اول تقييم لعربيتى الانسر

**shaiboba** · 17-11-2008 08:29 PM

الحمد لله اشتريت لانسر 1300 مانيوال خليجى من الرواس و بقيت لانسراوى و بشكر كل الاعضاء اللى باركولى على العربية و ربنا يباركلهك عربياتهم ....
اسف على الاطالة المهم انا كنت وعدت بعمل تقييم عام للعربية
نبتدى بالبعبع بتاع اى عربية البنزين :wacko:

العربية معدل استهلاكها فى البنزين انا شايفه ممتاز انا اول ما استلمتها كانت شبه فاضية فروحت فولتها ب48 لتر و دلوقتى العربية عاملة حوالى 316 كم و مؤشر البنزين اعلى من النص بشوية. يعنى ممكن نقدر استهلاك البنزين 95% ممتاز

بالنسبة للعزل نقدر نقول انه متوسط لانى كنت سايق ميجان 2007 و كان عزلها اعلى من اللانسر يعنى نقدره ب 65 % ممتاز

الثبات بتاعها ما شاء الله حلو جدا فى السرعات انا جبت 140 و كانت ناعمة جدا و ثابتة و كنت حاسس جواها بالامان بس لو فى طرق مكسرة بحس الثبات بيقل حبة. نقدره ب 85 % ممتاز

انا كنت قريت ان اعضاء كتير بيشتكو من صوت الكوتش الحقيقة انا محسيتش بحاجة بس هجرب تانى و تالت و رابع و بعدين اقول رأى

اول امبارح كنت ماشى بيها فى طريق زراعى غير ممهد و كنت بسمع صوت تخبيط زلط من تحت العربية كان مضايقنى جدا لدرجة انى وقفت لان ودانى كانت بتوجعنى جدا مش عارف ايه ده

التقييم اللى جوه العربية
اول ما استلمتها قولت اتمشى بيها شوية . مشيت بيها حوالى ساعتين فلقيت ان الكراسى بتاعتها مش مريحة لان ضهرى وجعنى من كتر الجلوس بس انا ركبت طقم فرش كراسى و ارضية بلاستك بعد ما ركبت الفرش بقى الكرسى مريييييييييييييييييييييح جدا ما شاء الله ولا بعد 3 ساعات فده حل لاى حد الكرسى مضايقه

ما شاء الله التكييف كويس بس الميجان كان افضل منه (1600 سى سى ) وانا عربيتى 1300 فيمكن ده السبب.

انا عارف ان تقييمى مش احترافى بس ده اللى قدرت انى اقدمه للمنتدى اللى بجد ساعدنى كتير جدا عامة واستاذ طارق خاصة قبل الشراء و اتمنى اكون قدرت افيدكوا

**ashraffathy75** · 17-11-2008 09:44 PM

الف مبروك يا باشا، وربنا يكفيك شرها، بس انا سؤال اشتريتها امتي وبكام علشات انا ناوي اجيب لانسر 1300 بس اوتوماتيك

**nasr-eldeen** · 17-11-2008 09:54 PM

ألف مبروك ياباشا وربنا يعطيك خيرها ويكفيك شرها 0
بس يا ريت لو تضبط ضغط الهواء داخل الإطارات لأنه بيكون مضبوط عالى جداً علشان ظروف الشحن والتخزين وما شابه علشان ميريحش .
أنا كنت مخنوق جداً من خشونة السيارة وإحساسي بأي حصى تحت الإطارات بس قدراً داخل بنزينة موبيل عند فلفة الرماية عندهم ضبط الهواء بالكمبيوتر قلت أخش وعينك متشوف إلا النور أقل إطار كان ضغطه 52بااااااااار بعد الضبط حسيت إحساس آآآآآآآآآآآآخر.
ربنا يباركلك فيها يا باشا.