الاداره تحظر موضوع ..( رايك في برنامج هيه قطب)

**medosalah** · 27-08-2015 10:35 PM

واضح ان الاداره من النوع اللي يتبع اسلوب النعامه في دفن راسه في التراب لما تقابله مشكله بدل ما يواجهها

المنتدي ده منتدي محترم .. والاعضاء اللي فيه اعضاء محترميييييييين

غير مقبوا ابدا خظر موضوع فجاه كده دو ابداء اي اسباب

يا ريت الي عمل حظر للموضوع يبدي الاسباب .. دي مش طريقه متحضره علي الاطلاق

طبعا انا عارف ان اللي عمل كده مش بعيد ابدا يعملي وقف للعضويه .. طالما هذا هو اسلوبه او اسلوبها في التعامل

بس كلمتين وكان لازم اقولهم

**hilal** · 27-08-2015 10:53 PM

قد يكون لدى الادارة مبررات كافية لذلك
صحيح أن معظم الاعضاء محترمون ومثقفون
ولكن لا ننكر أن الكثير من الاعضاء مازالوا في مراحل التعليم الثانوي
ولا يصح أن يتم النقاش في أمور حساسة تتعلق بالعلاقات الحميمة بين الازواج في حضور الابناء
أنا ألتمس العذر للإدارة

**FAR!D** · 27-08-2015 11:29 PM

المشاركة الأصلية كتبت بواسطة hilal

قد يكون لدى الادارة مبررات كافية لذلك
صحيح أن معظم الاعضاء محترمون ومثقفون
ولكن لا ننكر أن الكثير من الاعضاء مازالوا في مراحل التعليم الثانوي
ولا يصح أن يتم النقاش في أمور حساسة تتعلق بالعلاقات الحميمة بين الازواج في حضور الابناء
أنا ألتمس العذر للإدارة

يعني ايه يا استاذ هلال ؟؟
هوا الموضوع كان بيسأل ايه رأي الاعضاء ولا كان بيبثلها حلقات؟
دلوقتي اولاد الثانوي بيفهموا في الحاجات ديه اكتر مني و منك و احنا متجوزين :)
لا مبرر

**FAR!D** · 27-08-2015 11:32 PM

المشاركة الأصلية كتبت بواسطة medosalah

واضح ان الاداره من النوع اللي يتبع اسلوب النعامه في دفن راسه في التراب لما تقابله مشكله بدل ما يواجهها

المنتدي ده منتدي محترم .. والاعضاء اللي فيه اعضاء محترميييييييين

غير مقبوا ابدا خظر موضوع فجاه كده دو ابداء اي اسباب

يا ريت الي عمل حظر للموضوع يبدي الاسباب .. دي مش طريقه متحضره علي الاطلاق

طبعا انا عارف ان اللي عمل كده مش بعيد ابدا يعملي وقف للعضويه .. طالما هذا هو اسلوبه او اسلوبها في التعامل

بس كلمتين وكان لازم اقولهم

انت حتتوقف فعلا لمخالفتك قاعده عدم نقاش قرارات الاداره و للتعدي على الاداره بالقول
و اغلب الظن حنتوقف انا والأستاذ هلال عشان ردينا في الموضوع ده و ناقشنا معاك قرارات للاداره
خد التقيله هههههه
الموضوع ده حيتحذف اصلا
تحياتي :)))

**FAR!D** · 27-08-2015 11:49 PM

المشاركة الأصلية كتبت بواسطة hilal

أستاذ فريد
أتفق معك أن أولاد الثانوي بيفهموا في الحاجات دي أكتر مننا
بس أعتقد ان الادارة لا تريد أن تتورط في هذا الاتجاه أو أن يكون المنتدى وسيلة لذلك
واللي عاوز يعرف أكثر أو حتى يتفرج على بورنو ، يبقى على مسئوليته الخاصة وفي مواقع أخرى وليس من خلال المنتدى
تحياتي

تمام

**Samah AbdAllah** · 28-08-2015 12:56 AM

هى ايه الفايدة اللى هتعود على الاعضاء من رايهم في البرنامج ؟

**FAR!D** · 28-08-2015 01:07 AM

المشاركة الأصلية كتبت بواسطة samah abdallah

هى ايه الفايدة اللى هتعود على الاعضاء من رايهم في البرنامج ؟

معلش يا مدام سماح اني مش صاحب الموضوع لكن ممكن اعلق على تعليقك؟
هوا ده وجه الخلاف فقط اللي نتج عنه حذف الموضع ؟ بس كده ؟ من وجه نظر مين ؟ حضرتك ولا الاداره ككل ولا الاعضاء اللي ممكن يكونوا عملوا شكوي في موضوع قديم اصلا ولسه مرفوع اليومين دول
ماهو لو كده اغلب كوضوعات الاجتماعي حتتشال اصلا :)
تقبلي مروري و تعليقي بصدر رحب

**Karim_Monir** · 28-08-2015 01:11 AM

السلام عليكم يعني ايه دفن راسه
احنا معندناش اللي بنخاف عليه ولا خايفيين من حاجه
وبما انك طبيب فده يعني انك علي وعي عالي من المعرفه
وبما انك علي نايل موتورز من زمان فالمفروض انك عارف ان في موضوعات بتكون غير لائقه للعرض على صفحات المنتدى
عشان احنا في الاصل منتدى سيارات والاجتماعي عشان نلم الشمل
لكن بعيدا عن الثلاثي
الدين السياسه الجنس
وكتير جدا مع تكرار كلمات وجمل غير متعلقه بالسيارات وبالمحتوى ده
جوجل بتصنفنا بعيدا عن تصنيفنا كمنتدى سيارات
وكمان بتبدء تصنفنا اننا بنعرض محتوى غير لائق للعرض على افراد الاسره
ومحتوى يستلزم موافقات ابويه
ومحتوى بلا بلا بلا
ليه بقي
عشان ارتباط لفظ هبه قطب نفسه مرتبط دلاليا بموضوعات خادشه للحياء
وغير لائقه للعرض الاسرى
وننزل كمستوى في جوجل شويه درجات
يبقي حضرتك تسال الاول قبل ما تتهم
وتسال في مكان الاستفسارات
لان الاداره بتشوف اللي انت مبتشوفوش
احنا نزلنا في التصنيف عده درجات عشان كذا عضو حط حوادث موتسكيلات بيحذر الناس من السرعه
بسببها اتوقف اكونت جوجل ونزلنا في التصنيف عده درجات

**FAR!D** · 28-08-2015 01:20 AM

وعليكم السلام و مساء الخير يا استاذ كريم
ممكن العضو اللي عامل الموضوع كان حاد في وضفه لكن....
انت ذكرت انكم كا اداره معندكوش خوف من شئ او على شئ
طب القلق من تصنيف جوجل نفسه خوف
و شوفته اتكرر كتير جدا في كلامك و افتكر تنويه حذف الموضوعات اللي فيها صور من سوريا
انا فعلا معاك في تصنيف جوجل من الصور البشعه او تكرار كلمات من نوع isis -الدوله الاسلاميه -داعش
بيلفت نظر جوجل ليك ولو ان كده كل الموقع و الصفحات الاخباريه زمانها تصنيفها بال-
ماشي تمام برضوا
لكن ايه علاقه جوجل بهبه قطب
هبه قطب مين اصلا اللي بتتصنف على جوجل تصنيف
Adult او porn ?
هيا هبه قطب بتتعرى او بتقدم برنامج اباحي على قناه اباحيه و قمر هوت بيرد
ولا اتعمل مثلا ريبورتات على الصفحات اللي بتحتوى محتوي يخص هبه قطب ؟
مش متفق ولا معاك في ديه اطلاقا