فيات بونتو 2008

**ترنيمه سلام** · 05-09-2015 01:25 PM

عايزه اعرف رايكم في عربيه بونتو 2008 هي العربيه حالتها كويسه جدا وجبت ميكانيكي وقالي فبريكه بس مقلقله شويه من موضوع ان لوحه التحكم بتبوظ وفي ناس كتير بتقولي بلاش عشان الحراره بتعلي وهاتي دايو جولييت احسن انا مشاويري مش كتير هل العربيه دي هتريحني ولا الجوليت احسن انا بصراحه عجباني العربيه جدا

**Ahmed.MT911** · 05-09-2015 09:35 PM

المشاركة الأصلية كتبت بواسطة ترنيمه سلام

عايزه اعرف رايكم في عربيه بونتو 2008 هي العربيه حالتها كويسه جدا وجبت ميكانيكي وقالي فبريكه بس مقلقله شويه من موضوع ان لوحه التحكم بتبوظ وفي ناس كتير بتقولي بلاش عشان الحراره بتعلي وهاتي دايو جولييت احسن انا مشاويري مش كتير هل العربيه دي هتريحني ولا الجوليت احسن انا بصراحه عجباني العربيه جدا

بصي يا فندم العربية البونتو دي تحديدا بتكون محتاجة حد حنين في التعامل مع العربية علشان تعيش معاه كويس من غير مشاكل يعني العربية مش بتاعت قرص وجري وكده ،،،،

تاني حاجة لازم لما تشتري العربية دي تبقي عارفة انك مش هتتعامل فيها مع اي ميكانيكي وخلاص زلام يكون مكانيكي متخصص في الفيات وتحديد الحديث منه ، لان لو العربية دي اشتغل فيها ميكانيكي من بتوع الكوري والياباني يبقي عليه العوض في العربية (وعنواين المكانيكية المتخصصين دول موجودة هنا في المنتدي بكثرة ) ، والنقطة التانية انك لازم تبقي عارفة برضه ان قطع الغيار الاصلية بتاعتها موجودة في وسط البلد وشارع شامبيلون تحديد (الكلايني ) والدقي وشارع فيضل ومستعمل في الوكالة وكل حاجة موجودة سواء جديد او مستعمل ،،، وقطع الغيار اللي هتركبيها غالبا مش هترجعي تغييرها تاني لانها معمرة

بأستثناء كده العربية ممتازة في كل حاجة سواء في استهلاك البنزين او التقفيل او التكييف اوالعزل ولو حضرتك بتركبي كوري وغيرتي للاوربي هتشوفي الفرق في التقفيل والامان والثبات علي الطريق كمان

موضوع وحدة التحكم اللي حضرتك سالتي عليه ده بيكون نصيب في الاول والاخر يعني ممكن يعمر مع واحد ويبوظ من التاني وهو المفروض ان العربية في الكاتلوج بتاعها يتغير بعد 100.000 كيلو ، وزي ما بقولك هي نصيب يعني انا معايا العربية عاملة 140.000 والحمد لله ماشية زي الفل ،،، وعلشان تحافظي عليه اوعي اوعي اوعي تغسلي الموتور بالمياه ابدااااااا او تسبيبي حد يغسل بمحلول او كميائي او اي حاجة من العك بتاع البنزينات وكده ، وطبعا الافضل تجيبي عربية ماشية كليو متر قليل علشان تستمعي بالعربية

موضوع السخونة اللي حضرتك بتتكلمي عليه مش عيب شائع في العربية البونتو ،،، ممكن تكون عربية مش مظبوطة او فيها مشكلة في دورة التبريد انما الفيات الحديث عموما مش بتسخن ، وحتي القديم لو مظبوطة مش هتسخن .. انا معايا بونتو موديل 2000 والحمد لله العربية علشان محافظ عليها مش بتسخن سواء في السفر او جوه القاهرة حتي

عموما دوري علي حاجة تكون ماشية كليو متر قليل وان شاء الله ربنا يوفقك

**ترنيمه سلام** · 05-09-2015 11:02 PM

المشاركة الأصلية كتبت بواسطة ahmed.mt911

بصي يا فندم العربية البونتو دي تحديدا بتكون محتاجة حد حنين في التعامل مع العربية علشان تعيش معاه كويس من غير مشاكل يعني العربية مش بتاعت قرص وجري وكده ،،،،

تاني حاجة لازم لما تشتري العربية دي تبقي عارفة انك مش هتتعامل فيها مع اي ميكانيكي وخلاص زلام يكون مكانيكي متخصص في الفيات وتحديد الحديث منه ، لان لو العربية دي اشتغل فيها ميكانيكي من بتوع الكوري والياباني يبقي عليه العوض في العربية (وعنواين المكانيكية المتخصصين دول موجودة هنا في المنتدي بكثرة ) ، والنقطة التانية انك لازم تبقي عارفة برضه ان قطع الغيار الاصلية بتاعتها موجودة في وسط البلد وشارع شامبيلون تحديد (الكلايني ) والدقي وشارع فيضل ومستعمل في الوكالة وكل حاجة موجودة سواء جديد او مستعمل ،،، وقطع الغيار اللي هتركبيها غالبا مش هترجعي تغييرها تاني لانها معمرة

بأستثناء كده العربية ممتازة في كل حاجة سواء في استهلاك البنزين او التقفيل او التكييف اوالعزل ولو حضرتك بتركبي كوري وغيرتي للاوربي هتشوفي الفرق في التقفيل والامان والثبات علي الطريق كمان

موضوع وحدة التحكم اللي حضرتك سالتي عليه ده بيكون نصيب في الاول والاخر يعني ممكن يعمر مع واحد ويبوظ من التاني وهو المفروض ان العربية في الكاتلوج بتاعها يتغير بعد 100.000 كيلو ، وزي ما بقولك هي نصيب يعني انا معايا العربية عاملة 140.000 والحمد لله ماشية زي الفل ،،، وعلشان تحافظي عليه اوعي اوعي اوعي تغسلي الموتور بالمياه ابدااااااا او تسبيبي حد يغسل بمحلول او كميائي او اي حاجة من العك بتاع البنزينات وكده ، وطبعا الافضل تجيبي عربية ماشية كليو متر قليل علشان تستمعي بالعربية

موضوع السخونة اللي حضرتك بتتكلمي عليه مش عيب شائع في العربية البونتو ،،، ممكن تكون عربية مش مظبوطة او فيها مشكلة في دورة التبريد انما الفيات الحديث عموما مش بتسخن ، وحتي القديم لو مظبوطة مش هتسخن .. انا معايا بونتو موديل 2000 والحمد لله العربية علشان محافظ عليها مش بتسخن سواء في السفر او جوه القاهرة حتي

عموما دوري علي حاجة تكون ماشية كليو متر قليل وان شاء الله ربنا يوفقك

متشكره جدا لحضرتك وهحاول ادور هنا علي ميكانبكي يفهم فيها لاني للاسف من الاسماعيليه والعربيه مش منتشره هنا