أغير الفيرنا 2010 ب لانوس 2016 وابقى ركبت زيرو ؟؟ ولا مش هحس بفرق؟؟؟

**m-sabry** · 13-08-2015 03:23 PM

معايا فيرنا 2010 ومحتاجة شوية مصاريف هتخشلها في 7 او 8 آلاف جنيه علشان يرجع شكلها وأداءها زي الجديدة، فياترى أبيعها ب 60 مثلا واحط عليهم 20 واجيب لانوس فول اوبشن وأبقى ركبت زيرو أحسن؟؟؟ ولا أظبط عربيتي وخلاص وترجع زي الجديدة (بس موديل 2010)؟؟

وياترى اللانوس أقل بكتيييييييير من الفيرنا من حيث سرعة الحركة والانطلاق من الصفر؟ أصل انا بصراحة مبحبش العربيات البطيئة واللي بتنطلق ببطء.. انا بعشق الفيرنا علشان زي الحصان الجامح وبنطلق بيها بسرعة وده بيريحني جداً في بلدنا اللي كل شوية العربيات فيها بتقف وتمشي ..تقف وتمشي..تقف وتمشي.. مبحبش استنى.. بتخنق من البطء والناس البطيئة.. بحب أسبق واعدي من الناس البطيئة وانجز واروح بسرعة..

ملحوظة:
انا قبل ما اشتري عربيتي سنة 2010 عملت مقارنة مفصلة بين اللاونس والفيرنا وانا مقتنع تماماً ان الفيرنا هي الأفضل في حاجات كتييييييييييير ...بس حاجة واحدة بس هي اللي غيظاني فيها.. شكلها و تصميمها قديم مش زي تصميمات العربيات الجديدة.. اللانوس اقل في الكفاءة بس ميزتها الوحيدة هي ان شكلها إنسيابي... وانا زهقت من شكل الفيرنا وعاوز اجيب عربية شكلها انسيابي زي العربيات الحديثة..

اما عن المطلوب لعربيتي الفيرنا حاليا فهو:
- 4 مساعدين (حوالي 1500 بالتركيب)
- 4 كاوتش (وبالمرة جنوط سبور) تقريبا حوالي 5000 ج
- شوية سمكرة تخشلها في 1000 ج
- والله اعلم طبعاً ممكن كل شوية تحتاج صيانة تانية لحاجات تظهر فجأة

ياترى أدفع 20 وأركب لانوس زيرو وشكلها انسيابي (وأبقى خلصت من الصيانات والأعطال المفاجئة لمدة 4 او 5 سنين) ولا أدفع 8 واجدد عربيتي الفيرنا الموديل 2010؟؟

**م أحمد** · 13-08-2015 04:22 PM

شوف حاجة اوتوماتيك لو عايز تعمل نقلة فعلية

غير كدة معاك عربيتك ووفر الفلوس خصوصا انها مش هتجيب المبلغ اللى انت فاكره

**ahmedsrs** · 13-08-2015 04:54 PM

الفيرنا مش عربية اصلا دى عبارة عن موتور وخلاص ومفيهاش اى كماليات او تطوير انا مع الحل الاول

**m-sabry** · 13-08-2015 04:59 PM

أكيد فكرت في الاوتوماتيك بس مفيش حاجة حلوة في حدود السعر ده.. متعديش 90 ألف يعني ..
ياترى لو حد يعرف يقولي.. أعتقد مفيش للأسف :(

المشاركة الأصلية كتبت بواسطة م أحمد

شوف حاجة اوتوماتيك لو عايز تعمل نقلة فعلية

غير كدة معاك عربيتك ووفر الفلوس خصوصا انها مش هتجيب المبلغ اللى انت فاكره

**m-sabry** · 13-08-2015 05:05 PM

بصراحة معاك حق.. انا فعلاً مش حاسس انها عربية.. بس بصراحة برضو موتورها عاملي إبهار... مبحبش البطء والإنطلاق البطيء.. بتخنق بحب الإنطلاق السريع.. وربنا يستر علينا كلنا..

بس ياترى اللانوس بتتحرك (من الصفر يعني) ببطء أوي ولا على حسب اللي بيسوق ؟؟؟ هتشللني يعني وتجيبلي جلطة لما ألاقي الناس حواليا بيسبقوني لما الإشارة تفتح ولا لأ ؟؟!!! أصلي مش هستحمل كده.. لو ممكن أتحكم فيها وأخليها تجري وتنطلق بسرعة معقولة ساعتها هجيبها ان شاء الله..
ياريت اللي معاه لانوس يفيدني ضروي بخصوص الموضوع ده..
وشكرا مقدما على الرد

المشاركة الأصلية كتبت بواسطة ahmedsrs

الفيرنا مش عربية اصلا دى عبارة عن موتور وخلاص ومفيهاش اى كماليات او تطوير انا مع الحل الاول

**m-sabry** · 13-08-2015 05:11 PM

خوفي الأساسي من تغيير الفيرنا بتاعتي بلانوس هو فرق الموتورين.. 20 حصان فرق !!!!!! ياترى اللانوس بتنطلق ببطء أوي ولا ممكن تنطلق بتسارع معقول ؟؟؟
ده السؤال اللي هيجنني.. خصوصا إني مسوقتهاش قبل كده..

**salam100100** · 13-08-2015 05:21 PM

المشاركة الأصلية كتبت بواسطة m-sabry

خوفي الأساسي من تغيير الفيرنا بتاعتي بلانوس هو فرق الموتورين.. 20 حصان فرق !!!!!! ياترى اللانوس بتنطلق ببطء أوي ولا ممكن تنطلق بتسارع معقول ؟؟؟
ده السؤال اللي هيجنني.. خصوصا إني مسوقتهاش قبل كده..

الشد والجرى الفرنا تكسب طبعا
اللانوس بتجرى بردوه بس مش زى الفرنا
ومن كلام حضرتك اللانوس مش هتعجبك فالجرى
انا كان معايا نوبيرا واخويا معاه لانوس, لما كنت بسوق عربيته كنت بحس اول حاجه بضعف العزم عن النوبيرا

الميزه بصراحه فالفيرنا واللانوس الانتشار واسعار قطع الغيار وتوافرها
الصيانات المطلوبه لعريت حضرتك بسيطه (لو هى عامله كم قليل) لكن لو عامله 150 الف كم مثلا فكدا كفايه عليها وروح للزيرو

**ahmedsrs** · 13-08-2015 05:47 PM

المشاركة الأصلية كتبت بواسطة m-sabry

خوفي الأساسي من تغيير الفيرنا بتاعتي بلانوس هو فرق الموتورين.. 20 حصان فرق !!!!!! ياترى اللانوس بتنطلق ببطء أوي ولا ممكن تنطلق بتسارع معقول ؟؟؟
ده السؤال اللي هيجنني.. خصوصا إني مسوقتهاش قبل كده..

انا كان معايا لانوس وهى فعلا بطيئة فى الطلعة لكن تتميز بالثبات فى السرعات العالية