مؤشر البنزين

**felash** · 09-08-2015 04:06 AM

السلام عليكم
كنت لاحظت حاجة في عربيتي
مؤشر البنزين عندي بيتحرك بصورة مش طبيعية يعني كنت مسافر مسافة تقريبا 60 كم
وكنت مفول العربية
المهم وانا رايح المؤشر لم يتحرك نهائيا على الرغم من ان المطبات كتير والتكيف شغال
وانا راجع لقيت بدا يتحرك ووصل لغايه ما وصلت بيتي للشرطة اللي تحت full مباشرة
فهل ده طبيعي ولا في حاجة مخرفة في البنزين \
يا ريت ضروري تردوا عليا علشان مسافر وعاوز اعرف لو في حاجة اعملها قبل ما اسافر

**hesham fawzy h** · 09-08-2015 05:58 AM

اعتقد عوامة

**Abo_Mazen** · 09-08-2015 09:31 AM

مؤشر البنزين ما تحركش ليه ؟؟؟

لإن حضرتك لما كنت رايح مؤشر البنزين ما تحركش لإنك كنت لسه مفول ..وكانت العربيه بتحرق كل ده من البنزين اللي في الزور ..لما البنزين اللي في الزور خلص وبدأت العربية تحرق من البنزين اللي في التنك ..المؤشر بتدأ يتحرك

طيب تعمل إيه عشان تتلافى الملاحظه دي ..؟؟؟

وإنت بتفول ما تخليش عامل المحطه يفول الزور ..قوله لما المسدس يفصل ..شيله وما تخليهوش يزود عن كده ؟؟

طيب إيه المشكلة لما أفول لغاية الزور ؟؟؟

والله يا خويا إختلفت الأقاويل ..ده لسه كان في خناقة على الفيس بوك في أحد الجروبات بخصوص المشكلة دي ..التفويل لغاية الزور يتعب الطرمبة .لأ مش هيتعب الطرمبة ..التفويل لغاية الزور ما يخليش بخار البنزين يتكون وبالتالي ما يحصلش إنفجارات في الحر ..وهكذا ..يعني ممكن تدور كده ولو لقيت قول فصل في الموضوع ياريت تفيدنا