سحب البيجو 301 مانيوال

**sherifm00** · 19-08-2015 09:44 PM

السلام عليكم
عندي بيجو 301 مانيوال موديل 2015، أقل من 10000 كم، لسة ما عملتش الصيانة.
بدأت أشعر إن السحب بتاعها على التاني ضعيف، خصوصا في المطالع.

هل هناك من عنده نفس المشكلة؟

شكرا جزيلا

**Omar Sarray** · 19-08-2015 11:48 PM

سحب على تانى ضعيف انت متاكد صحب ضعيف لان العادى اول سحب اقوى من اولى سحب الاتوماتك تانى سحب بتكون شويه ضعيفه بس مش لدرجه ضعيفه جدا فى سحب لو عربيتك فيها حاجه روح اكشف عليها واطمن عليها وعلى الفتيس نفسو

**taki1k1** · 05-09-2015 12:16 AM

مش عارف هل دي مشكلة عندك في العربية و لا دا العادي
انا معايا مانوال 2014 و شاريها من بتاع سنتبن اولا هي سحب العربية مش ضعيف خالص بس السنس بتاع دواسة البنزين و الدبرياج هو اللي غريب و خصوصا ان انا كان معايا بروتون ويرا و العربية دي كانت مصيبة محدش كان بيسد معاها لحد 80كم/س بعد كدة ادائها كان بيقل

بس دي تجربتي مع العربية ممكن تقارنها بللي عندك و ياريت اصحاب المانيوال يقولوا رايهم برضه

لما تكون علي الاول او التاني و فرملت و جيت تطلع تاني بسرعة العربية بيكون سحبها وحش جدا ودي بلاحظها لو انا في شارع و باخد يوترن بهدي و لو لقيت الطريق فاضي بكون عايز اطلع بسرعة ساعتها بلاقي العربية مفهمتش انا عايز اية و حل المشكله دي في الحالات الحرجة دوس دبرياج زيادة ياعني خلي الدواسة في نص المشوار ساعتها هتلاقيها عايزه تطير بس خلي بالك دا بيقلل عمر دسك و اسطوانة الدبرياج جامد
ساعات لما بكون لسة معدي مطب و عايز اشد تاني لو فضلت ادوس بنزين بمعدل ثابت العربية مش هتسحب و لاكن دوس بنزين ربع المشوار و ثبت رجلك ثانية هتلاقي العربية بتتسارع بشكل جامد جدا
اخر حاجة ضبط ارتفاع الكرسي و الظهر بتاعة و بعدة عن الطارة بياثر برضه علي سنس البنزين و الدبرياج

**sherifm00** · 11-09-2015 12:30 AM

المشاركة الأصلية كتبت بواسطة taki1k1

مش عارف هل دي مشكلة عندك في العربية و لا دا العادي
انا معايا مانوال 2014 و شاريها من بتاع سنتبن اولا هي سحب العربية مش ضعيف خالص بس السنس بتاع دواسة البنزين و الدبرياج هو اللي غريب و خصوصا ان انا كان معايا بروتون ويرا و العربية دي كانت مصيبة محدش كان بيسد معاها لحد 80كم/س بعد كدة ادائها كان بيقل

بس دي تجربتي مع العربية ممكن تقارنها بللي عندك و ياريت اصحاب المانيوال يقولوا رايهم برضه

لما تكون علي الاول او التاني و فرملت و جيت تطلع تاني بسرعة العربية بيكون سحبها وحش جدا ودي بلاحظها لو انا في شارع و باخد يوترن بهدي و لو لقيت الطريق فاضي بكون عايز اطلع بسرعة ساعتها بلاقي العربية مفهمتش انا عايز اية و حل المشكله دي في الحالات الحرجة دوس دبرياج زيادة ياعني خلي الدواسة في نص المشوار ساعتها هتلاقيها عايزه تطير بس خلي بالك دا بيقلل عمر دسك و اسطوانة الدبرياج جامد
ساعات لما بكون لسة معدي مطب و عايز اشد تاني لو فضلت ادوس بنزين بمعدل ثابت العربية مش هتسحب و لاكن دوس بنزين ربع المشوار و ثبت رجلك ثانية هتلاقي العربية بتتسارع بشكل جامد جدا
اخر حاجة ضبط ارتفاع الكرسي و الظهر بتاعة و بعدة عن الطارة بياثر برضه علي سنس البنزين و الدبرياج

شكرا جزيلا على الرد.
هي دي تقريبا نفس المشكلة اللي قصدتها. أنا بأقارنها بالنيسان صني اللي كانت عندي قبلها.
الموضوع بيظهر أكثر مع التاني بأحس إن العربية مش بتسحب خالص بعد المطبات أو اليوترن، وفي المطالع (لو كنت مهدي قبلها).
يا ريت أصحاب المانيوال يفيدونا لو حاسسين بنفس الموضوع، ولو ليه حل.