الموضوع: عاوز مقارنة فى عربية مستعملة موديل التمانينات

البولونيز عربية جميلة. مشكة وحيدة في نظري. الموتور كامة سفلية. وصعب صيانته. ممكن تكون مش مشكلة عند ناس كتير. بس الكامة العلوية أسهل في الصيانة وأفضل في الأداء.

كل عربية وليها مميزات وعيوب واستحالة الواحد يجيب عربية كلها مميزات
بس انا وقع اختيارى على النوعين دول
127 موفرة فى البنزين عن البولونيز لكن التانية عزم اقوى
127 كبالن التانية كرونة وافضل بالنسبة للطرق بتاعتنا

بس انا خايف من البولونيز لقلة الرغبة فيها وصعوبة فى البيع وسخونة الموتور فى فصل الصيف

اعتقادي الشخصي البولونيز ممكن تبقي مشاكلها أكتر من ال 127 لصعوبة ميكانيكتها شوية , ومش كل الناس بتفهم فيها اوي زي ال 127 , ولأنها أقل , ف مش مضمون تلاقي واحدة حالتها نضيفة قوي , لكن ال 127 ظريفة وصغيرة وعلي قد الأيد , وقطع غيارها موجودة ومنتشرة زي الرز واي حد يفهم فيها وأعتقد ممكن تلاقي منها كام حاجة نضيفة ,
وربنا يكرمك

لو بولونيز هات الموتور ال 1600 سى سى و ابعد عن ال 1500 لانه بيضرب وش سلندر كتير

مفيش مقارنة من ناحية المتانة بين ال 127 و البولونيز.....البولونيز اشبه بالنصف نقل.....متينة جدا يعنى

برضه مفيش مقارنة من ناحية السعة.....ممكن تلاتة يقعدو قدام .....و بالعافية جدا جدا ممكن يقعدو فى لانوس او فيرنا...... فما بالك بال 127