الموضوع: افيدوني يا رجاله النيو اكسنت

أنا معايا 2011 من سنتين من أكتر العربيات اللي ركبتها وحبيتها لانها اعتمادية بطريقة غير عادية لاسباب كتير
1-قطع غيار رخيصه متوفرة جدا ومعمرة جدا جدا
2-أي حد يشتغل فيها مش محتاجة متخصص زي الرينو مثلا
3-استهلاك بنزين موفر ومرضي
4-أداء وابعاد مريحة جدا في السواقه
5-صالون محترم وتقفيل محترم في فئاتها
6-عفشه حمالت اسيه
7-تكييف مرضي جدا
8-موتور رائع في فئاتها

عيوبها
1-الباور الكهربا اللي نزل من 2006-2008 في مشاكل وجهة ناس كتير
2-ثبات سيء بعد ال 160
3-بتتنطط من ورا لما تكون محمل ناس ورا وبتجري وفيه مطبات هوا لكن مش بتعوم
4-الفرامل زي جميع فئاتها في السرعة العالية مش حتسعفك لكن فالطبيعي مش وحشة

مجملا كل عربية ليها مميزات وعيوب وحضرتك تشوف إيه المناسب ليك وتقرر ومن وجهة نظري إن أكتر عيب في العربية دي ممكن يضايقك فعلا هو موضوع التنطيط ده لكن غير كده بالنسبالي العربية دي صفقة رابحة

شكرا علي الافاده يا استاذ شربيني وربنا يسهل واجيبها بس برأيك كده اجبها من غير ايرباج واي بي اس اصل الفلوس مأزمة معايا ولا ايه رايك

المشاركة الأصلية كتبت بواسطة matrux

شكرا علي الافاده يا استاذ شربيني وربنا يسهل واجيبها بس برأيك كده اجبها من غير ايرباج واي بي اس اصل الفلوس مأزمة معايا ولا ايه رايك

آسف على التأخير التقييم ده على ال
2011
والعربية دي كانت آخر موديل في فأتها ومنزلش فيها airbag أو abs لكن من أول 2012 نزل إنتاج وشكل جديد وتقييم تاني مش حقدر افتيلك فيه بصراحة