عطل غريب مستعصى على اغلب الصنايعية

**slahef** · 29-08-2015 05:38 PM

السلام عليكم
سيارتى جولف2 ومتسقط ليها محرك abf 16v 2000cc
من شهرين قطعت ووقفت منى الميكانيكى كشف لاقى الموبينة سايحة المهم غيرناها والعربية اشتغلت يومين
من غير ما عداد الار بى ام مايشتغل وبعد اليومين العربية تمشى سلانسية حلو جدا بس اول ما احاول اعلى السرعة الموتور يخنق خنقة راحة جاية ويش قادر يقوم كشف الكمبيوتر طلع حساس البوابة والسلانسية ومايكرو سويتش البوابة عطلانين والعربية عطلانة من ساعتها لنا لاقى الحساسات ولا انا عارف امشى بالعربية
هل فى علاقة بين عدم عمل عداد الار بى ام والاعطال اللى عندى ولا فعلا الحساسات هيا السبب ولو هيا السبب هل ينفع بديل من ماركات اخرى لانى لفيت عليهم مش لاقيهم
اسف على الاطالة

**mohnsar** · 29-08-2015 06:41 PM

السلام عليكم
عداد ال ار بي إم بياخد اشارته من الموبينه حاول تغيرها ممكن تكون بيظه وهي سبب المشاكل دي

**slahef** · 29-08-2015 06:45 PM

شكرا على سرعة الرد وجارى التجربة

**SAMEH_FOUAD** · 30-08-2015 02:51 PM

لأ طبعا الحساسات دية مالهاش علاقة بعطل الاربى ام

يعنى حساس البوابة اللى هو ال tps شوف اى مكنة تابعة لفولكس هتلاقى فية مكن كتير نفس الحساس او شوف اصلا هو مديك قراية لية , ماممكن يكون الفيشة مش مظبوطة او الضفيرة فيها حاجة ودة Sensitive جداا فلازم يتظبط على جهاز ويكون توصلايتة مظبوطة

micro switch هو دة اللى عاملك مشكلة السحب لان دة الخاص بال idle control حاول تدور علية فى الحرفيين

بالنسبة للاربى ام , على حسب , فية اسبراتير بيكون فية فيشة خارجية جنب فيشة الاسبراتير الرئيسية خاصة بالاربى ام , وفية انواع اخرى بيكون الاسبراتير بداخلة توصيل سلك ال rpm على حسب اعتقد انت من خارج الاسبراتير