الموضوع: رينو لوجان ولا سوزوكس سياز

رأيي الشخصي عن قراية لتجارب الملاك والأهتما بمواضيع العربيات بس , لأني مش من ملاك السيارتين .
اللوجان كمميزات : أعتمادية , صالون واسع , توكيل محترم جدا جدا جدا , اوبشنات ظريفة , تقفيل متوسط في الخامات ,عالية عن الأرض, شنطة واسعة جدا .
العيوب : ثبات متوسط خصوصا الملفات وكدة , الأمان مش قد كدة , عفشة ناشفة إلي حد ما , عزل سيء وصوت الموتور عالي شوية .

السياز مميزات: تقفيلها افضل من الللوجان في بعض الحاجات , الأمان أعلي , ثبات افضل شوية , شكلها ظريف وجديد , عفشة انعم
كعيوب ممكن نقول عكس مميزات اللوجان : توكيل في الضياع , اعادة بيع اسوأ بكتير , العربية عموما لسة جديدة ومش متجربة قوي بس اللي جربها حتي علي المنتدي مشفتش حد أشتكي منها بصراحة .
استخير ربنا وربنا يوفقك لأصلح