الموضوع: الفلوينس ... عيب خطيييييييييير

فعلا تجميعها بطيئ جدا. ابطأ من اللانسر البومة. بس سي في تي يعني هدوء الموتور وتوفير بنزين.
عايز تشد اقلبها مانوال.

المشاركة الأصلية كتبت بواسطة hany saad

طبعاً رأى حضرتك يحترم و لكن الفلوانس مش بتاعت نوع السواقة اللى حضرتك بتتكلم عليه
الفوانس ببساطة عايزة سواقة عادية و هى عربية أسرة من الدرجة الأولى و ليها فخامة لا تخطئها العين
عربية طويلة و عريضة و موزونه بموتور 115 حصان فقط لا تناسب أبداً نوع السواقة بتاع "غرزة عايزه شده محترمه"
الفلوانس لو فهمنا هى بتخاطب انهو شريحة عمرية و انهو نوع قيادة هنلاقى الفلوانس مفهاش عيب خطير و لا حاجة

لو حضرتك عايز عربية شد و تجميع طبعاً يفضل الهاتش باك لهذا النوع من القيادة و هتلاقى عربيات بتلبى هذا النوع من القيادة زى الجولف مثلاً او الأودى a3 و خلافه بموتور تربو و يفضل كمان الفتيس المانيوال فى هذه الحالة

أما بالنسبة للفلوانس فهى عربية سيدان طويلة و تقيلة بفتيس cvt ناعم موفر للبنزين و هى بهذه المواصفات غير مصممة لهذا النوع من القيادة الرياضية

تحياتى

تحياتى ليك يا استاذ هانى حضرتك قولت الكلام اللى كنت عوز اقوله .فعلا الفلوانس مش بتاعت شد وغرز دى عربيه ملكيه عوز معمله فرنساوى

اولا انا معترض علي حاجتين
1- انا موش مقتنع بحكاية الهورس باور دي لان 115 حصان موش قليلة وانا كان معايا نوبيرا مانيوال وغيرتها باوبترا واتوماتيك ونفس الهورس باور بتاع النوبيرا ومع ذلك سحب الاوبترا احسن مع انها اتوماتيك فالموضوع موش موتور بس لا دة موتور وفتيس ووزن عربية وماركة كمان
2- بلاش نرمي العيب علي الفتيس انا سقت الرينو ومعايا كورولا والفتيس الcvt موش معناة سحب ضعيف وسحبة مع الكورولا هايل
3-من الاخر العربية حلوة واوبشن جميل بس فعلا موش عربية شد وفي فرق بين الشد والجري واي واحد بيشتري العربية بيبقي عارف طلباتة والشد دة موش طلب كل الناس ولعربية باكيدج علي بعضو فخامة وكماليات وامان وسحب وثبات واعتمادية وريسيل وقيمة مقابل مال وكلواحد بشوف اولوياتة اية ويشتري علي الاساس دة

المشاركة الأصلية كتبت بواسطة hany saad

احنا فوق ال 100 مالك للفلوانس على المنتدى هنا و مفيش واحد قال عليها مش بتسحب و لا تقيلة و لا بطه و لا بطيئة فى الطلعة..... اللى بيقول كده هو حد يا اما سمع يا اما حد جربها!!!
على العكس، سحب الفلوانس بالفتيس ال cvt افضل و اقوى من سحب الميجان بالفتيس الأتوماتيك العادى مع نفس قدرة الموتور....و افضل من سحب الفلوانس القديم بكتير
لكن فيه عضو مش عاجبه هذا السحب و حاسس ان العربية تريلا فانا نصحته يدور على مواتير تيربو مع فتيس مانيوال او ديوال كلاتش علشان يحصل على الأداء الرياضى اللى نفسه فيه
غير كده محدش بيشترى فلوانس و لا نوع العربيات الطويلة دى علشان ياخد بيه غرز فى شوارع مصر، حتى شكلاً مش لايقه عليها....
اللى بيشترى الفلوانس بيدور على رفاهية و فخامة و وسع و شنطة و توكيل محترم و توافر قطع غيار و كماليات و سعر متوازن و اداء رشيق و لكن مش غرز و دريفتات و خلافه
ليس هذا هو المرجو من سيارة بهذا الطول و العرض و الوزن ده غير ان العربية دى بتنزل بره بموتور 2000 سي سي مع نفس الفتيس و هنا طبعاً الأستجابة و السحب مختلف تماماً..... و لا اللى عايز السواقة الرياضية عمره ما هيكيفه الفتيس ال cvt لا بتاع الفلوانس و لا بتاع الكورولا لانه فتيس مبيديش اى احساس بالنقل و لا بيسقط نقلات و بينقل عند عدد لفات منخفض جداً و ده عكس تماماً اى قانون من قوانين السواقة الرياضية و متعتها

تحياتى

جرب يا هاني الكورولا بالاسبورت مود وسحبها هايعجبك

ولو عاوز سحب اقوي خليك اسبورت مود مع استيب ترونيك