المقارنة الاجبارية!!! Bmw 316I Vs Mercedes Cla 180

**maio_do** · 02-09-2015 03:12 AM

بسم الله الرحمن الرحيم

يمكن تكون مقارنة معتاده بين العملاقين الالمانين مرسيدس وبى ام والمنافسه الطبيعيه مابينهم احسن عربيتين وافخمهم فى السوق المصرى

احتياجاتى معايا عريبة 301 2014 هسيبها للشغل وللبيت وعايز اجيب عربية ليا كده لانى داخل على دنيا عبقال الجميع

انا من عشاق المرسيدس وحلمى انى اركبها قلقى من البنزين 95 وتكلفته وتوافره واعرف ان البى ام 92 عادى؟!! (مش هحط لتر ب 6 جنية )

انا بحرق

عرفت ان المرسيدس ماسكة سوق عن البى ام فى اعاده البيغ وغيره ده صحيح؟

المرسيدس بتنزل استيراد بس للوقف التصنيع ودى حاجة مش فاهمها لسه حد يوضحها ليها وكيل ولا لاء؟

البى ام 316 مفيش منها موديل 2016 هتبقى 318 يا ريت برده حد يوضح القصه دى ؟

اهم نقطه استلام موديل 2016 فى خلال عشر ايام

**Fawzy.Abdelnour** · 02-09-2015 05:08 PM

مرسيدس فعلاً سعر اعادة بيع افضل.
لو جبت مرسيدس لازم بنزين 95، غير كده هتخرب الموتور و الضمان عليه يسقط.
توكيل مرسيدس زي ما هو موجود، و بعد معامله معاه لمدة 10 سنين اقدر اقول انه من افضل توكيلات مصر، ان ماكنش افضلهم علي الاطلاق.

**Fawzy.Abdelnour** · 02-09-2015 05:09 PM

مرسيدس فعلاً سعر اعادة بيع افضل.
لو جبت مرسيدس لازم بنزين 95، غير كده هتخرب الموتور و الضمان عليه يسقط.
توكيل مرسيدس زي ما هو موجود، و بعد معامله معاه لمدة 10 سنين اقدر اقول انه من افضل توكيلات مصر، ان ماكنش افضلهم علي الاطلاق.

**midostarmody** · 02-09-2015 10:27 PM

مرسيدس من غير تفكير الصراحة انا شايف ان bmw مفيهاش جديد نفس الشكل ذى كل سنة واسمها راكبين bmw باختلاف بسيط cla 180 تحفة فنية فى الشكل والخامات افضل وهتبقى مميز بطريقة كبيرة اركبها وانت مطمن توكيلها ممتاز هى النقطة هنا بنزين 95 ولو فكرت شوية هتلاقى انك هتاخد قوة وداء من العربية هايل مقارنة بالبنزين 92 واضمن وانضف بس للاسف اغلى والف مبروك مقدما لكن مترجعش عن رائيك فى المرسيدس

**Ayman_saad** · 03-09-2015 03:42 PM

شوف يابرنس
أنا كنت في نفس حيرتك بالظبط ولكن مع ال c
وبعد الحجز سحبت حجزي بعد مشاكل البنزين وأتجهت إلي البي إم
ولكن أنا مش هقولك البي إم حلوه أو المرسيدس وحشة ، لأ أنا هقولك عن الكلمة ألي أتقالت قدامي وخلتني أتجه للبي إم علي طول ،
( أي حد معاه فلوس يقدر يركب مرسيدس ، لكن مش أي حد معإه فلوس يقدر يركب بي إم )
وأنت وراحتك في الأخر ، في كلتا الحالتين أنت كسبان .
وبالتوفيق بأذن الله

**svneleven** · 05-09-2015 06:22 AM

مش ال cla كانت كام موتور منها رزعوا و قالك عشان البنزين؟

**Fawzy.Abdelnour** · 05-09-2015 01:30 PM

المرسيدس جابت مواتير عشان كانت الناس بتحط بنزين ٩٢، رغم ان التوكيل منبه عليهم انها لازم تاخد ٩٥.
موضوع مش اي حد يركب bmw ده الصراحه انا ضده تماماً.
لو المرسيدس احسن، اركب bmw ليه؟
و العكس صحيح.
يعني مثلاً انا مش عجباني الbmw من جوه، قافل من التابلوه بالكامل، اجيبها و اخنق نفسي كل مره اركبها؟
لو انا مش هقدر علي البنزين ده طبعاً موضوع تاني.
بالنسبه للتوكيل، انا بتعامل مع توكيل مرسيدس من ٢٠٠٦، قمة الاحترام و فاهمين فالعربيه جداً.
الضمان رائع، اي حاجه بيغيرها علي طول، انا مغير مرايتين جانبي كهربا عشان كانو بيزيقو
لما يقفلو، نضف الاول و كانو لسه بيعملو صوت راحو مغيرين الاتنين و مادفعتش جنيه.

**midostarmody** · 05-09-2015 09:27 PM

المشاركة الأصلية كتبت بواسطة mankindforce

المرسيدس جابت مواتير عشان كانت الناس بتحط بنزين ٩٢، رغم ان التوكيل منبه عليهم انها لازم تاخد ٩٥.
موضوع مش اي حد يركب bmw ده الصراحه انا ضده تماماً.
لو المرسيدس احسن، اركب bmw ليه؟
و العكس صحيح.
يعني مثلاً انا مش عجباني الbmw من جوه، قافل من التابلوه بالكامل، اجيبها و اخنق نفسي كل مره اركبها؟
لو انا مش هقدر علي البنزين ده طبعاً موضوع تاني.
بالنسبه للتوكيل، انا بتعامل مع توكيل مرسيدس من ٢٠٠٦، قمة الاحترام و فاهمين فالعربيه جداً.
الضمان رائع، اي حاجه بيغيرها علي طول، انا مغير مرايتين جانبي كهربا عشان كانو بيزيقو
لما يقفلو، نضف الاول و كانو لسه بيعملو صوت راحو مغيرين الاتنين و مادفعتش جنيه.

والله يا اخى نفس الكلام الى بقولة لكل واحد من صحابى فكر فى bmw وراح شفها واعجب بيها وبعد مشاف المرسيدس غير تفكيره خالص عن bmw مرسيدس فاخرة بمعنى الكلمة ولكلمة الاخ مش اى حد يركب bmw على كده الرؤساء دول يعنى ايه مثلا انا من خلال سيارة bmw عندنا فى العيلة والمشاكل الى حصلت منها وبسببها ادرككت ان bmw فى احسن منها كتييييييير وان انت بتدفع فلوووووووووس كتير عشان بس تركب عربية عليها لوجو bmw وتزود عشان الكماليات فحين ان التبلوه شكله زبالة مقارنة بالمرسيدس او سيارات كتيير فاخرة lexus او

Lincoln Continental او jaguar وكتييييرافضل واحسن