افيدوني في فك الحظر الجمركي افادكم الله

**drmedo82** · 02-09-2015 12:02 PM

السلام عليكم
اشتريت من معاق سياره لانوس 96 ومعاها جواب فك الحظر الجمركي بتاريخ 13/8/2015
والرخصه مكتوب فيها لايقودها الل سائقها ومجهزه طبيا . وقاللي لازم جواب فك الحظر الجمركي يبقا معاك علي طول ومحدش هيوقفك
المهم
من شويه وقفت في لجنه وكلنوا عاوزين ياخدوا العربيه لولا الظابط طلع محترم وقاللي لازم يلغيلك كلمة لايقودها الا مالكها
وانا معايا توكيل عام بالسياره بالبيع والشراء والتعامل مع المرور وكل حاجه ورخصه سنتين
فقريت ان عشان اعمل حتي عقد بيع لازم 3سنين من تاريخ فك الحظر
ياجماعه فهموني وافيدوني لاني هتجنن ومش عارف اعمل ايه

**vmallek** · 02-09-2015 04:01 PM

المشاركة الأصلية كتبت بواسطة drmedo82

السلام عليكم
اشتريت من معاق سياره لانوس 96 ومعاها جواب فك الحظر الجمركي بتاريخ 13/8/2015
والرخصه مكتوب فيها لايقودها الل سائقها ومجهزه طبيا . وقاللي لازم جواب فك الحظر الجمركي يبقا معاك علي طول ومحدش هيوقفك
المهم
من شويه وقفت في لجنه وكلنوا عاوزين ياخدوا العربيه لولا الظابط طلع محترم وقاللي لازم يلغيلك كلمة لايقودها الا مالكها
وانا معايا توكيل عام بالسياره بالبيع والشراء والتعامل مع المرور وكل حاجه ورخصه سنتين
فقريت ان عشان اعمل حتي عقد بيع لازم 3سنين من تاريخ فك الحظر
ياجماعه فهموني وافيدوني لاني هتجنن ومش عارف اعمل ايه

توجه بخطاب فك الحظر الي المرور واستخرج رخصة جديدة - بدون عبارة لا يقودها الا مالكها -

**Ahmed abdkarim** · 02-09-2015 05:34 PM

انا كنت شارى عربية معاقين و كانت نفس الموضوع

انت حتجيب جواب الجمارك و شهادة بيانات للشهر العقارى للعربية من المرور و تطلع على الشهر العقارى و مالكها يعمل لك عقد بيع مسجل طبعا بعد لما يطلعوا على خطاب الجمارك و بعدين تاخد العقد المسجل و خطاب الجمارك و تطلع على المرور و تخلص هناك بس لازم الظابط بيأشر .

الموضوع رخم شوية بس عادى يعنى عملته فى حوالى 4 ايام علشان العربية كانت مرور تانى و كانو كل شوية بيبعتونى لبعض علشان مطابقة رقم الشاسية .

**Ahmed abdkarim** · 02-09-2015 05:35 PM

نسيت اقولك انه مينفعش توكيل البيع لازم عقد بيع مسجل

**drmedo82** · 03-09-2015 12:27 AM

شكرا لحضراتكم
طب هوا ينفع اروح بجواب فك الحظر المرور واطلب ازالة جملة لايقودها الا مالكها وتفضل العربيه باسم صاحبها زي ماهيا ويبقا انا معايا توكيل وخلاص.خصوصا ان معايا توكيل عام بالبيع وتوكيل الغير والترخيص والتجديد والتعامل مع المرور؟

**drmedo82** · 03-09-2015 09:02 PM

السلام عليكم
شكرا لحضراتكم
انا رحت المرور النهارده وقالي لازم تنقل ملكيه عشان نشيل العباره دي
انا كده هروح الشهر العقاري السبت ان شاء الله ومعايا الرخصه ساريه وفيها سنتين والتوكيل العام اللي معايا عشان اعمل عقد بيع مسجل بس السؤال بقا هل هحتاج شهادة بيانات؟
لان صاحب العربيه لسه عاملي التوكيل العام من الشهر العقاري من 15 يوم فهل هحتاج شهادة بيانات برده ولا ممكن لا؟
ولو هحتاجها ايه اجراءات استخراجها؟