السلام عليكم

انا عندى نيسان تيدا 2007
اولا بعد الشكر على مجهودكم كنت عاوز ترشحولى مركز كويس اتعامل معاه يكون حافظ التيدا و فى نفس الوقت محترم و عنده شوية صبر و ده صعب انا عارف.
ثانيا مشاكلى مع العربية:
الفرامل: بتسحب على المطبات و اول شوية فى الدواسة مابتفرملش فاضطر انى ادوس مرة واحدة . يعنى مش بعرف اهدى فى الوقت المناسب و الاقى العربية سحبت منى كام متر زيادة فاضطر افرمل اكتر عشان الحقها قبل مالبس فى اللى قدامى.
بالاضافة لان فى حاجة تانية فى الفرامل من يوم ما اشتريتها مش عارف ده طبيعى ولا لا . اذا فرملت و بدات العربية تهدى و بعدين كلت مطب او نقرة او اى حاجة تخلى الارض مش مستوية " و انا دايس فرامل" تلاقى فجأة ال اي بي اس اشتغل و الفرامل بتتكتك بس كمان الفرامل " بتهرب" و العجل بيبدأ يلف تانى " و انا دايس فرامل" انا مانزلتش بصيت على العجل بس ده احساسى و تحليلى . و معرفش ده طبيعى ولا لا عشان ماسوقتش قبل كده عربية فيها اي بي اس.
روحت لحد بتاع فرامل قاللى ماستر فرامل و فكه و نضفه و قاللى مافيهوش حاجة انا اتاكدت بنفسى و خد 200 جنيه و بعدين جرب العربية قاللى العيب لسة موجود " ان العربية بتسحب" قاللى تبقى مشكلة اى بى اس ابقى تعلالى افصلهولك احسن :) .
المشكلة التانية فى النور :
انا نور الوسط عندى مش شغال و كمان الذراع مابيرجعش لوحده فى الاشارة . يعنى لما ادى اشارة شمال مثلا بعد ما احود لازم ارجع الاشارة بنفسى . فى كهربائية قالولى غير الذراع و فى مركز متخصص اكتر شوية قاللى غير علبة الفيوزات .

ده غير بقى ان اثناء الكشف على الحاجات دى لقيت فيشة الاير باج مفصولة معرفش ليه . الخلاصة انى محتاج مكان ثقة اتعامل معاه عشان العربية معايا بقالها سنة و ممتازة بس لسة مش لاقى حد اتعامل معاه فى الصيانة.