الموضوع: كبالن بيجو 305

لو سمحتوا انا قريت الموضوع ده و كنت عايز حد يوضحلى اكتر ايه الى صاحب الموضوع عمله فى الكبالن بالظبط ؟ عشان عندى مشكلة فى الكبالن و عايز اجرب الموضوع ده
"انا كان معايا 305 زمان عملت فيها تعديلات ومنها اني غيرت سلك الدبرياش بهيدروليك بتاع هيونداي تقريبا اكسنت وطبعا برضوا في مشكلة المقصات والكبالن
بالنسبة للمقصات بتجيب حشو للمقصات بتاع مرسيدس او شيفروليه الدبابة وتركبهم على المكبس او باي طريقة وتنسى المقصات تماما
الكبالن
بتعدل راس الكبالن من الجهة الخارجية من الشكل العادي للشكل المشرشر وتركب عليه راس تيوتا او هيونداي لازم تبقى عارف الراس قبل ما تخرط الكوبلن عشان عدد السنان يفرق
بتقص حرف الطبق وتلحمه مع الجزء المشرشر اللي اللي بيخش في البلية ودسك الفرامل (الطمبورة ) وتدعيلي
بالنسبة لعصاية الفيتيس الل كل شوية بتقع وتفصل بكل بساطة بتتغير بواحدة جديدة تمنها حوالي 80 - 100 ج
وتتاكد من حشو العصاية وتملاع سيليكون او تعمله جلبه كاوتش
بالنسبة للميزان اللي قدام دايما الحشوة اللي في الجزء الثابت بتخلص بسرعة وتبوظ الاتزان
بتجيب حشوة مشابههة بتاعة ميكروباص التيوتا ونعدلها بسيط بتركب وتنساها
الميزان نفسه راكب بمسامير دايما بتحلق في الشاسيه بمسكة نص دايرة بكل بساطه بندخل في الفتحات اللي حالقه مسمار بسن من النحيتين وبنطة لحام يثبت وبدل ما تربط بالمسمار ها تربط بالصامولة من برة وها تبقى ثابته زلط
بالنسبة لحرارة في الزحمة حلين :
1 بتجيب من االوكالة اومن عند سوسو مروحة مكنة بتاعت 504 فيها ريش اكتر وتزود التبريد
2 بتغير المروحة بمروحة كهرباء شاهين او ياباني وتخلي الكهربائي يركبها بكل بساطه مع كتاوت
ودي كانت بعض التعديلات اللي انا عملتها في عربيتي القديمة 305 السبب كان عدم وجود قطع غيار او عدم وجود ميكانيكي عارف للعربية "
و شكرا مقدما للجميع

الرابط

http://www.nilemotors.net/Nile/10566-a.html