السلام عليكم ورحمة الله وبركاته

أحلى سلام قبل أي كلام لرجالة قسم الهيونداي الكرام ..

بصراحه أنا أول مره أعمل موضوع في القسم ده ..وخصوصا إني معنديش عربيه هيونداي أساسا ..لكن ليه واحد صديقي عنده عربيه هيونداي فيرنا 2007 ...1500 سي سي ..


ندخل في الموضوع عشان ما نطولش ..وعشان الناس اللي مش فاضية متضعيش وقتها معايا

دي صورة المكنه بتاعة الفيرنا الــ 1500



معلش هي الصورة مش واضحه قوي بس مش هو ده المهم ..وخصوصا إن السؤال مش بخصوص الصوره اللي فوق دي ..

السؤال بقى بخصوص الصور اللي جايه دي





ودي صورة تانيه برضه لنفس المكان عشان ممكن تكون اللي فوق مش واضحه




السؤال بقى عن الصورتين اللي فوق دول ..وخصوصا المسمار اللي أنا حاطط حواليه دايره حمرا ..دلوقتي المسمار ده معدي من مسطرة الرشاشات ..ونازل سقط على جزء فيه السن اللي بيتربط فيه ...والجزء اللي فيه السن اللي بيتربط فيه زي ما واضح من الصور بيكون بلاستيك ...دلوقتي بقى السن ده إتاكل..السن اللي المسمار بيتربط فيه إتاكل ..فطبعا المسمار ما بيربطش كويس ..فطبيعي المسطرة بتاعة الرشاشات مش ثابته ..المهم إن الجزء اللي فيه السن اللي المسمار بيربط فيه راح المخرطه وإتسقط فيه سن بدكر ..بس برضه السن ده إتاكل

هل ممكن إن أنا ..والكلام هنا على الجزء اللي فيه السن واللي المسمار اللي باين في الصورة ده بيسقط عليه ..هل ممكن إن أنا أقفل الجزء ده خالص وبعدين أقوم ممشط سن تاني ..يعني أنا بتخيل مثلا زي ما بيحصل في المعادي كده ...إني أقوم مالي الخرم اللي فيه السن ده حديد ..وبعدين أقوم عامل ثقب تاني بسن جديد ..

ياريت اللي عنده فكره ما يتأخرش عليا في الرد ضروري


وياريت برضه اللي عنده أي إقتراحات أو حلول أو إفتكاسات ممكن تحل المشكلة دي