الموضوع: تجربتى اليوم مع فحص عربية جولف فى توكيل فولكس فاجن ومشكلة نتيجة الفحص

السلام عليكم ورحمة الله وبركاته
بعد بحث دام اكتر من شهر فى رحلة البحث عن جولف 6 مستعمل بحالة جيدة.. النهارده كنت فى مركز صيانة فولكس فاجن شبرا لرفع وفحص والنتيجه:
1- سعدت جدا بمعاملة الموظفين وفى اجراءات تخليص الفحص
2- عملية الفحص خدت تقريبا حوالى 3 ساعات
3 نتيجة الفحص كانت صدمة فى الحقيقة وهى انى كنت مستنى ان الوكيل (المكان اللى المفروض يساعدنى فى التعرف على مشاكل العربية.. فجأت بقائمة من التصليحات باسعار غريبه! (يمكن علشان هى الجولف كده او ان التوكيل اسعاره كده) المهم انى مقدرتش اعرف اهم نتيجة وهى هل العربية كويسة ولا لأ (باستثناء حالة الموتور والفتيس) ورفضو تماما يعرفونى اذا كانت العربية عملت حادثه قبل كده او اذا كانت فابريكه ولا لأ او ان الشاسيه سليم ومفهوش اى مشكلة!! بحجة انهم محتاجين يفكو الجزء الامامى كله من العربية علشان يعرفو
وقالوليلى ان ديه سياسة الشركة وان كل دورنا اننا نعرفك ما اذا كانت العربية محتاجه اى تصليحات او لا!
انا فعلا مش عارف اعمل ايه.. هل احاول اعمل شكوى للمركز او اتجه لمكان تانى غير الوكيل!

المشاركة الأصلية كتبت بواسطة mshamy

روح على مركز auto21 اللي على ال ne خلف بنزينة و طنية
كشف كامل على العربية بيكلف 350 جنية و بيقولولك على كل حاجة
التليفون :01025817774 او 01025817773

شكرا ليك :) انا لو كنت اعرف ان التوكيل هيعمل معايا كده مكنتش روحت اكشف اصلا!