الموضوع: استغاثة: مشكلة لم اجد لها حل لدي الوكيل

عندى نوبيرا عملت كده و الميكانيكى غير خراطيم الحساسات كلها الار بى ام رجع 800 من تانى و البنزين اتظبط

المشاركة الأصلية كتبت بواسطة dbabis8

عندى نوبيرا عملت كده و الميكانيكى غير خراطيم الحساسات كلها الار بى ام رجع 800 من تانى و البنزين اتظبط

شكر ليك علي التفاعل بس المشكله عندي مبتجراش غير لما اكون ماشي وامور العربيه غير كده الار بي ام بيبقي طبيعي وانا سالت ناس كتيره كلهم اتفقوا علي ان حساس الايدل وحساس الاكسراتير هما بس المسؤلين عن الار بي ام والله اعلم وانا غيرتهم بس نفس المشكله

بما انك غيرت الحساسات بتاعة البوابة و برضه مظبطتش يبقى احتمال كبير فى عيب فى البوابة نفسها - حاول تشوف حد بتاع استيراد او ميكانيكى يجرب بوابة مع عنده و لو ظبطت اشتريها منه و لو مظبطتش اديله مصنعيته و خلاص - بالتوفيق ان شاء الله

عندى نفس المشكله من سنتين وملقتلهاش حل لا فى التوكيل ولا بره التوكيل وغيرت كل اللى حضرتك قولت عليه بالظبت وبرده لازالت اتعايش مع المشكله ... الفرق الوحيد ان عندى التانك بيعمل 300 كيلو فى 35 لتر . فالحقيقه بطلت اجرى ورى حل المشكله اللى صرفت كتير اوى عليها وللاسف لسه موجوده ... تقريبا العربيه محتاجه اسفرها تتعالج بره ههههههههههههههههههههههههه هه

المشاركة الأصلية كتبت بواسطة دكتور خالد

بما انك غيرت الحساسات بتاعة البوابة و برضه مظبطتش يبقى احتمال كبير فى عيب فى البوابة نفسها - حاول تشوف حد بتاع استيراد او ميكانيكى يجرب بوابة مع عنده و لو ظبطت اشتريها منه و لو مظبطتش اديله مصنعيته و خلاص - بالتوفيق ان شاء الله

هي المشكله لو في البوابه انا ممكن اركبها بنفسي من غير ميكانيكي بس عندنا في الصعيد مفيش حاجه اسمها اجرب لو اشتريتها وطلع العيب مش فيها هلبس في تمنها فانا كنت مخلي البوابه دي اخر حاجه.
معلش ياستاذ خالد متعرفش سعر البوابه كامله بالحسسات عامله كام وشكرا ليك

المشاركة الأصلية كتبت بواسطة a7med.7assan

عندى نفس المشكله من سنتين وملقتلهاش حل لا فى التوكيل ولا بره التوكيل وغيرت كل اللى حضرتك قولت عليه بالظبت وبرده لازالت اتعايش مع المشكله ... الفرق الوحيد ان عندى التانك بيعمل 300 كيلو فى 35 لتر . فالحقيقه بطلت اجرى ورى حل المشكله اللى صرفت كتير اوى عليها وللاسف لسه موجوده ... تقريبا العربيه محتاجه اسفرها تتعالج بره ههههههههههههههههههههههههه هه

هههههههه عندك حق يا احمد بيه والله انا بعد مغيرت البوجيهات وفلتر البنزين والهواء فولت العربيه وصفرت العداد مشيت حوالي 20 ك داخل البلد و320 كيلو علي طريق صحراوي رجعت فولت العربيه اخدت 32 لتر حمدت ربنا علي كده بس الاستهلاك ده علي مكنه 1500 كتير برضه ابن خالي معاه اوبترا مكنتها 1600 و2 كامه وبتعمل 300/ 320 كيلو في 20 لتر
طيب انت جربت تغير البوابه وهل لما بتشغل التكيف العربيه بتتكتف زيي ولا ايه
ياريت يامعالي الباشا تتابع معايا وانشاء الله هنلاقي حل للمشكل هنا

شوف يا محمد بيك موضوع اجرب بوابه ده بصراحه اتقلى بس معرفتش اعمله محدش رضى بصراحه يخلينى اجرب بوابه ويفك ويركب ... فمنجحتش انى اعمله للاسف ... وسعرها لما سالت ايامها كان تقريبا 250 جنيه لو مكنتش ذاكرتى خانتنى ... فى كمان معلومه نسيت اقوهالك لينا زميل هنا كان عنده نفس المشكله وغير كنترول العربيه نفسه والراجل بياكد انه حل معاه المشكله بتاعت ال ار بى ام ... لكن نفس استهالك البنزين او الاستهلاك زاد حاجه بسيطه ...

وفى ناس قالوا انها مشكله فى الكهربه ومحتاجه الكهرابئى يبص على الضفيره ويراجع علها ويشوف فى جاجه ملمسه سلك عريان لامس ايه . كلام كبير كده .. بس برده معملتش كده لانى صرفت كتير وياست اصلا من الحل

المشاركة الأصلية كتبت بواسطة mo7amed elkady

بسم الله الرحمن الرحيم

اعضاء منتدي نايل موتورز الكرام انا معايا شيفروليه لانوس 2013 وماشيه 40 الف كيلو
ظهرت عندي من حوالي شهرين مشكله في الار بي ام المشكله ببساطه اني لما اكون ماشي بالعربيه وعايز اهدي لما بمور العربية او ادوس دبرياج الار بي ام بيفضل عالي وسابت علي 2 او 1.5 ومبيرداش ينزل وممكن اقف خالص وهو لسه عالي.
بالاضافه الي الاستهلاك العالي في البنزين تعمل حوالي 200 كيلو في الصفيحه
المهم قبل ما اروح لاي حد يلعب في العربيه قولت ابص علي منتدي نايل موتورز لقيت المشكلة موجوده مع احد الاعضاء وكل التعليقات كانت بتقول الحل هو تنظيف البوابه و المانيفولد و حساس الأيدل و حساس موقع الاكسراتير
وكل ده لقيته في موضوع الاخ العزيز batviser .
المهم عملت كل حاجه في الموضوع وقمت بتنظيف البوابه وحساس الايدل وحساس موقع الاكسراتير وغيرت طقم البوجيات وفلتر البنزين والهواء وبرضه نفس المشكله موجوده
قولت مبدهاش اغير حساس الايدل وعملت ريست برضه نفس المشكله قولت اغير حساس موقع الاكسراتير برضه نفس المشكله دون اي تغيير ركبت القدام تاني
روحت توكيل شيفروليه في قنا المهندس الي هناك دخل العربيه علي الكومبيوتر وقالي مفيش ايرور ظاهر علي الكومبيوتر بس هي المشكله في حساس الاكسراتير وهنغيره قلته انا غيرته وجربت نفس المشكله قالي لا ده مش اصلي وتعبان قولتله غير ياعم
غير الحساس وشيك علي البوجيهات قالي الحساب 325 قولتله ماشي طلعت اجرب العريه لقيت نفس المشكله رجعتله قالي العربيه حرقها كويس ودي حاجه طبيعيه قولتله واستهلاك البنزين قالي لا عادي
ساعتها انفجرت فيه ومكنش عايز يرجع الحساس كلمت جماعه قريبي وكانوا هيدشملوا التوكيل علي دماغه رجع الحساس وركب القديم ومازلات المشكلة قائمه ولا اجد حل .
اسف علي الطاله بس فعلا مشكله مديقاني جدا في انظر الرد وربنا يباركلي فيكم

هههههه سقط سهواًً
لما بشغل التكييف وانا وماشي العرببيه بحسها بتتسحب مني وبتجري بصعوبه تحس كده في حد مكتفهه

- بص يا ذوق أنا عندى نفس مشكلتك دى بالظبط.

- ساعات أجى أقف مرة واحدة ألاقى ال أر بى أم زاد وأنا مش دايس بنزين.

- فحسيت (ملوش أى علاقه بالميكانيكا / كهربا العربيه) ده مجرد احساس؛ أنها واخدة بوء بنزين زيادة.

- فمثل بعد ما ال أر بى أم زايد وثابت عن الطبيعى 800 لفه.

- والدور على الغيار الأول فى التعشيق.

- أعشق الأول مع عدم دوس بنزين نهائياً.

- شيل رجلك من على الدبرياج فتبتدى تتحرك العربيه لأن ال أر بى أم زايد ومدى بنزين للمكنة والدليل أرتفاعه.

- تبتدى العربيه تتحرك ومع حركتها يقل ال أر بى أم ويرجع للطبيعى.

- جرب وهتدعيلى.