فضيحه تكييف بيجو 508 2015 الفيس ليفت الي فصل بعد 4800 كيلو و تعامل التوكيل المخزي

**محمود عطيه** · 12-08-2015 03:39 PM

السلام عليكم الساده المحترمين اعضاء و رواد المنتدى انا جبت العربيه دي من اقل من 3 شهور توب لاين اعلى فئه بناء على نصايحكو و كلام حضرتكو الطيب عنها لكن السمع غير المعاينه مشيت بيها 4800 كيلو بس التاكيف فصل !!!!!! وكنت راجع مع مديري و اتنين من زميلي من اكتوبر للتجمع و الراجل جالو هبوط و اغمى عليه باختصار اتفضحت . كاني راكب عربيه صيني لا والله الصيني متعملهاش. دي نص المصيبه . الكلام حصل امبارح . اتصلت بخدمه العملا بالليل و رد عليا واحد اسمو ايمن وعرفتو اني المفروض هاخد اسرتي واسافر مطروح 4 ايام وحجزت ودفعت 5000 جنيه 1200 لليوم وكنت هاصلي الفجر و اتحرك قلي ان مفيش امكنيه غير الساعه 8.30 الصبح في فرع غمره و قلي ان هايكون عندهم خبر الصبح و هيعملوها اول ما اروح و عرفتوا اني هاخد معيا امي و زوجتي و اولادي علشان اخلص و اسافر في الحال قالي ماتقلقش و انت واقف ها يعملوها على طول صدقتوا قلت المفروض ان بيجو شركه كبيره و اكيد مش ها يخدعوا عملائهم و يورطوهم . رحت النهرده الصبح ركنتها بره في الشارع لان المكان كان زحمه ومنتها الهرجله و كان في عملاء مخنوقين و بيشتكو بصوت عالي المهم دخلت وكنت متعصب وعرفتهم اني مسافر وواخد وعد من خدمه العملاء و اني ها عمل تقرير هاذكر فيه كل الي ها يتعمل معيا قابلني شاب محترم جدا اسمو هشام مش عارف مهندس و لا اداري امتص غضبي و احرجني بذوقو او دبو الزايد و نادي لمهندس التاكيف بص عليها و قلو دي لازم تدخل و قلولي انتظر 5 دقايق. بعد ربع ساعه رحت اكلم مهندس التاكيف قلي خمس دقايق تانيه بعد ربع ساعه كمان رحتلو قالي ان مفيش مكان و ان الكهربه كانت قاطعه امبارح !!!!! واداني ظهره و اتكلم مع عميل تاني رجعت لاستاذ هشام تاني صراحه الراجل مقصرش و قام معايا و حاول يكلم الفنيين عنده وغاب شويه ورجع يقلي انو ها يستلم العربيه بس مش هايشتغلوا فيها النهرده!!!!!! قلتلو ازاي ده انا واخد ميعاد و و عد منكو و اهلي في الشارع مستنيين وانا على سفر و الجو صعب و الناس بتموت من الحر غير ان دي فضيحه العربيه لسه زيرو و الاكياس عليها قالي اطلع على ابو رواش في اكتوبر!!!!!!! حسيت كاني غلطت ودخلت توكيل اسكودا الي جنبهم . رفضت طبعا اروح لحد اكتوبر في الزحمه والحر و معايا امي المريضه و زوجتي و بناتي الصغيرين علشان يبهدلوني تاني ويعملوا معيا هناك زي ما هم عملو معيا المهم اخذت عربيتي ومشيت و قلت حسبي الله و نعم الوكيل بعدها كلمت خدمه العمله وحكتلهم على الي حصل اعتذرو و قلو هانكلمك تاني كلموني بعدها و قلولي اطلع على ابو رواش رفضت و قلتلهم انتو الي خلفتو يبقى انتم الي تصرفوا و قلتلهم اقل اعتذار اقبلو ان حد يجي ياخد العربيه النهرده ويرجعهالي في نفس اليوم لاني رحت على ميعادي و هم الي خلفو مش انا رجعت كلمتهم حولوني بمهندس او فني اسمو علاء قعد يبرر ويقول ان الكهربه كانت قاطعه امبارح رديت عليه قلتلو اني كلمت زميله في خدمه العملاء 9.3 بالليل يعني بعد اما قفلوا بكتير وهو الي اداني الميعاد المهم اداني تليفونو وقلي اكلمو بعد نصف ساعه اتصلت بيه تليفونو غير متاح

صراحه انصح اي حد بيفكر يشتريها يصرف نظر ويشتري حاجه مضمونه متقرفوش كل شويه ومن ناس محترمه يعرف يتعامل معهم
للمصداقيه انا اسمي محمود محمد محمد عطيه رقم السياره (ى ب ن 829) رقم الشاسيه 9367 موبايلي 01004074288

**أحمد محمد** · 12-08-2015 05:18 PM

السلام عليكم يا أستاذ محمود

دخلت فقط لأواسيك وأقل لك لا تحزن...

الحمد لله أن المشكلة في التكييف، وإن شاء الله يكون شيء بسيط. وعندما يزول عنك الغضب تذكر ما يلي:

- كل شيء بقدر، والحمد لله أنها لم تقف بك على طريق مطروح مثلًا في هذا القيظ ومعك الأسرة بسبب عطل أكبر من هذا أو حادث نسأل الله السلامة.

- ما حدث معك لا يعني بالضرورة أن البيجو 508 سيارة ليست جيدة، بل على العكس تمامًا، فالسيارة لها قبول كبير من الناس وبالذات من ملاكها، فهي سيارة جميلة بالفعل، والفئة الأعلى منها فيها من التجهيزات ما يجعلها على درجة معتبرة من الرفاهية، وراجع الاستطلاعات في المواضيع التي في التوقيع. فما أريد أن أقوله هو أن الحالات الفردية لا يقاس عليها.

- السيارة التي معي حاليًا والتي أذهب بها إلى العمل يوميا من نوع كيا كادنزا. حدث فيها معي ما حدث معك بالضبط ولكن كنت يومها على طريق سفر في وقت الظهر في الصيف، والحرارة في الخليج في هذا الوقت كما تعلم تكون في حدود الخمسين درجة مئوية. المهم كانت المشكلة في قطعة صغيرة تم استبدالها في الضمان، ولم يتكرر الموضوع بعدها. ولو سألني أحد عن هذه السيارة لكتبت له فيها شعرًا من فرط جمالها ونعومتها وسلاستها.

- ادخل على أقسام المنتدى المختلفة، بدءًا من الصيني الذي ذكرته وانتهاءً بالألماني، وستجد شكاوى الناس لا تنقطع أيا ما كان نوع السيارة أو حالتها؛ فلست وحدك في هذا.

- أخيرًا، أقنع نفسك أن الله رزقك شيئًا قيمًا، فلا تسخط عليه مع أول عثرة. كفاك الله شر الحاسدين، وربنا يعطيك خيرها ويكفيك شرها، ولا تنس الدعاء الذي في التوقيع.

**juba8** · 12-08-2015 05:33 PM

اشتكيهم فى حمايه المستهلك

**محمود عطيه** · 12-08-2015 06:26 PM

المشاركة الأصلية كتبت بواسطة أحمد محمد

السلام عليكم يا أستاذ محمود

دخلت فقط لأواسيك وأقل لك لا تحزن...

الحمد لله أن المشكلة في التكييف، وإن شاء الله يكون شيء بسيط. وعندما يزول عنك الغضب تذكر ما يلي:

- كل شيء بقدر، والحمد لله أنها لم تقف بك على طريق مطروح مثلًا في هذا القيظ ومعك الأسرة بسبب عطل أكبر من هذا أو حادث نسأل الله السلامة.

- ما حدث معك لا يعني بالضرورة أن البيجو 508 سيارة ليست جيدة، بل على العكس تمامًا، فالسيارة لها قبول كبير من الناس وبالذات من ملاكها، فهي سيارة جميلة بالفعل، والفئة الأعلى منها فيها من التجهيزات ما يجعلها على درجة معتبرة من الرفاهية، وراجع الاستطلاعات في المواضيع التي في التوقيع. فما أريد أن أقوله هو أن الحالات الفردية لا يقاس عليها.

- السيارة التي معي حاليًا والتي أذهب بها إلى العمل يوميا من نوع كيا كادنزا. حدث فيها معي ما حدث معك بالضبط ولكن كنت يومها على طريق سفر في وقت الظهر في الصيف، والحرارة في الخليج في هذا الوقت كما تعلم تكون في حدود الخمسين درجة مئوية. المهم كانت المشكلة في قطعة صغيرة تم استبدالها في الضمان، ولم يتكرر الموضوع بعدها. ولو سألني أحد عن هذه السيارة لكتبت له فيها شعرًا من فرط جمالها ونعومتها وسلاستها.

- ادخل على أقسام المنتدى المختلفة، بدءًا من الصيني الذي ذكرته وانتهاءً بالألماني، وستجد شكاوى الناس لا تنقطع أيا ما كان نوع السيارة أو حالتها؛ فلست وحدك في هذا.

- أخيرًا، أقنع نفسك أن الله رزقك شيئًا قيمًا، فلا تسخط عليه مع أول عثرة. كفاك الله شر الحاسدين، وربنا يعطيك خيرها ويكفيك شرها، ولا تنس الدعاء الذي في التوقيع.

انا متشكر ليك يا استاذ احمد كلام حضرتك ودعواتك الطيبه فعلا واسوني كتير بس الاستهتار و عدم التقدير بتعهم يجنن اكثر الناس حلما وصبرا الي عملوا ده عيب و مفيش حد عندو كرامه يقبل بيه

**محمود عطيه** · 12-08-2015 06:34 PM

المشاركة الأصلية كتبت بواسطة juba8

اشتكيهم فى حمايه المستهلك

انا متشكر لحضرتك على النصيحه هديهم فرصه اخيره لحد بكره بعد كده هاروح حمايه المستهلك والنيابه و القضاء والاعلام و ها فضحهم في كل حته

**aymanshebl** · 12-08-2015 07:34 PM

ماتزعلش ده حال البلد و الناس اللى فيها

**demonarundo** · 12-08-2015 07:44 PM

اللى انت واجهته من التوكيل مش لانك اشتريت بيجو , ولا عشان روحت توكيل بيجو مش توكيل بي أم
سبب اللى حصلك ده انك فى مصر
لا البيجو ولا الـ 508 لهم ذنب فى اللى حصل , وطبيعى اى عربية بيحصل فيها حجات مفاجئة وتعوز تروح التوكيل وخصوصا العربيات الزيرو ياما بيظهر فيها حجات غريبة من المرسيدس للماروتى

**hugan** · 12-08-2015 07:53 PM

مصر
المستهلك ﻻيوجد له اي حقوق
ﻻئنه بيتسرق في سلعه مباعه باضعاف اضعاف سعرها بعد الربح
وبدون رقيب او حسيب
بالتالي مايفرقش معاهم رضا العميل من عدمه

**matrux** · 12-08-2015 10:40 PM

استاذ محمود ربنا يعينك على اللى انت فية
حاول تروح مركز صيانة اوتو سيرفس الخاص بالبيجو فى مدينة نصر بسمع انة احسن مركز وناس محترمة
وربنا يوفقك انشاء الله وياريت تقولنا عملت اية