.
الفئة السعرية دى(من 120 الى 140) افضل السيارات بها كسعر مقابل القيمة (من وجهة نظرى):
301-لوجان-لانسر شارك-و سوزوكى سياز ما زالت تحت التجربة.
و كل عربية فى دول لها ما لها و عليها ما عليها.
موضوع الفرامل:لو دخلت على صفحة هيونداى هتلاقى ناس اشتكت من فرامل rb و النترا كمان وصلت للتعرض لحوادث و برضه منهم من اشتكى من سوء تعامل التوكيل،لا تنسى ان 301 باعت حوالى 10000 سيارة فى مصر فى سنتين و نصف فقط و طبيعى يحدث مشاكل مع الانتاج السريع.(دى حظوظ).