العربيه لما فتحت بالدينمو قلت مابديهاش أعمل الحاجات اللي كنت مأجلها زي الفتيس والعفشه والجديد التكييف بالمره بقي .
خلصت الفتيس والحمدلله وانا عند الراجل بتاع الفتيس سألته عن عفشجي كويس (علشان اللي كنت ماش معاه مش عارف أوصفه بأيه بس كل ما أروح عنده أقله بصلي علي العربيه وربط عفشه وعايز أعرف هي واطيه ليه من قدام وبتحك من قدام يقلي مساعدين ورا وقدام وبطاحات وكوبيات ياعم لسه الكلام ده مابقلوش سنتيين متغير بأصلي ومساعدين ياباني هي أشتغاله وبس قلت أغيره) وصفلي واحد روحت بص علي العربيه قاللي مساعدين تمام ورا وقدام بطاحات ممتازين أنت محتاج سوست قدام ونغير العلايه اللي ورا بالدرجه اللي بعدها علي طول علشان العربيه متعومش .
بصراحه كلامه دخل دماغي وقررت أتعامل معاه
طلباتك أيه ؟ قالي سوستين أمامي نوبيرا أستيراد ؟؟؟
ليه ؟
علشان الجديد بتاع اللانوس مش زي القديم ضعيف تمام روحت جبت 2 ب225 جنيه من عند حد بتاع أستيراد فكهم من جنبين عند عفشجي جمبه وسألت العفشجي ده قلتله ينفعو يركبو علي لانوس قالي أه احنا بنعمل كده دي أحسن طبعا .
كده أنا ارتحت وبدء الشغل
وهو شغال قالي البيضين بتوع المقص عايزين يتغيرو شكلهم مهلوكين دول بتوع الفبريكه مبرشمين في المقص جبت 2 كوري ctr ب 120 جنيه وخراط جه فورهم بـ 50 جنيه
ومصنعيه العفشجي 100 جنيه لو القديم كان قالي 150 بالمستريح . ده غير اللي كان عايز يلبسني فيه.....
والي لقاء بيكم مع التكييف .... بس ده ممكن يكون الصيف اللي جاي علشان أنا شطبت خلاص..