مشكلة مع موبينيل

**eng.m7md.ali** · 15-08-2015 01:12 PM

عندي مشكلة مع موبينيل .. من شهر ابريل رميت خطي الموبينيل اول مادفعت الفاتورة بتاعت ستار كونترول .. من كام يوم الشؤن القانونية كلمتني قالت لازم ادفع مبلغ 190 جنيه والا هيبقي في قضية .. طبعاً مش مشكلة اني ادفع المبلغ بس المهم عندي هو هدفع ليه؟؟؟

كلمت واحد معرفة ماسك فرع من فروع موبينيل قالي سيبك منهم ولا هيبقي في قضية ولا حاجة هما لازم يقولو كدة عشان تدفع واخرهم هيعملولك بلوك علي شبكة موبينيل بحيث مينفعش تسجل خط بأسمك في الشركة دي .. واحد تاني كان عليه 7000 جنيه معرفش ازاي وعملو معاه نفس النظام ومخدوش حاجة ومعملوش قضية اصلاً

هل حد مر بالموضوع ده؟؟ انا مش مشكلة عندي الدفع قد مامشكلة انهم ياخدو فلوس مش حقهم ده بجانب الضرايب والنصب اللي كانوا بيفرضوه عليا وانا بستعمل الخط

**Bassem Youssef** · 15-08-2015 03:31 PM

يخبطوا دماغهم في الحيط .... طالما دفعت المستحقات المطلوبه يبقي محدش له حاجه عندك

و بعدين هو في حد اهبل هيرفع قضيه عشان خاطر 190 جنيه ؟

**Mu7ammeD** · 15-08-2015 03:48 PM

مبيعملوش حاجة موبنيل وتي ايه داتا والناس دي بتكبر دماغها..

**7oda** · 15-08-2015 05:16 PM

مجتش على 190 جنيه ادفعهم و خلى اسمك نضيف
محدش عارف الى متحتجش لوشو انهردة بكره تحتاج لقفاه

**medo_31** · 15-08-2015 06:59 PM

روح شوف المبلغ ده فعلا عليك ولا كلام وبس ولو فعلا عليك ادفعهم لانه يعتبر دين حتى لو الشركة كانت مش كويسة مفيش حد ضامن عمره يا باشا ولو جنيه عليك بناقصه

**eng.m7md.ali** · 15-08-2015 08:02 PM

المشكلة اني متأكد اني معليش فلوس .. مش معني اني استعملت الخط يوم او يومين بعد معاد دفع الفاتورة يبقي يضيف عليا فلوس شهر اللي هو المفروض ٦٠ جنيه تقريباً .. معرفش بقي الباقي ده جيه منين هل مثلاً غرامة؟؟

انا عمتا اعتبر عميل مميز لان الخط ده معايا من 14 سنة وملتزم بالدفع دايماً وكمان رقم مميز يعني لو عايزين ياخدوا الخط يدوه لحد تاني في 60 داهيا مش هتفرق معايا بس انا مبحبش حد يضحك عليا

**أحمد كمال** · 15-08-2015 08:12 PM

خط الفاتورة عليك اشتراكه سواء استعملته او لأ مادام ما لغيتهوش او ما حولتوش لكارت .... لو انا مأجر شقة حضرتك و بعد يومين من اخر ايجار مشيت و ما قلتلكش ....... انا كده مفروض ادفع الايجار و لا لأ؟

و الضرايب مش نصب ..... الضرايب هما بيوردوها للمصلحة .....

**أحمد كمال** · 15-08-2015 08:14 PM

الاسوأ ان قريب جدا - ان ماكانش حصل بالفعل - بيانات مشتركي الفاتورة و انتظامهم في الدفع هتتضاف عال iScore

فممكن قدام ما تعرفش تجيب خط فاتورة و لا كريدت كارد و لا تقسط عربية الخ الخ

**أحمد كمال** · 15-08-2015 10:22 PM

المشاركة الأصلية كتبت بواسطة eng f3lix

هيا لما تبقي ضريبة تصاعدية يعني بتزيد كل شهر علي مزاجهم اعتقد النصب في كدة ... انت كلامك صح في موضوع الشقة والمثل ده لكن المفروض الشركة تعرف ان مفيش مكالمات اتعملت ولا استقبال مكالمات معناه ان مثلاً الموبيل اتسرق .. وانا روحت كذا مرة لفروع موبينيل مرة الاقي زحمة والف مرة لقيت السستم واقع وانا مش فاضيلهم اروح كل شوية

الموبايل اتسرق بتتصل توقف الخدمة

فيه مكالمات او مفيش اتعملت ..... العقد بينك و بينهم ساري لحين انهاءك ليه او تحويلك للخط من فاتورة لكارت

الضريبة مش تصاعدية هي 15% من اجمالي استهلاكك الشهري ..... لو في شهر مكالماتك + اشتراكك 200 هتدفع 30 ...... 300 هتدفع 45 ...... الخ ...... و مفيش مليم منها بيخش جيب الشركة ...... متضايق من الضرايب ارفع قضية عالحكومة بس الشركة مالهاش ذنب