الموضوع: استفسار بخصوص مشكلة فتيس dsg في الجولف بعد تغييره

المشاركة الأصلية كتبت بواسطة issanasr

السلام عليكم ورحمة الله وبركاته
بعد بحث طويل ومساعدة مواضيع واعضاء nilemotors قدرت اعرف الاتي بخصوص فتيس dsg في الجولف
1- ان المشكلة ديه موجوده في معظم الموديلات اللي نزلت
2- ان الوكيل ممكن يصلح الفتيس بس بشرط ان الصيانات كلها تبقي في مركز الصيانه الرسمي تحت ما يسمي goodwill
3- الوكيل بيدي ضمان مدي الحياة في حالة تغيير الفتيس
الاسئلة لاعضاء نايل واتمني المساعدة
1- هل فعلا الوكيل بيلتزم بموضوع ضمان مدي الحياة علما باني كلمتهم وقالولي مفيش حاجه اسمها ضمان مدي الحياة!
2- هل العربيه لو اتغيرلها فتيس لاول مره ده معناه ان المشكلة اتحلت ولا ممكن تحصل تاني؟
شكرا مقدما :-)

1- الوكيل فعلا ملتزم بتصليح الفتيس في اي وقت بس هما ما بيطلعوش تصريحات رسميه
2- لحد دلوقتي ما شوفتش حد غير الميكاترونكس مرتين و انا كنت سألت السؤال ده لمهندس صديقى في التوكيل و أكد لي انه فعلا الميكا الجديده اللي بتركب محدش غيرها تاني.. و برضه سألته في احتمال انها تبوظ ..قالي احتمال ضعيف جدا و كل شيء وارد ...بس لو حصل وباظت برضه حتتغيرفي الضمان طالما العميل ملتزم بالصيانه الدورية مع الوكيل

المشاركة الأصلية كتبت بواسطة issanasr

شكرا ليك يا استاذ shamy على سرعة ردك :)

لاشكر على واجب
و على فكره انا لسه شاري باسات كومفورت خليجي 2009 من اسبوعين بعد ما اتأكدت انها بتعمل صيانه دورية في الوكيل و انها غيرت الميكاترونكس
ودي تبقى تالت باسات 1.4 اشتريها :)

للاسف بيبوظ تانى بعد حوالى 40000 كم , و حصلت مع صديق لى عنده جيتا , المشكله مش فى الميكاترونكس او تصميمه , المشكله فى اجواء السير عندنا , ال dsg مش عايز زحمه لانه بينقل كتير و العربيه واقفه فى الاشارات و زحمة المرور و بالدليل انه فى المانيا نفسها ما فيش منه مشاكل ,العيب مش فى تصميمه الفنى العيب فى اجواء استخدامه من بلد للتانيه .

المشاركة الأصلية كتبت بواسطة issanasr

فعلا مشكلة غريبه مع عربية بالحجم ده.. طيب ايه رأى حضرتك فى بعض الآراء اللى بتقول ان السواقه فى الزحمه بال Manual Mode هو حل للمشكلة ديه؟

هاقول لك حاجه , فيه زميل هنا مشهور قوى بحبه للفولكس فاجن و دفاعه القوى عنها و فوجئنا انه كتب اعتذار عن دفاعه و باع عربيته الباسات بسبب ال dsg و كان حتى كاتب تفاصيل تجربته معا الفتيس ده و انه كان فى الزحمه بيغير للمانيوال و ما فيش فايده . هاشوف لك لينك المشاركه و اقراها .
الفتيس ده اقوى فتيس اوتوماتيك فى التسارع ظهر حتى الان و قوى جدا مع المواتير ال 1400 سى سى ال tsi و تكنولوجيا عاليه بصراحه بس ما ينفعش اقعد اغير فتيس او ميكاترونيك كل 40000 كم برضه .

اقرا المشاركه دى و انت هاتفهم كل حاجه من واحد كان عاشق للفولكس

http://www.nilemotors.net/Nile/466223-dsg.html