سؤال للخبراء فى الادوات الكهربائية

**lonedoctor** · 13-08-2015 09:59 PM

اخوانى فى المنتدى حياكم الله
هذه الايام دخلت فى مراحل التشطيب النهائى للفيلا والان موضوع الكهرباء
قام الكهربائي بكتابة طلبات الاسلاك الكهربائية المطلوبة وفوجئت بان ثمن الاسلاك غالى جدا (الاسلاك فقط)
مع العلم باننا قد تعدينا مرحلة فرد المواسير البلاستيك اثناء صب الخرسانة
ماقيل لى ان نوع الاسلاك شركة السويدى هو افضل الانواع
انا لا احب ان اسلم عقلى لاحد وبحثت فى النت فوجدت شركات كثيرة فى مصر --(مااااسر سابقا)علشان ماحدش يزعل-- مثل السمكة والصاروخ والاسلامية والايطالية والفرنسية كما يوجد المستورد ايضا
من له باع وخبرة يفيدنى بارك الله فيكم عن الانواع المضمونة والاماكن والاسعار
تقبلوا تحياتى

**Adel.Nasr** · 14-08-2015 04:06 PM

هو فعلا السويدي افضلهم و اغلاهم في السعر و بعدين النت مش هيفيدك كتير في الكلام ده حضرتك ممكن تتعب نفسك شويه وتنزل تديها لفه على المحلات تسأل اكتر نوع يعتمد عليه في السوق و سعره معقول و خلي بالك اهم حاجه السلك الداخلي يكون نوع قوي عشان فيما بعد الاجهزه ( تكييفات - سخان- ميكرويف) الحاجات دي بتعمل حمل جامد على السلك

**sasatony** · 14-08-2015 04:14 PM

افضل شركة في السوق هي السويدي وسعرها غالي فعلا

**Amr_MO** · 14-08-2015 06:29 PM

الأفضل اسلاك السويدي لو عاوز حاجة تعيش معاك طول العمر وتستحمل وتريح دماغك منها

أفضل مكان تشتري منه هو محل جبريل في العتبة لأن السويدي في منه مضروب كتير وتقليد ومتقدرش تفرق بينهم غير الي بيفهم فيهم، فانت اشتري من محل جبريل هتلاقى عنده كمان كبيل دش السويدي واسلاك تليفون السويدي

اهم حاجة تخلي بالك من توزيع الاسلاك في انحاء الشقة بمعنى المطبخ تجيبله سلك السويدي 4 ميلي - غرف النوم والرسيبشن 2 ميلي كفاية ليهم، التكييفات 4 ميلي لو تكييف 3 حصان مثلا

يعني متستخسرش في تأسيس الكهرباء بالذات علشان عامل الأمان

**lonedoctor** · 14-08-2015 11:29 PM

جزاكم الله خير على الرد
يبقى خلينا فى السويدى لا مفر

**pepo2011** · 15-08-2015 12:17 AM

بص يافندم السويدي افضل لكن هناك عوامل اخرها تضعها في الاعتبار عند البحث عن السلك من حيث التحمل ونوعيه النحاس وعدد الشعيرات وخامة البلاستيك
وهناك انواع كتييير افضل وارخص من السويدي ولكنها غير معروفة او غير معتمدة مثلا
السويدي بيبيع اسم اكتر من الجودة وهذا عن ثقة لان لي ناس بتشتغل في المجال دا من زمان
وتجار جامدين جدا في سوق الكهربا
وعشان كده غالبية الصنايعية بتشتري دماغها ويقولك السويدي فحضرتك لك الحرية في الاختيار
اذا كان يهمك الكفاءة او الاسم
وبالتوفيق مقدما

**amr011111** · 15-08-2015 03:18 AM

لفة السلك الفردانى ال 3 مم ب 230 جنيه
والاربعه مللى ب 300 جنيه. الكلام ده من سنه
واللفه بتبقى 100 متر
ويستحسن تنزل تشترى الخامات بنفسك
ملحوظه لفة السويدى بيبقى مكتوب على كل متر منها مكتوب عليه السويدى
هتلاقى لفة السويدى مكتوب على البكره البلاستيك الخارجيه السويدى بس بتبقى مضروبه

**lonedoctor** · 15-08-2015 06:50 AM

المشاركة الأصلية كتبت بواسطة pepo2011

بص يافندم السويدي افضل لكن هناك عوامل اخرها تضعها في الاعتبار عند البحث عن السلك من حيث التحمل ونوعيه النحاس وعدد الشعيرات وخامة البلاستيك
وهناك انواع كتييير افضل وارخص من السويدي ولكنها غير معروفة او غير معتمدة مثلا
السويدي بيبيع اسم اكتر من الجودة وهذا عن ثقة لان لي ناس بتشتغل في المجال دا من زمان
وتجار جامدين جدا في سوق الكهربا
وعشان كده غالبية الصنايعية بتشتري دماغها ويقولك السويدي فحضرتك لك الحرية في الاختيار
اذا كان يهمك الكفاءة او الاسم
وبالتوفيق مقدما

هذا ما اعتقده تماما ولذلك سؤالى عن مثل هذه الانواع
اللفة 4 مم ب 300 ج واللفة 16 ب 1153 ج تقريبا من النوع السويدى وده اسعار غالية جدا بالنسبة لى انا باجهز عدة ادوار وليس دور واحد وده هيتكلف مبلغ كبير جدا

**pepo2011** · 15-08-2015 08:46 AM

المشاركة الأصلية كتبت بواسطة lonedoctor

هذا ما اعتقده تماما ولذلك سؤالى عن مثل هذه الانواع
اللفة 4 مم ب 300 ج واللفة 16 ب 1153 ج تقريبا من النوع السويدى وده اسعار غالية جدا بالنسبة لى انا باجهز عدة ادوار وليس دور واحد وده هيتكلف مبلغ كبير جدا

بالظبط هاتلاقي ماركات تاني وخامتها زي السويدي ويمكن بنص التمن بس مش معروفة او معتمدة
ودا عن تجربة شخصية بس المهم يكون من حد موثوق فيه ولو احتجت اي حاجة تحت امرك انا ممكن افيدك او اجيبلك الحاجة من الناس اللي تبعي

**HeMa_LanCeR** · 15-08-2015 11:56 AM

انا عندي في الشركة بنستهلك سلك كتير جدا ممكن 100 لفة شهريا :)
طبعا في ناس بتطلب سويدي وفي ناس بتطلب انواع تانية
افضل نوع في السوق هو السمكة بس يكون الاصلي لأن نزل منه مضروب للأسف
السمكة ده مصنع مرخص وسلكة نضيف جدا ونفس عدد شعرات السويدي
انا مركب منه في بيتي :))))))

الموضوع: سؤال للخبراء فى الادوات الكهربائية

LinkBack

أدوات الموضوع

عرض

سؤال للخبراء فى الادوات الكهربائية - انشر الموضوع فى :

-

-

-

-

-

-

-

-

المواضيع المتشابهه

سؤال للأعضاء الكرام , الافضل مكنة الحلاقه الكهربائية الي بشفرات دوارة و لا مستقيمه ؟

سعر كوريك و بعض الادوات

سؤال للخبراء

سؤال للخبراء

سؤال للخبراء

الكلمات الدلالية لهذا الموضوع

المفضلات

المفضلات

ضوابط المشاركة