الموضوع: تقرير اليارس هاتشباك 2014

Toyota Yaris Hatchback 2014

الاختيارات كانت بين الانسر شارك و البيجو 301 و اليارس السيدان ال 1300cc (ال 1500cc مكانتش لسا نزلت).
شوفت العربية في معرض اوتوماك 2014.



العربية تقفيل فرنسي و نازلة ثلاث فئات اوتوماتك و فئة مانيوال.

معاية الفئة الاولى الاوتوماتيك (اقل فئة)

العربية معاية من ابريل 2014 عاملة 50,000km و الحمد لله مطلعش فيها مشاكل كبيرة (كهربا-موتور-جير)

1300cc
99/6000 hp/rpm
125/4000 nm/rpm
42L تانك البنزين

جير العربية CVT (continuously variable transmission)
الجير اقتصادي جدا و الRPM دايما واطي لو مش بتدوس جامد + انو مريح و مبتحسش بالنقلات

العربية فيها steptronic و shifting padels ف الدركسيون + sport mode بيخلي استجابة دواسة البنزين احسن

الجنوط سودا و الكاوتش Bridgestone 185/60 R15
و بعد الخمسين غيرت الكاوتش و حطيت ال 195/60 على نفس الجنط
في شاشة و بلوتوث وaux وusb و 6 سمعات
الدركسيون جلد
صوت الموتور عالي لكن العزل ممتاز جدا جدا .. مفيش صوت موتور ولا هوا ولا صوت من الكاوتش و انتا قافل الشباك

العربية ثباتها كويس جدا بالنسبة للانسر البومة

العربية سرعتها محددة 180km/hr

العربية صغيرة و سهلة فسواقتها و الركنة و بتدخول ف اصغر غرزة

العربية علوها معقول و مبتحوكش على المطبات بسهولة

السلبيات:
الشنطة مساحتها صغيرة جدا جدا اصغر من هاتشبكات تنانية زي التيدا مثلا (بس ممكن تقفل الكنبة الورا و تفتحها على الشنطة)

الدركسيون مابيتقلش على السرعات لكن مريح جدا داخل المدينة

مفيش مسند يد للسواق ...كان مستفز ف الاول لكن اتعودت و مبقتش تفرق

الشبابيك الورا مش كهربا و دي حاجة غريبة بالنسبة لعربية 2014!!!!!

التكيف بيأثر على السحب جامد بس مش هتحس بيه لو مش بتدوس جامد

العفشة ناشفة بالنسبة لعربيات تانية زي اللنسر البومة و الكورولا القديمة و الجديدة و دا بيقلل الراحة لكن كويس ف الغرز و على السرعات

في حاجة غريبة ان الجنوط بتتني كتير و دا يمكن يكون عشان طريقي مكسر جامد و بمشي بسرعة ...لكن فنفس الوقت مبتحصلش غير فالعربية دي

الامان:
العربية واخدة خمس نجوم (اعلى حاجة) ف اختبارات الامان و خش اتفرج على الفديوهات

Crash test
http://youtu.be/Qx58sQSFzSk

ESC test
http://youtu.be/VbNvNYvZCF8

الفرامل ABS و EBD
العربية فيها 4 Airbags و دا على كل الفئات

التوكيل:
التوكيل ممتاز لكن يعتبر اسعاره غالية

بعض اسعار الصيانات و قطع الغيار:
(الاسعار شاملة المصنعيات و الضريبة)
فلتر زيت 83
زيت الفتيس 714
تيل فرامل امامي 623
صيانة الالف مجانا
صيانة الخمسة 556
صيانة الخمستاشر 772
صيانة الخمسة و عشرين 1032
صيانة الخمسة و ثلاثين 1448
و عملت صيانة الاربعين 1445



اعادة البيع:
تويوتا مش محتاجة كلام بس اعتقد ان اليارس الهاتش باك مش هيكون كويس عشان العربية مش منتشرة


الكلام دا كلو على الفئة الثالثة الفروق هتكون :
الجنوط
قفل المرايات كهربا
تكيف dual zone
مثبت سرعة
كشافات ضباب
فيميه الشبابيك الورا
تكيف ف التابلوه
مسند يد
الشيابيك كهربا
Smart key
كاميرا خلفية
حساسات مطر


موديل 2015 عملو face lift ...غيرو الاكصدام القدام و الفوانيس اللورا و لون التابلوه.

كونت سايق لانسر بومة قبل اليارس :
مفيش مقارنة ف العربية من جوة ...اليارس تكتسح بس نقطة الشبابيك اليدوية اللورا مدايقاني بس دا ف الفئة الاولى بس

من ناحية الاداء ف انا مع اليارس رغم ان موتورها 1300cc و اللانسر 1600cc لان الانسر كانت جير واحد + الجير الCVT عامل احلى شغل + ال shifting padels بتديك احساس رياضي لما تحب تشد

اليارس اثبت بذات بعد تغير الكاوتش



كنت عملت حادثة بالانسر و كنت هحتاج اغير ( علبة دركسيون و كوبلن و مقص) ف كان قدامي اختيارين اني اعملها ف التوكيل او ف الحرفيين ... و كنت محتار عشان قطع غيار الاستيراد ف الحرفيين ارخص من التوكيل لكن شغل التوكيل هيكون انضف... و من غير مطول جبت قطع الغيار من الحرفيين و التوكيل اشتغل ف العربية . و دي نقطة تتحسب لتوكيل متسوبيشي و مظنش تويوتا ممكن يعملوا الحركة دي.

اخيرا لو هتجيب العربية متزعلش لو من اول اسبوع المساحة الخلفية اتسرقت و دا ف معظم العربيات الهاتش باك.