غالى و الطلب رخيص يا استاذ حسام هتروح المعادى الجديدة عند القرية الاوليمبية و قبل ماتدخل على العرب هتشوف موقف ميكروبسات و مسجد صغير على اليمين ( كانت مجمع اسواق اتحرقت من كام سنه) تسأل عن السمكرية اللى هناك فية ورشة لحام الفيبر و يرجع زى الجديد و احسن عربيتى النيسان القديمة خبتطنى من الخلف آنسة بتتعلم جديد و كسرت الاكصدام الخلفى و دخت فى مودرن موتورز الدقى و العباسية و ابو رواش الاكصدام سعره فى حدود 1000 جنية غير مصنعية التركيب بس المهم انه مكنش موجود ( طلعت مصلحة) رحت لسمكرى قال لى تعال استلمها آخر النهار و مدهونة زى الفل و لا يمكن تعرف ان الاكصدام كان مكسور لو عايز تليفونه اديهولك و ممكن حضرتك تسأل بنفسك هم كتير فى المنطقة دى سمكرة و دهان و كهربة سيارات الخ فاضل حاجة واحدة انت كاتب فى الاول يا شباب و الحقيقة انا سمحت لنفسى بالرد رغم ان سنى عدى موضوع الشباب ده
المفضلات