كنت سايق بالليل ومرة واحدة الناس عملوا مطب جديد عالى جدا بالرغم إنى وانا رايح مشوارى معدى على نفس الطريق ومكنش فى حاجة المهم العربية طارت فى الهواء فى خط مستقيم ونزلت عادى جدا ولا كأن فى أى حاجة الحمد لله وبسم الله ما شاء الله بصراحة كان إحساس جامد بتاع 3 ثوانى فى الهواء بس الحمد لله طبعا حاجة خطيرة جدا والحمد لله اكيد ستر ربنا يعنى لولاه بدل ما كنت استمتعت باللحظة كان زمانى فى مشكلة .. المهم لا أنا ولا والدى كنا مركبين حزام الإمان فوالدى سند بكوعه جامد بكل تقله على مسند اليد ومن بعدها بدأت احس ان المسند بيطلع صوت تزييق .. ولظروف إن دائما اللى بيركب جنبى بيكون حد كبير فى السن ووزنه كبير فيدخل العربية ويعدل جسمه وهو ساند بكل تقله على مسند اليد واللى بمرور الوقت باظ .. ملحوظة كل كلامى اللى فات على الجزء السفلى من المسند واللى بيكون واصل فى القائم من خلال قطعتين بيطلعو وينزلو معاه لما برفع المسند .. عامة الجزء السفلى ده بناء على نصيحة من حد لزقته مرة بأنبوبتين واحد سوداء وواحدة رصاصى وفضل قاعد فترة ومع وضعيه سندة وعدلة الجسم بالسند عليه فصل تانى وهو حاليا راكب بس من خلال قفلة الطرف الأمامى من الجزء العلوى من المسند زى ما هو مقفول فى صورة من الصور المرفقة ..
السؤال : هل فى حل ولا لأ .. هو المسند الجديد بالكامل فى التوكيل ب1700 جنيه .. بره التوكيل بيقول عليه اصلى فغربية تريد ب1350 أو 1250 مش فاكر ..

هل من طريقة للإصلاح أم لأ .. وجزاكم الله كل خير




















الصورة الأخيرة دى من سنتين تقريباً ساعة ما كنت بتفرج على العربية علشان اشتريها وفيها المسند سليم وباين فيها ان الجزء السفلى بيرتبط بالقايم من خلال قطعتين بيطلعوا وينزلوا لو رفعت المسند لفوق :